Share on Social Media


ஹைலைட்ஸ்:

  • இலங்கை அரசும் தென் ஆப்பிரிக்க நாடுகளுக்கு பயணத் தடை விதித்துள்ளது
  • தென் ஆப்பிரிக்கா மட்டுமல்லாமல் அதன் அண்டை நாடுகளான ஆறு நாடுகளுக்கும் தடை

தென் ஆப்பிரிக்காவில் தோன்றியுள்ள புதிய வகை பி.1.1.529 ஒமைக்ரான் வைரஸ் பெரும்கவலையை ஏற்படுத்தியுள்ளது. இந்த புதிய வகை வைரஸால் இனி வரும் நாட்களில் இந்தியாவில் 3ஆவது அலை உருவாகலாம் என்று தேசிய தடுப்பூசி திட்டத்தின் ஆலோசகரும், மருத்துவ நிபுணருமான மருத்துவர் புரோகித் தெரிவித்துள்ளார்.

மேலும் இந்த புதிய வகை வைரஸுக்கு எதிராக தற்போது பயன்படுத்தப்பட்டு வரும் தடுப்பூசிகள் குறைவான செயல் திறனைத் தான் கொண்டிருக்கும் எனவும் விஞ்ஞானிகள் சிலர் தெரிவித்துள்ளதால் அச்சம் ஏற்பட்டுள்ளது.

இதனால், உலக நாடுகள் பலவும் தென் ஆப்பிரிக்க பயணிகளுக்கு பயண தடையை விதித்துள்ளது. பிரிட்டன், அமெரிக்கா, இஸ்ரேல் உள்ளிட்ட நாடுகள் தென்னாப்பிரிக்கா நாடுகளுக்கு பயணத் தடை விதித்துள்ளது.
‘ஒமைக்ரான்’ எதிரொலி – அனைத்து எல்லைகளையும் மூட பிரதமர் உத்தரவு!
அந்த வகையில், இலங்கை அரசும் தென் ஆப்பிரிக்க நாடுகளுக்கு பயணத் தடை விதித்துள்ளது. இந்த தடை இன்று முதல் அமலுக்கு வருவதாகவும் அறிவிக்கப்பட்டுள்ளது. மேலும், தென் ஆப்பிரிக்கா மட்டுமல்லாமல் அதன் அண்டை நாடுகளான ஆறு நாடுகளுக்கும் இலங்கை அரசு பயணத் தடையை விதித்துள்ளது என்பது குறிப்பிடத்தக்கது.



Source link

Share on Social Media

Leave a Reply

Your email address will not be published.