Share on Social Media


ஹைலைட்ஸ்:

  • முழு ஊரடங்கிற்கான தளர்வில் தாறுமாறாக உயர்ந்த காய்கறிகள் விலை
  • இது மக்களை சுரண்டும் செயல் என்று தமிழக அரசு கடும் எச்சரிக்கை
  • வழக்கமான விலைக்கு குறைக்க வியாபாரிகள் நடவடிக்கை எடுக்க வேண்டும்

தமிழகத்தில் நாளை முதல் அடுத்த ஒருவாரத்திற்கு தளர்வுகளற்ற முழு ஊரடங்கு அமல்படுத்தப்படும் என்று மாநில அரசு அறிவித்துள்ளது. இதற்கு தயாராகும் வகையில் இன்று ஒருநாள் கட்டுப்பாடுகள் தளர்த்தப்பட்டுள்ளன. அதன்படி அனைத்து கடைகளும் இன்று காலை 6 மணி முதல் இரவு 9 மணி வரை செயல்படும். இதையொட்டி பொதுமக்கள் அத்தியாவசிய பொருட்களை வாங்குவதற்காக கடைகளில் குவிந்துள்ளனர்.

கோயம்பேடு மார்க்கெட்டில் காய்கறிகள் இருமடங்கு விலை வைத்து விற்கப்படுவதாக பொதுமக்கள் புகார் தெரிவித்துள்ளனர். இதுகுறித்து வியாபாரிகள் கூறுகையில், வரத்து குறைவால் விலை உயர்ந்துள்ளதாக குறிப்பிட்டனர். அதேசமயம் சில வணிக நிறுவனங்கள் மற்றும் வியாபாரிகள் காய்கறிகளை செயற்கையாக கூடுதல் விலைக்கு விற்பதாக குற்றச்சாட்டு எழுந்துள்ளது.

தனியார் மருத்துவமனைகளில் கொரோனா சிகிச்சை கட்டணம் எவ்வளவு? தமிழக அரசு அதிரடி!
இந்த விவகாரம் அரசின் கவனத்திற்கு சென்றுள்ளது. இதுதொடர்பாக தமிழக உணவுத்துறை அமைச்சர் சக்கரபாணி வெளியிட்டுள்ள செய்திக்குறிப்பில், கொரோனா பெருந்தொற்று பரவலை கட்டுப்படுத்த நாளை (மே 24) முதல் முழு ஊரடங்கு அறிவிக்கப்பட்டுள்ளது. மக்களின் உயிர் காக்கும் பொருட்டு அனைத்து தரப்பினரையும் ஆலோசித்து இந்த முடிவு எடுக்கப்பட்டுள்ளது.

tamil samayam Tamil News Spotவெறி பிடிச்ச நாய் குரைப்புக்கு பதில் சொல்ல முடியாது என்ற அமைச்சர்: ஹெச். ராஜாவுக்காக நியாயம் கேட்கும் இயக்குநர்
தவிர்க்க இயலாத இந்த நடவடிக்கையை மக்கள் ஏற்று ஒத்துழைப்பு தந்து கொண்டிருக்கின்றனர். இந்த வேளையில் சில வணிக நிறுவனங்கள் மற்றும் வியாபாரிகள் காய்கறிகளை செயற்கையாக கூடுதல் விலைக்கு விற்று வருகின்றனர். இது மக்களை சுரண்டும் செயல். எனவே உயர்த்தப்பட்ட விலையை உடனடியாக வழக்கமான விலைக்கு குறைக்க வணிகர்கள் கேட்டுக் கொள்ளப்படுகிறார்கள்.

tamil samayam Tamil News Spotதமிழகத்தில் முழு ஊரடங்கு திடீர் ரத்து; பொதுமக்கள் பெரும் நிம்மதி!
இதுகுறித்து சம்பந்தப்பட்ட அரசு அலுவலர்கள் ஆய்வு செய்ய வேண்டும். சம்பந்தப்பட்டவர்கள் மீது அத்தியாவசிய பொருள் சட்டத்தின் கீழ் நடவடிக்கை எடுக்கப்படும். இதற்கு தனியார் நிறுவனங்களும் ஒத்துழைப்பு தர வேண்டும் என்று கேட்டுக் கொள்ளப்பட்டுள்ளது.



Thanks for the source

Share on Social Media

Leave a Reply

Your email address will not be published. Required fields are marked *