Share on Social Media


திமுக பத்தாண்டுகளுக்குப் பின் ஆட்சிக்கு வந்ததும் முதல் பட்ஜெட் தாக்கல் செய்யப்பட உள்ளது. முதன்முறையாக மு.க.ஸ்டாலின் முதல்வராக பதவியேற்றுள்ள நிலையில் இந்த பட்ஜெட் மிகுந்த எதிர்பார்ப்பை ஏற்படுத்தியுள்ளது.

திமுக தேர்தல் அறிக்கையில் குறிப்பிடப்பட்ட பல வாக்குறுதிகள் அரசு அறிவிப்புகளாக வெளி வர வாய்ப்புள்ளதாக கூறுகிறார்கள். தமிழக அரசு கடன் சுமையில் சிக்கி தவிக்கும் நிலையில் அமைச்சர் பழனிவேல் தியாகராஜன் இந்த பட்ஜெட்டை எப்படி அமைத்துள்ளார் என்பது குறித்து எதிர்பார்ப்பு ஏற்பட்டுள்ளது. இந்நிலையில் பட்ஜெட் தாக்கல் செய்வதே இம்முறை புதுமையாக இருக்கும் என சபாநாயகர் அப்பாவு தெரிவித்துள்ளார்.
இது மட்டும் நடந்துருந்தா எடப்பாடி தான் இப்போ சி.எம்! – ஆர்.பி.உதயகுமார்
தலைமைச் செயலகத்தில் சபாநாயகர் அப்பாவு துணை சபாநாயகர் பிச்சாண்டி ஆகியோர் தலைமையில் சட்டமன்ற விதிகள் ஆய்வுக்குழு கூட்டம் நடைபெற்றது. இந்தக் கூட்டத்தில் முதலமைச்சர் ஸ்டாலின் மற்றும் திமுக, அதிமுகவை சேர்ந்த 12 சட்டமன்ற உறுப்பினர்கள் கலந்து கொண்டனர்.

திமுகவுக்கு வாக்களிக்கவில்லையே என மக்கள் வருத்தம்

அதன் பின்னர் சபாநாயகர் அப்பாவு செய்தியாளர்களைச் சந்தித்தார். அப்போது பேசிய அவர், “தமிழ்நாடு சட்டப்பேரவை நடவடிக்கைகளை இனி காகிதமில்லா முறையில் மேற்கொள்ள ஆலோசனை நடைபெற்று வருகிறது. வரும் பட்ஜெட்டை இ பட்ஜெட்டாக தாக்கல் செய்யவும் ஆலோசனை நடைபெறுகிறது.

சட்டப்பேரவை உறுப்பினர்கள் அனைவருக்கும் கையடக்க கணிணி (டேப்லட்) வழங்கப்படும், நவீன தொழில்நுட்பத்துக்கு ஏற்ப சட்டப்பேரவை உறுப்பினர்களுக்கு பயிற்சி அளிக்கப்படும்” என்றும் அப்பாவு தெரிவித்தார்.

ஸ்கெட்ச் பழனியப்பனுக்கா, பழனிசாமிக்கா? ஸ்டாலினின் பத்தாண்டு திட்டம்!

2021-22 நிதியாண்டுக்கான பட்ஜெட்டை ஒன்றிய நிதியமைச்சர் நிர்மலா சீதாராமன் பிப்ரவரி மாதம் தாக்கல் செய்தார். அப்போது முதன்முறையாக, மின்னணு பதிவாக பட்ஜெட் தாக்கல் செய்தார் என்பது குறிப்பிடத்தக்கது.



Thanks for the source

Share on Social Media

Leave a Reply

Your email address will not be published. Required fields are marked *