Share on Social Media


தமிழ்நாட்டில் கொரோனா பாதிப்பு புதுப் புது உச்சங்களை எட்டி வந்த நிலையில் தீவிர ஊரடங்கு அமல்படுத்தப்பட்ட பின்னர் பாதிப்பு படிப்படியாக குறைந்து வருகிறது. மே 24ஆம் தேதி ஒரு வார ஊரடங்கு என அறிவிக்கப்பட்டு பின்னர் மேலும் ஒரு வாரம் நீட்டிக்கப்பட்டது.

தற்போது அமலில் உள்ள தீவிர ஊரடங்கில் அனைத்துப் பணிகளும் முடங்கியுள்ளன. காய்கறி, மளிகைக் கடைகள் முதற்கொண்டு மூடப்பட்டுள்ளதால் மக்களின் அத்தியாவசியத் தேவைகளை பூர்த்தி செய்வதில் சிக்கல் ஏற்பட்டுள்ளது. 14 நாள்கள் தீவிர ஊரடங்கால் மக்களின் வாழ்வாதாரம் கடுமையாக பாதிக்கப்பட்டுள்ளது.
தமிழ்நாட்டில் கடைகள் திறப்பு: வணிகர்கள் சங்கம் வச்ச ‘நச்’கோரிக்கை!
ஊரடங்கை நீட்டித்துக்கொண்டு செல்ல முடியாது என முதல்வர் வீடியோ மூலம் தெரிவித்திருந்தாலும் ஊரடங்கு நீடிக்காமல் இருப்பது மக்களின் கையில்தான் இருக்கிறது என்று கூறினார்.

இந்நிலையில் ஊரடங்கு நீட்டிப்பு குறித்து முடிவெடுக்க முதல்வர் மு.க ஸ்டாலின்சென்னை தலைமை செயலகத்தில் இன்று காலை 11.30 மணியளவில் ஆலோசனை நடத்துகிறார். தலைமைச் செயலாளர் வெ.இறையன்பு சுகாதாரச் செயலாளர் ராதாகிருஷ்ணன், டிஜிபி உள்ளிட்ட அதிகாரிகள் இந்தக் கூட்டத்தில் பங்கேற்கின்றனர்.
tamil samayam Tamil News Spotபிளஸ் டூ தேர்வு ரத்து செய்தால் இவ்வளவு பிரச்சினையா? மோடி செய்த அரசியல்!
ஊரடங்கு நீட்டிக்கப்பட்டாலும் சில தளர்வுகள் அறிவிக்கப்படும் என்று எதிர்பார்க்கப்படுகிறது. குறிப்பாக கடைகள் வழிகாட்டு நெறிமுறைகளைப் பின்பற்றி இயங்க அனுமதியளிக்கப்படும் என எதிர்பார்க்கப்படுகிறது. பாதிப்பு அதிகமுள்ள மாவட்டங்கள், குறைவான பாதிப்புள்ள மாவட்டங்கள் என வகைப்படுத்தப்பட்டு கட்டுப்பாடுகள் விதிக்கப்பட வாய்ப்புள்ளதாகவும் கோட்டை வட்டாரங்களிலிருந்து வரும் தகவல்கள் தெரிவிக்கின்றன.
tamil samayam Tamil News Spotரேஷன் அட்டைகளுக்கு ஜாக்பாட்: வெளியான சூப்பர் அறிவிப்பு!
இரு நாள்களில் தற்போதைய ஊரடங்கு முடிவுக்கு வர உள்ள நிலையில் இன்று அல்லது நாளை இது குறித்த அதிகாரபூர்வ அறிவிப்பு வெளியாக உள்ளது.



Thanks for the source

Share on Social Media

Leave a Reply

Your email address will not be published. Required fields are marked *