Share on Social Media


ஹைலைட்ஸ்:

  • இன்று 14 மாவட்டங்களில் கனமழை, பல மாவட்டங்களில் லேசானது முதல் மிதமான மழை
  • இன்னும் மூன்று நாள்களுக்கு மழை தான்
  • ஒரே நாளில் 19 செ.மீ. மழை எங்கே தெரியுமா?

வளிமண்டல மேலடுக்கில் ஏற்பட்டுள்ள சுழற்சி காரணமாக, பிப்ரவரி 21ஆம் தேதி (இன்று )தமிழகம், புதுவை, காரைக்கால் பகுதிகளில் ஒரு சில இடங்களில் இடிமின்னலுடன் கூடிய இலேசானது முதல் மிதமான மழை பெய்யும் என சென்னை வானிலை ஆய்வு மையம் தெரிவித்துள்ளது.

கடலூர், புதுச்சேரி, விழுப்புரம், கள்ளக்குறிச்சி, திருவண்ணாமலை, திருநெல்வேலி, சேலம், தேனி, நீலகிரி, தர்மபுரி, கிருஷ்ணகிரி, வேலூர், திருப்பத்தூர், மற்றும் ராணிப்பேட்டை மாவட்டங்களில் ஓரிரு இடங்களில் கன மழையும் பெய்யக்கூடும்.
5 முதல் 8ஆம் வகுப்பு வரை தேர்வு: அமைச்சர் சொன்ன அறிவிப்பு!
நாளை (பிப்ரவரி 22ஆம் தேதி) தமிழகம், புதுவை, காரைக்கால் பகுதிகளில் ஒரு சில இடங்களில் இடிமின்னலுடன் கூடிய இலேசானது முதல் மிதமான மழை பெய்யக்கூடும்.

பிப்ரவரி 23ஆம் தேதி தமிழகம், புதுவை, காரைக்கால் பகுதிகளில் ஓரிரு இடங்களில் இலேசானது முதல் மிதமான மழை பெய்யக்கூடும்.

பிப்ரவரி 24, 25ஆம் தேதிகளில் தமிழகம், புதுவை, காரைக்கால் பகுதிகளில் பெரும்பாலும் வறண்ட வானிலையே நிலவும்.
tamil samayam Tamil News Spotசட்டமன்ற தேர்தல் 2021: விசிக வேட்பாளர்களின் உத்தேச பட்டியல் இதோ!
சென்னையை பொறுத்தவரை அடுத்த 24 மணி நேரத்திற்கு வானம் பொதுவாக மேகமூட்டத்துடன் காணப்படும். நகரின் ஒருசில பகுதிகளில் இலேசானது முதல் மிதமான மழை பெய்யக்கூடும். அதிகபட்ச வெப்பநிலை 30 மற்றும் குறைந்தபட்ச வெப்பநிலை 23 டிகிரி செல்சியஸை ஒட்டி இருக்கும்.

அடுத்த 48 மணி நேரத்திற்கு வானம் பொதுவாக மேகமூட்டத்துடன் காணப்படும். நகரின் ஒருசில பகுதிகளில் இலேசானது முதல் மிதமான மழை பெய்யக்கூடும். அதிகபட்ச வெப்பநிலை 30 மற்றும் குறைந்தபட்ச வெப்பநிலை 23 டிகிரி செல்சியஸை ஒட்டி இருக்கும்.

திமுக கூட்டணி: தொகுதிகளை உயர்த்த ‘மநகூ’ தலைவர்கள் போட்ட திட்டம்!

கடந்த 24 மணி நேரத்தில் அதிகபட்சமாக புதுச்சேரி, கடலூர் தலா 19, மணிமுத்தாறு (திருநெல்வேலி), குறிஞ்சிப்பாடி (கடலூர்) தலா 10, பாபநாசம் (திருநெல்வேலி) 8, சேரன்மாதேவி (திருநெல்வேலி), பரங்கிப்பேட்டை (கடலூர்), புவனகிரி (கடலூர்) தலா 7, குன்னூர் (நீலகிரி) 6, சூளகிரி (கிருஷ்ணகிரி), மரக்காணம் (விழுப்புரம்), வானூர் (விழுப்புரம்) தலா 5, ஊத்துக்குளி (திருப்பூர்), அம்பாசமுத்திரம் (திருநெல்வேலி), சங்கரி துர்க் (சேலம்), பழனி (திண்டுக்கல்) தலா 4 சென்டி மீட்டர் மழை பதிவாகியுள்ளது. மீனவர்களுக்கான எச்சரிக்கை ஏதுமில்லை. இந்த அறிவிப்பை சென்னை வானிலை ஆய்வு மைய இயக்குநர் பா.கீதா தெரிவித்துள்ளார்.



Thanks for the source

Share on Social Media

Leave a Reply

Your email address will not be published. Required fields are marked *