Share on Social Media


ஹைலைட்ஸ்:

  • 11ஆம் வகுப்பு சேர்க்கைக்கான நுழைவுத் தேர்வை ரத்து செய்து தமிழக அரசு உத்தரவு
  • பாட வாரியாக “தேர்ச்சி” என்று குறிப்பிட்டு 11ஆம் வகுப்பில் சேர்வதற்கேற்ப சான்றிதழ்கள்

கொரோனோ பரவல் காரணமாக கடந்த ஆண்டு 10ஆம் வகுப்பு மாணவர்கள் அனைவரும் தேர்வு இல்லாமல் தேர்ச்சி செய்யப்பட்டனர். இதையடுத்து, அவர்களின் காலாண்டு மற்றும் அரையாண்டு தேர்வு மற்றும் வருகைப்பதிவின்படி பொதுத்தேர்வு மதிப்பெண் வழங்கப்பட்டது.

அதன் தொடர்ச்சியாக தற்போது கொரோனா இரண்டாவது அலை காரணமாக 10, 11, 12ஆம் வகுப்பு பொதுத் தேர்வுகள் ரத்து செய்யப்பட்டுள்ளன. 12ஆம் வகுப்பு பொதுத்தேர்வை பொறுத்தவரை, மதிப்பெண் வழங்கும் முறை குறித்த பரிந்துரை அளிக்க குழு ஒன்றை அரசு அமைத்துள்ளது.

அதேநேரம் 10ஆம் வகுப்பு மாணவர்களுக்கு தேர்ச்சி வழங்கப்பட்டாலும் இறுதி மதிப்பெண் கணக்கீட்டில் சிக்கல் நிலவுகிறது. மாணவர்களின் உயர்கல்விக்கு இந்த மதிப்பெண் அவசியம் என்பதால் கூடுதல் கவனம் செலுத்த வேண்டிய நிலை ஏற்பட்டுள்ளது. தனியார் பள்ளிகள் இந்த ஆண்டு பாடங்கள், தேர்வுகளை இணைய வழியில் நடத்தி முடித்துள்ளன. ஆனால், அரசுப்பள்ளி மாணவர்களுக்கு அதற்கான சூழல் அமையவில்லை என்பதால் மாணவர்களுக்கு மதிப்பெண் வழங்குவதில் நீண்ட ஆலோசனைகள் மேற்கொள்ளப்பட்டு வருகின்றன.

இந்த நிலையில், 10ஆம் வகுப்பு மாணவர்களின் மதிப்பெண் சான்றிதழில், மதிப்பெண்களை குறிப்பிடாமல் “தேர்ச்சி” என்று மட்டும் குறிப்பிட்டு சான்றிதழ் வழங்க பள்ளிக்கல்வித்துறை முடிவு செய்துள்ளதாக தகவல்கள் வெளியாகியுள்ளன. ஆல் பாஸ் என்று அறிவிக்கப்பட்யுள்ளதால், பாட வாரியாக “தேர்ச்சி” என்று குறிப்பிட்டு 11ஆம் வகுப்பில் சேர்வதற்கேற்ப சான்றிதழ்கள் வழங்கப்பட உள்ளதாக தெரிகிறது.

எனக்கு இந்த சாப்பாடு போதும்: தலைமைச் செயலாளர் இறையன்பு உத்தரவு!
முன்னதாக, ஜூன் மாதத்தின் மூன்றாவது வாரத்தில், 11ஆம் வகுப்பு மாணவர்களுக்கு வகுப்புகள் தொடங்கும் என்றும், சம்பந்தப்பட்ட பள்ளிகளே நுழைவுத் தேர்வுகளை நடத்தி, மாணவர் சேர்க்கையை நடத்திக் கொள்ளலாம் என்றும் தெரிவிக்கப்பட்டிருந்தது. இதற்கு எதிர்ப்பு எழுந்த நிலையில், 11ஆம் வகுப்பு சேர்க்கைக்கான நுழைவுத் தேர்வை ரத்து செய்து தமிழக அரசு உத்தரவிட்டுள்ளது என்பது குறிப்பிடத்தக்கது.



Thanks for the source

Share on Social Media

Leave a Reply

Your email address will not be published. Required fields are marked *