Share on Social Media


ஹைலைட்ஸ்:

  • முன்பதிவில்லாத பொதுப் பெட்டிகள் முன்பதிவு பெட்டிகளாக மாற்றம்
  • அன்றாடம் ரயில்களில் பயணிப்போர் இதனால் சிரமம்
  • ஜூன் 1 முதல் மீண்டும் பொது பெட்டிகள் இயங்க வாய்ப்பு!

கொரோனா பொது முடக்கம் விதிக்கப்பட்டு பதினொன்று மாதங்களாகின்றன. இதில் பல்வேறு தளர்வுகள் அறிவிக்கப்பட்டு இயல்பு வாழ்க்கைக்கு மக்கள் திரும்பினாலும் சில கட்டுப்பாடுகள் தொடர்ந்துகொண்டுதான் உள்ளன.

இதில் முக்கியமான ஒன்று ரயில்களுக்கான அனுமதி. மீண்டும் ரயில்கள் இயக்கப்பட்டு வரும் நிலையிலும் முக்கிய ரயில்கள் சிறப்பு ரயில்களாகவே இயக்கப்படுகின்றன. முன்பதிவு இல்லாமல் பயணிகள் பயணிக்க முடியாது.

5 முதல் 8ஆம் வகுப்பு வரை தேர்வு: அமைச்சர் சொன்ன அறிவிப்பு!

முன்பதிவு இல்லாமல் பயணித்துவந்த பொதுப் பெட்டிகளையும் முன்பதிவு பட்டியலில் சேர்த்து உட்கார்ந்து பயணிக்கும் விதமாக ரயில்வேத் துறை மாற்றியுள்ளது.

தென்னக ரயில்களில் 60 சதவிகிதத்துக்கும் மேற்பட்ட வழக்கமான ரயில்கள் இயக்கப்படுகின்றன. தமிழக அரசு முழு அளவில் ரயில்களை இயக்கலாம் என்று வேண்டுகோள் விடுத்தும் முழு அளவில் ரயில்கள் இயக்கப்படவில்லை.

அனைத்து வழித்தடத்திலும் முன்னர் போல் எப்போது ரயில்கள் பழைய அட்டவணைப் படி இயக்கப்படும் என்ற கேள்வி எழுந்துள்ளது. மேலும் முன்பதிவு இல்லாத பெட்டிகளையும் வழக்கம்போல் பயன்பாட்டுக்கு கொண்டு வர வேண்டும் என்றும் மக்கள் கோரிக்கை விடுத்து வருகின்றனர்.

14 மாவட்டங்களுக்கு கனமழை: வானிலை ஆய்வு மையம் சூப்பர் தகவல்!

அன்றாடம் ரயில்கள் மூலம் சென்று திரும்புபவர்கள் கட்டாய முன்பதிவு காரணமாக சிரமத்திற்கு ஆளாகின்றனர். சில மண்டலங்களில் ஜூன் மாதம் முதல் இந்த உட்காரும் வசதி கொண்ட பெட்டிகளுக்கான முன்பதிவு ஐஆர்சிடிசி போர்ட்டலில் நிறுத்தப்பட்டுள்ளது.

இதுகுறித்து ரயில்வே அதிகாரிகளிடம் விசாரித்தபோது, “மீண்டும் முன்பதிவு இல்லாத பெட்டிகளாக மாற்றுவதற்காகத்தான் இந்த நடவடிக்கை” என்று கூறினர்.

திமுக கூட்டணி: தொகுதிகளை உயர்த்த ‘மநகூ’ தலைவர்கள் போட்ட திட்டம்!

எனவே வருகிற ஜூன் 1ஆம்தேதி முதல் இரண்டாம் வகுப்பு உட்காரும் வசதி கொண்ட முன்பதிவு பெட்டியாக மாற்றப்பட்ட பொதுப்பெட்டிகள் மீண்டும் முன்பதிவு இல்லாத பொதுப்பெட்டிகளாக மாற்றி இயக்கப்பட உள்ளதாக கூறுகின்றனர்.

கொரோனா பரவல் மீண்டும் அதிகரிக்காத நிலையில் அனைத்து வழித் தடங்களிலும் பழைய அட்டவணைப் படி ரயில்கள் ஜூன் மாதத்துக்குப் பின் இயக்கப்படலாம் என்று தெரிகிறது.



Thanks for the source

Share on Social Media

Leave a Reply

Your email address will not be published. Required fields are marked *