Share on Social Media


ஹைலைட்ஸ்:

  • 10, 11ஆம் வகுப்பு மாணவர்களுக்கு தேர்ச்சி சான்றிதழ் வழங்கும் பணிகள்
  • அரசாணை வெளியிட்ட பள்ளிக் கல்வித்துறை செயலாளர் காகர்லா உஷா
  • மதிப்பெண்களுக்கு பதிலாக வெறுமனே தேர்ச்சி என இடம்பெற்றிருக்கும்

தமிழகத்தில் கடந்த ஓராண்டிற்கும் மேலான கொரோனா வைரஸ் பாதிப்பு கல்வி கற்கும் சூழலை தலைகீழாக புரட்டி போட்டுள்ளது. பள்ளிகள் மூடப்பட்டு வீட்டிலிருந்த படியே ஆன்லைன் வாயிலாக, கல்வி சேனல் வாயிலாக பாடம் படிக்கும் நிலை ஏற்பட்டது. இந்நிலையில் பள்ளி ஆண்டு இறுதித்தேர்வுகள் நடத்துவதற்கு சாதகமான சூழல் ஏற்படாததால் அவற்றை ரத்து செய்யும் முடிவுக்கு தமிழக அரசு வந்தது.

வல்லுநர்கள் குழு

அதன்படி, 10 மற்றும் 12ஆம் வகுப்பு பொதுத்தேர்வு உட்பட அனைத்து வகுப்புகளுக்கும் ஆண்டு இறுதித்தேர்வுகள் ரத்து செய்யப்பட்டன. உயர்கல்வி சேர்க்கையை கருத்தில் கொண்டு 12ஆம் வகுப்பிற்கு மதிப்பெண் பட்டியல் தயார் செய்வதற்கு வல்லுநர்கள் குழு அமைக்கப்பட்டது. அவர்கள் ஆலோசனைகளின்படி, மதிப்பெண்கள் கணக்கிடப்பட்டு சமீபத்தில் 12ஆம் வகுப்பு தேர்வு முடிவுகள் வெளியிடப்பட்டன.
தமிழகத்திற்கு பெரிய ஆபத்து; முதல்வர் ஸ்டாலின் சொன்னது தப்பே இல்ல!
அரசாணை வெளியீடு

இதன் தொடர்ச்சியாக 10 மற்றும் 11ஆம் வகுப்பிற்கான தேர்ச்சி சான்றிதழ் தொடர்பாக பள்ளிக் கல்வித்துறை முதன்மை செயலாளர் காகர்லா உஷா அரசாணை வெளியிட்டுள்ளார். அதில், கடந்த 2020-21ஆம் கல்வியாண்டில் படித்த மாணவரக்ளுக்கு மதிப்பெண் பட்டியலில் மதிப்பெண்ணுக்கு பதிலாக தேர்ச்சி என்று அச்சிடப்படும் என்று தமிழக அரசு ஏற்கனவே அறிவித்திருந்தது.

குழந்தை தொழிலாளர்களை ஈடுபடுத்துபவர்கள் யாராக இருந்தாலும் , அவர்கள் கண்டிப்பாக தண்டிக்கப்படுவார்கள் !

தேர்ச்சி சான்றிதழ்

அதன் அடிப்படையில் 10 மற்றும் 11ஆம் வகுப்பு மாணவர்கள் அனைவரும் அனைத்து பாடங்களிலும் தேர்ச்சி பெற்றுள்ளனர் என்ற சான்று அளிக்கப்படுகிறது என்ற வாசகத்தை அச்சிட்டு, ஒவ்வொரு பாடத்திற்கும் மதிப்பெண்கள் பதிவு செய்வதற்கான பகுதியில் மட்டும் மதிப்பெண்களுக்கு பதிலாக தேர்ச்சி என்று அச்சிட்டு சான்றிதழ் வழங்கப்படும் என்று கூறப்பட்டுள்ளது.
tamil samayam Tamil News Spotமுதல்வர் ஸ்டாலின் கொடுத்த சிக்னல்; களத்தில் இறங்கிய பிடிஆர்!
இந்த சூழலில் 10 மற்றும் 11ஆம் வகுப்பு மாணவர்களுக்கு மதிப்பெண் சான்று வழங்குவதற்கான அனைத்து நடவடிக்கைகளையும் அரசுத் தேர்வுகள் இயக்ககம் முடுக்கி விட்டுள்ளது. மதிப்பெண் சான்றுகளை எப்போது பெற்று கொள்ளலாம் என்று அறிவிப்பு சம்பந்தப்பட்ட பள்ளிகள் மூலம் தெரிவிக்கப்படும் என்று கூறப்படுகிறது.



Thanks for the source

Share on Social Media

Leave a Reply

Your email address will not be published. Required fields are marked *