Share on Social Media


ஊரடங்கு காலத்தில் நாம் அனைவரும் வீட்டிலேயே இருப்பதால் அதிகமான மக்களுக்கு எளிதில் உடல் எடை அதிகரித்துவிடுகிறது. மேலும் அதிகரித்து வரும் நவீன உணவுகளும் நமது உடல் எடை அதிகரிப்பதற்கு முக்கிய காரணமாக உள்ளது. இதனால் உடல் எடையைக் குறைப்பது என்பது அதிகமான மக்களுக்கு முக்கிய தேவையாக உள்ளது. உடல் எடையைக் குறைப்பதற்கு சில உணவுகள் உள்ளன. சில ஆயுர்வேத முறைகளும் உடல் எடையைக் குறைப்பதில் சிறப்பாக செயல்படுகின்றன. உடல் எடையைக் குறைக்க உதவும் எட்டு ஆயுர்வேத முறைகள் பட்டியலிடப்பட்டுள்ளன. அவற்றை இப்போது பார்க்கலாம்.

​வெதுவெதுப்பான நீரை பருகுதல்

குளிர்ந்த நீரை குடிப்பதை விடவும் வெதுவெதுப்பான நீரை அருந்துவது உடல் எடைக்கும், உடலுக்கும் நன்மை பயக்கும் என ஆயுர்வேதத்தில் கூறப்பட்டுள்ளது. ஆயுர்வேதத்தை பொறுத்தவரை வெதுவெதுப்பான நீரை குடிப்பது உடலுக்கு பல நன்மைகளை செய்கிறது. உடலில் உள்ள தேவையில்லாத நச்சுக்களை அகற்ற உதவுகிறது. ஆரோக்கியமற்ற உணவுகளால் நமது உடலில் தேங்கும் மாசுகளை இது அகற்றுகிறது. எனவே தினமும் வெதுவெதுப்பான நீரை அருந்த மறக்க வேண்டாம்.

​போதுமான அளவில் தூக்கம் பெறுதல்.

samayam tamil Tamil News Spot

தூக்கம் என்பது ஒரு மனிதனுக்கு மிகவும் முக்கியமான ஒரு விஷயமாகும். தினமும் குறைந்தது 8 மணி நேரம் ஒருவர் உறங்க வேண்டும். தூங்கும் வேளையில் மன அமைதி கிடைக்கிறது. மேலும் உடல் உறுப்புகள் அந்த சமயத்தில் குறைவாக வேலை செய்வதன் மூலம் ஓய்வெடுக்கின்றன. எனவே தினமும் இரவு 10 மணிக்கு உறங்க போக வேண்டும். காலை 6 மணிக்கு எழுந்திருக்க வேண்டும். அவ்வாறு செய்வது உடலுக்கு நன்மை பயக்கும் என ஆயுர்வேதத்தில் கூறப்பட்டுள்ளது. சரியாக தூங்காமல் இருப்பது மனம் மற்றும் உடலில் பிரச்சனைகளை ஏற்படுத்தலாம். மேலும் இவை உடல் பருமனுக்கு காரணமாகலாம்.

சர்க்கரை நோயாளிகள் அத்திப்பழம் சாப்பிடலாமா? கூடாதா…

​இரவு உணவை குறைவாக உண்ணுதல்

samayam tamil Tamil News Spot

நாம் காலை மற்றும் மதிய உணவுகளை அதிகமாக சாப்பிடலாம். ஆனால் இரவு உணவு மட்டும் குறைவாகவே எடுத்துக்கொள்ள வேண்டும். இரவில் நமது உறுப்புகள் அனைத்தும் ஓய்வெடுக்கும். அந்த சமயத்தில் நாம் அதிகமான அளவில் உணவுகளை எடுத்துக்கொள்ளும்போது அவை சீக்கிரம் செரிமானம் அடைவதில்லை. அதனால் நமது உறுப்புகள் நாம் உறங்கும்போதும் அதிகமாக வேலை செய்ய வேண்டி இருக்கும். இது செரிமான அமைப்பில் பாதிப்பை ஏற்படுத்தும், மேலும் உடலில் நச்சுத்தன்மை அதிகரிக்கும். அதே போல இரவு சாப்பாட்டை ஏழு மணிக்கே சாப்பிட பழகி கொள்வது நல்லது. இதனால் உங்கள் உடல் உணவை செரிமானம் அடைய செயவதற்கு தேவையான அவகாசத்தை அதற்கு கொடுக்க முடியும்.

நார்ச்சத்து உணவுகள் அதிகம் கொண்ட உணவுகளை தினமும் சாப்பிடுவதால் உடலில் என்னென்ன மாற்றங்கள் நடக்கும்…

​ஒரு நாளைக்கு மூன்று வேளை உண்ணுதல்

samayam tamil Tamil News Spot

நமது செரிமான அமைப்பிற்கு நாம் அதிக வேலை கொடுக்கக்கூடாது. அது நமக்கு செரிமான பிரச்சனைகளை ஏற்படுத்தலாம். அவற்றிற்கு அவ்வப்போது ஓய்வு தேவை. எனவே ஒரு நாளைக்கு மூன்று வேளை உண்பதன் மூலம் மற்ற சமயங்களில் அவற்றிற்கு நம்மால் ஓய்வு கொடுக்க முடியும். சிலர் இடை இடையே நொறுக்கு தீனிகள் உண்பதுண்டு. இது செரிமான அமைப்பின் ஓய்வில் பாதிப்பை ஏற்படுத்தும். ஒருவேளை நீங்கள் சிறு தீனி பிரியர் எனில் உணவை குறைவாக எடுத்துக்கொண்டு சிறு தீனியையும் எடுத்துக்கொள்ளலாம். இதன் மூலம் செரிமான அமைப்பானது குறைவாக வேலை செய்யும்.

​உணவிற்குப் பிறகு நடைப்பயிற்சி

samayam tamil Tamil News Spot

ஒட்டுமொத்த உடல் ஆரோக்கியத்திற்கும் நாம் உடல் ரீதியாக சுறுசுறுப்பாக இருப்பது முக்கியமாகும். அதற்கு தினமும் நாம் கண்டிப்பாக உடற்பயிற்சி செய்ய வேண்டும். இந்த பொது முடக்கம் காலத்தில் பலரும் உடற்பயிற்சி கூடங்களுக்கு செல்ல முடியாத நிலையில் உள்ளனர். எனவே தினமும் குறைந்தது 10 முதல் 20 நிமிடங்கள் நடப்பதற்கு பழகி கொள்ளுங்கள். இது உங்கள் உடல் ஆரோக்கியத்திற்கு பல நன்மைகளை செய்கிறது.

உயர் இரத்த அழுத்தத்தை இயற்கையாகவே குறைப்பதற்கு நீங்கள் செய்ய வேண்டிய 10 விஷயங்கள் என்னென்ன…

​பருவகால உணவுகளை உண்ணுதல்

samayam tamil Tamil News Spot

பருவகாலங்களில் காலநிலை மாற்றம் காரணமாக நாம் உடல் ரீதியாக நோய்த்தொற்று அபாயங்களை பெறுவதற்கான வாய்ப்புகள் உள்ளன. இந்த சமயத்தில் நமக்கு உதவுவதற்காகவே பருவகால பழங்களை இயற்கை அளிக்கிறது. கோடைக்காலத்தில் அதிக வெப்பமாக இருக்கும். அந்த சமயத்தில் நமது உடலுக்கு குளிர்ச்சியளிக்கும் உணவுகள் பருவகால பழங்களாக கிடைக்கின்றன. அதே போல குளிர்க்காலத்தில் நமது உடலுக்கு அதிக ஊட்டச்சத்து தேவைப்படுகிறது. இந்த நிலையில் குளிர்காலத்தில் நட்ஸ் போன்றவை நமக்கு கிடைக்கின்றன. எனவே ஒவ்வொரு பருவத்திலும் பருவகால பழங்களை உண்பது நமக்கு அதிக நன்மையளிக்கும்.

​அறுசுவை உணவுகள்

samayam tamil Tamil News Spot

ஆயுர்வேதமானது உணவை சுவைக்கு ஏற்ப இனிப்பு, புளிப்பு, காரம், துவர்ப்பு கசப்பு மற்றும் உப்பு அல்லது உவர்ப்பு ஆறு வகைகளாக பிரிக்கிறது என்பது அனைவரும் அறிந்த விஷயமே. நமது குணங்களை சமநிலைப்படுத்தவும், உடல் ஆரோக்கியமாக இருக்கவும் இந்த 6 சுவைகளும் உணவில் சமமாக இருப்பது முக்கியமாகும். இதில் சர்க்கரை மற்றும் உப்பு ஆகியவற்றை நாம் அதிகமாக எடுத்துக்கொள்ள கூடாது.

மழைக்காலத்தில் சீதாப்பழத்தை அதிகமா சாப்பிடணுமாம்… ஏன்னு தெரியுமா?…

​உணவில் மூலிகைகளை சேர்த்தல்

samayam tamil Tamil News Spot

உணவே மருந்து என்ற சொல்லுக்கேற்ப நமது வீடுகளில் இயல்பாகவே சமையலில் மூலிகைகள் பயன்படுத்தப்படுகின்றன. பொதுவாக இஞ்சி, அஸ்வகந்தா, இலவங்கப்பட்டை, பிரியாணி இலை போன்றவற்றை நமது உணவுகளில் சேர்க்கிறோம். இவை யாவும் உடல் எடையைக் குறைக்க உதவுகின்றன.

எனவே மேலே குறிப்பிடப்பட்டுள்ள குறிப்புகள் யாவும் உடல் எடையைக் குறைக்க உதவுகின்றன. இவற்றை நமது தினசரி வாழ்க்கையில் பயன்படுத்துவதன் மூலம் எளிதாக நம்மால் உடல் எடையைக் குறைக்க முடியும்.



Source link

Share on Social Media

Leave a Reply

Your email address will not be published. Required fields are marked *