1602008822 pic Tamil News Spot
Share on Social Media


ஒற்றைத்தலைவலி என்னும் மைக்ரேன் தலைவலி குமட்டல் உணர்வு, வாந்தி, அதிக வெளிச்சம் தாங்க முடியாதமை போன்ற அறிகுறிகளை கொண்டிருக்கும். இது நீண்ட நேரம் வரை இருக்கும். சிலருக்கு ஓரிரு நாள் வரையிலும் நீடிக்கும். பெரும்பாலும் ஒற்றைத்தலைவலி அறிகுறிகள் ஒரே மாதிரி இருப்பதில்லை. ஒவ்வொருவருக்கும் ஒவ்வொரு அறிகுறிகள் காணப்படும்.

சிலருக்கு தலைவலிக்கு முன்பு வெளிச்சம் உணர்வது கடினமாக இருக்கும், சிலருக்கு சோர்வாக இருக்கும், பசியின்மை உண்டாகும். கடுமையான தாகம், வீக்கம் மலச்சிக்கல் சிலருக்கு வயிற்றுப்போக்கு கூட உண்டாகும். இந்த மைக்ரேன் தலைவலி என்பது அதிகமாக இருக்கும் போது அதை கட்டுப்படுத்தும் வழிமுறைகள் தெரிந்துகொண்டால் உபாதை குறைவதற்கு வாய்ப்புண்டு.

​ஐஸ்கட்டி ஒத்தடம்

samayam tamil Tamil News Spot

ஐஸ்கட்டி ஒத்தடம் கொடுப்பதன் மூலம் தலைவலியை பெருமளவு குறைக்க முடியும். இது எப்படி வலி உபாதையை குறைக்கிறது என்பது குறித்து கண்டறியப்படவில்லை. ஆனால் ஐஸ் கட்டி இரத்த ஓட்டத்தை குறைப்பதன் மூலம் அவை வலியை ஓரளவு கட்டுப்படுத்துகிறது.

மைக்ரேன் தலைவலி : ஏன் வருது? எதனால் அதிகமாகுது? எப்படியெல்லாம் தவிர்ப்பது?

மைக்ரேன் வலி உணரும் போது ஐஸ் கட்டியை உச்சந்தலை, நெற்றி, முகம், கழுத்து பகுதியில் வைத்து ஒத்தடம் கொடுக்கலாம். அல்லது சுத்தமான துணியை குளிர்ந்த நீரில் நனைத்தும் ஒத்தடம் கொடுக்கலாம். சிறந்த பலன் கிடைக்கும்.

​காஃபி தவிர்க்கவும்

samayam tamil Tamil News Spot

பலரும் செய்யும் தவறு இது. தலைவலி வந்தவுடன் காஃபியை நோக்கி ஓடுவார்கள். உண்மையில் காஃபி தற்காலிகமாக உங்கள் தலைவலியை குறைத்து காண்பிக்கும். ஆனால் ஒரு கப் மேல் எடுக்கும் போது இவை உங்கள் தலைவலியை அதிகமாக்கிவிடக்கூடும். காஃபி நிவாரணம் கிடைத்தாலும் கூடுதலாக இவை வலியை உண்டாக்கிவிடும். அதனால் தலைவலி காலங்களில் இயன்றவரை அதிக காஃபியை தவிர்ப்பதே நல்லது. அதற்கு மாறாக வெதுவெதுப்பான நீரை குடித்தால் போதுமானது.

​வெளிச்சத்தை தவிருங்கள்

samayam tamil Tamil News Spot

கண்டிப்பாக நீங்கள் செய்ய வேண்டிய விஷயங்களில் இதுவும் ஒன்று. அதிக வெளிச்சம், கண்களுக்கு அதிக ஒளி, கம்ப்யூட்டர், மடிக்கணினி, செல்ஃபோன், டீவி , நேரடி சூரிய வெளிச்சம் இவை எல்லாமே தலைவலியை மோசமாக்கும். அதோடு இரைச்சல்களும் கூட. அதிக படியான சத்தங்கள், கண்களுக்கு ஒளி என இரண்டிலிருந்தும் விலகி இருப்பதன் மூலம் தலைவலி உபாதை ஓரளவு கட்டுக்குள் இருக்கும்.

​உடற்பயிற்சி

samayam tamil Tamil News Spot

நீங்கள் அதிகமான தலைவலி உபாதையோடு இருக்கும் போது வழக்கமான உடல்பயிற்சியை தவறக்கூடாது என்று நினைத்து செய்தால் அது மேலும் அதிக வலியை உண்டாக்க கூடும். அதிக தலைவலி இருக்கும் நேரத்தில் உடற்பயிற்சி தெவையில்லை. அதே நேரம் வலி சற்று குறைந்து இருக்கும் போது மிதமான உடற்பயிற்சி செய்யலாம். இது வலியை எதிர்த்து போராடும் எண்டோர்பின்கள் ரசாயனங்களை வெளியிடுகிறது. இது வலியை குறைப்பதோடு மன அழுத்தம் இல்லாமல் உதவி செய்வதோடு தூக்கத்துக்கும் உதவுகிறது.

​தூக்கம் வலி குறைக்கும்

samayam tamil Tamil News Spot

தலைவலி வருவதற்கான அறிகுறிகள் தோன்றும் போது ஆழ்ந்த தூக்கம் அவசியம். குறைந்தது 7 மணி நேரமாவது தூங்க செல்லுங்கள். இதனால் வலி உணர்வு குறையும். பொதுவாகவே ஒற்றைத்தலைவலி பிரச்சனையைக் கொண்டிருப்பவர்கள் தினமும் குறிப்பிட்ட நேரம் தூங்க சென்று குறிப்பிட்ட நேரத்தில் எழுவதை வழக்கமாக்கி கொள்ளுங்கள்.

உணவுகள்

samayam tamil Tamil News Spot

தலைவலி வருவதற்கு முன்பு அறிகுறிகள் உணர்ந்ததும் உங்கள் உணவில் சில மாற்றங்களை கடைப்பிடிக்க வேண்டும். அடர்ந்த பச்சை நிற காய்கறிகள், முழு தானியங்கள், கொட்டைகள் போன்றவற்றை உணவில் சேர்க்கலாம். இவை தலைவலியை தடுக்காது. ஆனால் வலி உபாதையை குறைக்க செய்யும். அதே போன்று பால், சீஸ், இறைச்சியில் கோழி, மீன் போன்றவற்றையும் எடுத்துகொள்ளலாம். இவை தலைவலியை தடுக்கவோ வலியை குறைக்கவோ உதவும்.

நரம்பு வலி, கால் மூட்டு வீக்கத்துக்கு பாட்டி வைத்தியம் புளிய இலை தான், என்ன செய்யணும்னு தெரிஞ்சுக்கங்க!

சமயங்களில் சில உணவுகளும் கூட ஒற்றைத்தலைவலிக்கு காரணமாகலாம். அதனால் உணவு ஒவ்வாமை உண்டா என்பதையும் கண்டறிந்து அதற்கேற்ப உணவை கவனமாக எடுத்துகொள்ளவும்.ஒற்றைத்தலைவலி இருப்பவர்கள் பட்டர் பர் என்னும் மூலிகைசாறை தேநீராக்கி எடுத்துகொள்வதன் மூலம் அவை வலியின் தீவிரத்தை குறைப்பதாக ஆய்வு தெரிவித்துள்ளது. இந்த பிரச்சனை இருப்பவர்கள் வலி தீவிரம் குறைய இதை பயன்படுத்தலாம்.

ஒற்றைத்தலைவலிக்கு மருத்துவர்கள் மருந்துகளை பரிந்துரைத்தாலும் கூட வாழ்க்கை முறையும் உணவு முறையும் உங்கள் வலி உபாதையை தடுக்கவோ குறைக்கவோ கூடும்.

Thanks for the Source

Share on Social Media

Leave a Reply

Your email address will not be published. Required fields are marked *