Share on Social Media


அண்டை மாநிலமான கேரளாவில் ஜிகா வைரஸ் பாதிப்பு அதிகரித்துள்ள நிலையில் தமிழ்நாடு எல்லை பகுதி மற்றும் அனைத்து மாவட்டங்களிலும் ஜிகா வைரஸ் தொடர்பான முன்னெச்சரிக்கை மற்றும் முன்னேற்பாடுகளை தமிழ்நாடு சுகாதாரத்துறை தீவிரப்படுத்தியுள்ளது.

அதன்படி வழக்கமான எலிசா பரிசோதனையைத் தொடர்ந்து பிசிஆர் பரிசோதனையிலும் ஜிகா வைரஸ் கண்டறிய தேவையான நடவடிக்கைகளை தமிழ்நாடு சுகாதாரத் துறை எடுத்து வருகிறது. அந்த வகையில் சென்னை தேனாம்பேட்டை பொது சுகாதாரத்துறை இயக்குனரக அலுவலக வளாகத்தில் ஜிகா வைரஸ் தொற்றை கண்டறியும் சோதனை மையம் செயல்பட தொடங்கியுள்ளது.
கடன்கள் தள்ளுபடி: ஸ்டாலின் சொல்லப் போகும் குட் நியூஸ்!
இதுவரை கேரள எல்லையை ஒட்டியுள்ள தமிழகப் பகுதிகளில் 65 இடங்களில் சேகரிக்கப்பட்ட ஏடிஸ் கொசுக்களின் மாதிரிகள் பரிசோதனை செய்யப்பட்டுள்ளது. இதில் எந்த மாதிரியிலும் ஜிகா வைரஸ் தொற்று கண்டுபிடிக்கபடவில்லை என தமிழக சுகாதாரத் துறை தகவல் தெரிவித்துள்ளது.

தமிழ்நாட்டில் பள்ளிகள் திறப்பு: அரசு எடுக்கப் போகும் முடிவு என்ன?

முன்னதாக சுகாதாரத் துறை அமைச்சர் மா.சுப்பிரமணியன், “தமிழ்நாட்டின் நகர்ப்புறங்களில், பேரூராட்சிகளில் இதேபோல மாதிரியான சோதனைகள் எடுத்து ஆய்வுகள் மேற்கொள்ள உத்தரவிடப்பட்டுள்ளது. அதுமட்டுமல்லாமல் கேரளாவில் இருந்து ரயில் மற்றும் பேருந்துகள் மூலமாக தமிழகம் வரும் மக்களுக்கும் இம்மாதிரியான சோதனைகளை மேற்கொள்ள அறிவுறுத்தப்பட்டுள்ளது. இந்தப் பணி கடந்த நான்கைந்து நாட்களாகவே நடந்து கொண்டு வருகிறது” என தெரிவித்திருந்தார்.



Thanks for the source

Share on Social Media

Leave a Reply

Your email address will not be published. Required fields are marked *