Share on Social Media


ஹைலைட்ஸ்:

  • விரைவில் தனியார் ரயில்கள் தமிழகத்தில் இயக்க திட்டம்
  • தனியார் நிறுவனங்களிடம் டெண்டர் கோரும் ரயில்வே வாரியம்
  • ரயில் கட்டணம் பல மடங்கு உயரும் என்று அச்சம்

நாடு முழுவதும் ரயில்வே துறையில் தனியாரின் பங்களிப்பிற்கு மத்திய அரசு அனுமதி அளித்துள்ளது. ஏற்கனவே சில தனியார் ரயில்கள் பயன்பாட்டிற்கு வந்துள்ளன. இந்நிலையில் தமிழகத்தில் குறிப்பிட்ட வழித்தடங்களில் தனியார் ரயில்களை அனுமதிக்க ரயில்வே வாரியம் முடிவு செய்துள்ளது. சென்னையில் இருந்து தமிழகத்தின் பிற நகரங்களை இணைக்கும் வகையில் பல்வேறு தனியார் நிறுவனங்களுக்கும் வாய்ப்பளிக்க திட்டமிடப்பட்டுள்ளது.

இதற்கான நிறுவனங்களை இறுதி செய்யும் பணிகள் இம்மாத இறுதிக்குள் முடிவடைந்துவிடும் என்று எதிர்பார்க்கப்படுகிறது. அதாவது சென்னையில் இருந்து மதுரை, கோயம்புத்தூர், திருச்சி, கன்னியாகுமரி, திருநெல்வேலி, மும்பை, மங்களூரு, செகந்திராபாத், டெல்லி ஆகிய நகரங்களுக்கு தனியார் ரயில்கள் இயக்கப்படவுள்ளன. சென்னை மண்டலத் திட்டத்தைப் பொறுத்தவரையில் ரூ.3,221 கோடியில் 1,052 கிலோமீட்டர் தூரத்திற்கு செயல்படுத்தப்படவுள்ளது.

கருணாநிதி போதனைகளை மறந்த திமுகவும், ஸ்டாலினும்; எல்.முருகன் பரபரப்பு!
இது மும்பை மண்டலத்திற்கு அடுத்தபடியாக மிகப்பெரிய திட்டமாக கருதப்படுகிறது. தமிழகத்தில் தனியார் ரயில்களுக்கான முனையமாக தாம்பரம் செயல்படும் என்று தகவல்கள் தெரிவிக்கின்றன. பராமரிப்பு மையமாக தண்டையார்பேட்டை செயல்படும் என்று கூறப்படுகிறது. இதுதொடர்பாக ரயில்வே வாரியத் தலைவரும், சி.இ.ஓவுமான சுனீத் ஷர்மா கூறுகையில்,

tamil samayam Tamil News Spotகமலின் சூப்பர் ஹிட் படங்களை இயக்கிய ஜி.என். ரங்கராஜன் மரணம்: திரையுலகினர் கவலை
தனியார் ரயில்களுக்கான டெண்டர் கோரும் நடவடிக்கைகள் முடுக்கி விடப்பட்டுள்ளன. அடுத்த சில வாரங்களில் டெண்டர் கோரப்படும். இதைத் தொடர்ந்து பல்வேறு நிறுவனங்களிடம் இருந்து உரிய விண்ணப்பங்கள் வரும் என்று எதிர்பார்க்கிறோம் என்றார்.

tamil samayam Tamil News Spotதலைநிமிர்ந்து வருகிறேன்; வைரலாகும் ஸ்டாலினின் உருக்கமான பதிவு!
ரயில்வே துறையில் தனியாரின் பங்களிப்பு மூலம் உலகத்தரம் வாய்ந்த சேவையை பயணிகளுக்கு அளிப்பதாக ரயில்வே துறை கூறினாலும், பல மடங்கு கட்டணம் உயரும் என்று அஞ்சப்படுகிறது. இது நடுத்தர மற்றும் சாமானிய மக்களை பெரிதும் பாதிக்கும் என்று கூறப்படுகிறது.



Thanks for the source

Share on Social Media

Leave a Reply

Your email address will not be published. Required fields are marked *