Share on Social Media


ஹைலைட்ஸ்:

  • பேக்கரியை திறக்கலாமா வேண்டாமா என்ற குழப்பம் வணிகர்கள் மத்தியில் உள்ளது
  • பல இடங்களில் பேக்கரிகள் செயல்படுகின்றன
  • அப்படி இடையூறு ஏற்பட்டால் வணிகர் சங்கத்தை அணுகலாம்

கொரோனா பரவல் தடுப்பு நடவடிக்கையாக தமிழகத்தில் தளர்வுகளற்ற ஊரடங்கு அமல் படுத்தப்பட்டது. இதனால், அனைத்து கடைகளும் அடைக்கப்பட்டன. முன்னதாக, குறிப்பிட்ட நேரத்துக்கு மட்டும் கடைகளை திறந்து கொள்ளலாம் என்ற அரசின் அனுமதியை பலரும் தவறாக பயன்படுத்தியதால், அந்த தளர்வுகள் ரத்து செய்யப்பட்டன.

இந்த தளர்வுகளற்ற ஊரடங்கானது முடிவடைந்துள்ள நிலையில், வருகிற 14ஆம் தேதி வரை மேலும் சில தளர்வுகளை அளித்து ஊரடங்கு உத்தரவை தமிழக அரசு நீட்டித்துள்ளது. அதன்படி, தனியாக செயல்படுகிற மளிகை, பலசரக்குக் கடைகள், காய்கறிக் கடைகளை காலை 6 மணி முதல் மாலை 5 மணி வரை திறந்து கொள்ள தமிழக அரசு அனுமதி அளித்துள்ளது.

அதுதவிர, சுய தொழில் மேற்கொள்ளும் எலக்ட்ரீசியன், பிளம்பர், கணினி பழுது பார்ப்பவர்கள், மோட்டார் வாகனம் பழுது பார்ப்பவர்கள், வீட்டு வேலை செய்பவர்கள் உள்ளிட்ட பல்வேறு பணிகளுக்கும் அனுமதி அளிக்கப்பட்டுள்ளது. ஆனால், தமிழக அரசு வெளியிட்டுள்ள செய்திக் குறிப்பில் பேக்கரிகளை திறந்து கொள்வது பற்றி எதுவும் குறிப்பிடப்படவில்லை.

கடந்த முறை பொது முடக்கத்தின் போது, பிரெட் தயாரித்து விற்பனை செய்து கொள்ள அனுமதி அளிக்கப்பட்டது. பின்னர் அனைத்து கடைகளையும் திறக்க அனுமதி அளிக்கப்பட்ட போது பேக்கரிகளும் திறக்கப்பட்டன. ஆனால், தற்போது பேக்கரிகளை திறப்பது பற்றி தமிழக அரசு எதுவும் தெரிவிக்காததால், பேக்கரி வியாபாரிகளிடம் கடைகளை திறக்கலாமா வேண்டாமா என்பதில் குழப்பம் நீடித்து வருகிறது. மேலும், பேக்கரிகளையும் குறிப்பிட்ட மணி நேரத்தில் திறந்து கொள்ள அரசு அனுமதி அளிக்க வேண்டும் என்றும் அவர்கள் கோரிக்கை விடுத்து வருகின்றனர்.

முடங்கியது இபதிவு இணையதளம்: பொதுமக்கள் அவதி!
இதுகுறித்து வணிகர் சங்கங்களின் பேரமைப்பு தலைவர் விக்கிரம ராஜாவை தொடர்பு கொண்ட கேட்டபோது, பல இடங்களில் பேக்கரிகள் செயல்படுகின்றன. அதற்கு இடையூறு எதுவும் ஏற்படவில்லை. அப்படி இடையூறு ஏற்பட்டால் வணிகர் சங்கத்தை அணுகலாம் என்று தெரிவித்துள்ளார்.

மேலும், “பேக்கரியை திறக்கலாமா வேண்டாமா என்ற குழப்பம் வணிகர்கள் மத்தியில் இருப்பதால் இது தொடர்பாக தெளிவான அறிக்கை ஒன்றை தமிழக அரசு வெளியிட வேண்டும் என வணிகர் சங்கங்களின் பேரமைப்பு சார்பாக விக்கிரம ராஜா கேட்டுக் கொண்டுள்ளார்.



Thanks for the source

Share on Social Media

Leave a Reply

Your email address will not be published. Required fields are marked *