Share on Social Media


ஹைலைட்ஸ்:

  • மருந்தாளுநர் பணிக்கு தொகுப்பூதிய ஒப்பந்த அடிப்படையில் பணி
  • பி.பார்ம் படித்தவர்களும் விண்ணப்பிக்கலாம் என்று தமிழக அரசு அறிவிப்பு
  • அரசின் அறிவிப்பிற்கு பாமக இளைஞரணித் தலைவர் அன்புமணி வரவேற்பு

தமிழகத்தில் உள்ள அரசு மருத்துவமனைகளில் 1,235 மருந்தாளுநர்கள் உள்ளிட்ட 4,624 துணை மருத்துவப் பணியாளர்களை ஒப்பந்த அடிப்படையில் நியமிக்க மாநில அரசு திட்டமிட்டுள்ளதாக பாமக இளைஞரணித் தலைவர் அன்புமணி ராமதாஸ் கடந்த வாரம் அறிக்கை வெளியிட்டிருந்தார். அதில், தமிழகம் முழுவதும் அரசு மருத்துவமனைகள், சுகாதார நிலையங்களில் 5,000 மருந்தாளுநர் பணியிடங்கள் உள்ளன. இப்பணிக்கு மருந்தியலில் பட்டப்படிப்பு (பி.பார்ம்), பட்டயப்படிப்பு (டி.பார்ம்) படித்தவர்கள் தகுதி பெற்றவர்கள்.

பி.பார்ம் படித்தவர்களுக்கு மறுப்பு

டி.பார்ம் படித்தவர்களுடன் ஒப்பிடும் போது பி.பார்ம் படித்தவர்களுக்கு மருந்துகள் குறித்து கூடுதல் புலமை இருக்கும். ஆனால் தமிழகத்தில் இன்று வரை பி.பார்ம் படித்தவர்களுக்கு அரசு மருத்துவ நிறுவனங்களில் மருந்தாளுநர் பணி மறுக்கப்பட்டு வருகிறது. அதாவது பி.பார்ம் படித்தவர்களுக்கு அரசு மற்றும் தனியார் நிறுவனங்களில் கூடுதலான வேலைவாய்ப்புகள் இருப்பதால் அவர்களுக்கு மருந்தாளுநர் பணி வழங்கத் தேவையில்லை.
இனிமே 3 வருஷம் தான்; நியாய விலைக் கடைகளுக்கு புதிய உத்தரவு!
இருதரப்பினரும் பயனடைய வேண்டும்

டி.பார்ம் படித்தவர்களுக்கு வேறு வேலைவாய்ப்புகள் இல்லை என்பதால் அவர்களுக்கு மட்டுமே இப்பணி வழங்கப்பட வேண்டும் என்பது தான் அரசின் வாதமாகும். இது அடிப்படையும், அறமும் அற்றது. மருந்தாளுநர் பணி நியமனத்தில் டி.பார்ம் பட்டதாரிகள், பி.பார்ம் பட்டதாரிகள் ஆகிய இரு தரப்பினரின் நலன்களும் பாதுகாக்கப்பட வேண்டும்.

அன்புமணி ராமதாஸ் வரவேற்பு

அதனைக் கருத்தில் கொண்டு இரு தரப்பினரும் விண்ணப்பித்து தகுதி அடிப்படையில் பணி நியமனம் செய்யப்படும் வகையில் புதிய திட்டத்தை தயாரித்து அரசு செயல்படுத்த வேண்டும் என்று அன்புமணி ராமதாஸ் வலியுறுத்தியுள்ளார். இந்த சூழலில் அரசு மருத்துவமனைகளில் மருந்தாளுனர் பணிக்கு பி.பார்ம் படித்தவர்களும் விண்ணப்பிக்கலாம் என்று தமிழக அரசு அறிவித்துள்ளது.

புதிய தொழில் துவங்க 35 நிறுவனங்கள் தமிழ்நாடு அரசின் புரிந்துணர்வு ஒப்பந்தங்களில் கையெழுத்திட்டுள்ளது !

இதன்மூலம் வேறு அரசு பணி வாய்ப்பு இல்லாத பல்லாயிரக்கணக்கான பி.பார்ம் பட்டதாரிகள் பயனடைவார்கள். தமிழக அரசின் இந்த அறிவிப்பிற்கு அன்புமணி ராமதாஸ் வரவேற்பு தெரிவித்து தனது ட்விட்டரில் பதிவிட்டுள்ளார்.



Thanks for the source

Share on Social Media

Leave a Reply

Your email address will not be published. Required fields are marked *