Share on Social Media


ஹைலைட்ஸ்:

  • வாணியம்பாடியில் வாட்ஸ்-அப் மூலம் அதிக விலைக்கு விற்கப்படும் மதுபானங்கள்
  • சுற்றி வளைத்து பிடிக்க இரண்டு தனிப்படைகளை அமைத்த போலீசார்
  • டாஸ்மாக் கடைகள் மூடப்பட்ட நிலையில் குறுக்கு வழியை தேடும் ம்துபிரியர்கள்

தமிழகத்தில் கொரோனா வைரஸ் பரவலின் இரண்டாவது அலையை கட்டுப்படுத்த ஊரடங்கு உத்தரவு பிறப்பிக்கப்பட்டது. பொதுமக்கள் அலட்சியம் காட்டி வந்ததால் தளர்வுகளற்ற முழு ஊரடங்கு அமலுக்கு வந்தது. இந்த உத்தரவால் டாஸ்மாக் கடைகள் அனைத்தும் மூடப்பட்டுள்ளன. இதனால் மது பிரியர்கள் மிகுந்த சோகத்தில் ஆழ்ந்தனர். இருப்பினும் எல்லையோர மாவட்ட மக்கள் அருகிலுள்ள மாநிலங்களுக்கு சென்று திருட்டுத்தனமாக மது வாங்கி வருகின்றனர்.

ஆந்திர மாநிலத்திலும், கர்நாடக மாநிலத்திலும் தினசரி நண்பகல் 12 மணி வரை மதுக்கடைகள் திறந்திருக்கின்றன. இதனால் எல்லையோர தமிழர்கள் ஏராளமான மதுபாட்டில்களை வாங்கிக் கொண்டு காட்டுப் பாதை வழியாகவும், பரிசல்கள் வழியாகவும் எடுத்து வருகின்றனர். இவற்றை கூடுதல் விலை வைத்து மது பிரியர்களிடம் விற்று விடுகின்றனர். இந்நிலையில் திருப்பத்தூர் மாவட்டம் வாணியம்பாடியில் 50க்கும் மேற்பட்ட பெயர்களில் வாட்ஸ்-அப் குழுக்களை உருவாக்கியுள்ளனர்.

தமிழகத்தில் அடுத்தகட்ட தளர்வு; காத்திருக்கும் பெரிய ஆபத்து!

இதில் அந்தந்த பகுதியைச் சேர்ந்த மதுபிரியர்கள் உறுப்பினர்களாக இருக்கின்றனர். தங்களுக்கு தேவையான மதுபாட்டில் பெயரை வாட்ஸ்-அப்பில் பகிர்ந்து கொள்கின்றனர். அதற்கான கட்டணம் உடனடியாக தெரிவிக்கப்படுகிறது. இதை கூகுள்-பே, போன்-பே உள்ளிட்டவற்றின் மூலம் செலுத்தி விடுகின்றனர். அதன்பின்னர் குறிப்பிட்ட இடத்திற்கு வர வேண்டும் என்று அறிவுறுத்துகின்றனர்.

கள்ளத்தொடர்பு வச்சிருக்கார், அடிச்சு மண்டைய உடைச்சுட்டார்: பிரபல நடிகரின் மனைவி கண்ணீர்

அந்த இடத்திற்கு சென்று ஆன்லைனில் பணம் செலுத்தியதற்கான ஆதாரத்தைக் காட்ட வேண்டும். இதையடுத்து மதுபாட்டிகளை வழங்குகின்றனர். அதாவது வெளிமாநிலங்களில் இருந்து வாங்கி வந்த மது பாட்டில்களை அதிக விலை வைத்து ஆன்லைனில் விற்கின்றனர். இத்தகைய மது விற்பனை கடந்த சில நாட்களாக சூடுபிடித்துள்ள நிலையில் போலீசாருக்கு புகார் சென்றுள்ளது.

புதிய ரேஷன் கார்டுகள்; தமிழக அரசு வெளியிட்ட மகிழ்ச்சி அறிவிப்பு!
உடனே களத்தில் இறங்கிய வாணியம்பாடி போலீசார், மேற்குறிப்பிட்ட வாட்ஸ்-அப் குழுக்களை கண்காணிக்க தொடங்கியுள்ளனர். இதற்காக இரண்டு தனிப்படைகள் அமைக்கப்பட்டுள்ளன. அவர்கள் வாட்ஸ்-அப் அட்மின், உரையாடல், குழு உறுப்பினர்கள் உள்ளிட்ட விவரங்களைச் சேகரித்து வருகின்றனர். விரைவில் கைது படலங்கள் தொடங்கும் என்று எதிர்பார்க்கப்படுகிறது.



Thanks for the source

Share on Social Media

Leave a Reply

Your email address will not be published. Required fields are marked *