1602761510 pic Tamil News Spot
Share on Social Media


வாயுத்தொல்லை இருந்தால் பசியின்மை, புளித்த ஏப்பம், வயிறு உப்புசமாக இருப்பது, அடிக்கடி வாய்வு வெளியேறுவது வயிற்றுக்குள் ஒரு கடமுடா சத்தம் போன்றவற்றை அறிகுறிகளாக சொல்கிறார்கள் மருத்துவர்கள். இதை தாண்டி மூட்டு வலி, முழங்கால் வலி, தசைவலி வந்தாலும் அது வாய்வு வலியாக இருக்கும் என்கிறார்கள் சிலர்.

உண்மையில் வாயு என்பது உடலில் சுவாசப்பாதை , உணவுப்பாதை என இரண்டில் மட்டுமே இருக்க கூடும். உடல் முழுக்க வாயு உருவாக வாய்ப்பில்லை. என்ன காரணம், என்ன சாப்பிடலாம் போன்றவற்றையும் தவிர்க்க வேண்டியவற்றையும் தெரிந்துகொள்வோம்.

​வாயு எப்படி உள்ளே செல்கிறது?

samayam tamil Tamil News Spot

இதை தெரிந்துகொள்வதற்கு முன்பு முன்னோர் சொன்ன விஷயங்கள் குறித்து நினைத்து பாருங்கள். சாப்பிடும் போது வாயை திறக்காமல் சாப்பிடு என்று சொல்வார்களே அதற்கு காரணம் என்ன தெரியுமா வாய் வழியாக காற்று உள்ளே போவதால் தான்.

வாயுத் தொல்லையை விரட்டும் வீட்டு மருத்துவம்

நாம் உண்ணுண் உணவை வாயில் வைக்கும் போது உணவோடு காற்றும் உள்ளே சென்றுவிடுகிறது. குறிப்பாக வேக வேகமாக சாப்பிடும் போது, பேசிக்கொண்டே சாப்பிடும் போது, வாயில் எதையாவது அசைத்து கொண்டே இருக்கும் போது ( வெற்றிலை, சூயிங்கம், பாக்கு) புகைபிடிக்கும் போது இவ்வாளவு ஏன் தண்ணீர் குடிக்கும் போது கூட காற்று உள்ளே சென்று விடுகிறது. இந்த காற்று அதிகமாக உள்ளே செல்லும் போது வாயு பிரச்சனை உண்டாகிறது.

​என்ன செய்யும் காற்று

samayam tamil Tamil News Spot

உடலின் உள்ளே செல்லும் காற்று ஏறத்தாழ 80 % வரை வாய் வழியாக வெளியேற கூடும்.இரப்பை காற்றை வாய் வழியாக வெளியே தள்ளுகிறது. இதுதான் ஏப்பமாக வெளிவருகிறது. மீதியிருக்கும் காற்றையும் உடலில் தேங்கவிடாமல் ஆசனவாய் வழியாக வெளியேற்றுகிறது. இது இயல்பாக உடலில் நடக்கும் மாற்றம். இவை சாதாரணமான அளவில் இருந்தால் எந்தவிதமான தொல்லையும் இல்லை. ஆனால் இவை அளவு மீறும் போது தான் வாயு பிரச்சனை உருவாகிறது.

​துர்நாற்றத்துடன் கூடிய வாய்வு

samayam tamil Tamil News Spot

உண்ணும் உணவுகள் செரிமானம் ஆகும் போது வயிற்றினுள்ளும் வாய்வு உருவாக வாய்ப்புண்டு. உண்ணும் உணவு உணவுக்குழாய் வழியாக குடல் வரை வந்து செரிமானத்துட்படும் போது குடலில் இருக்கும் பாக்டீர்யக்களில் வேதிமாற்றங்கள் உண்டாக கூடும். பாக்டீரியாக்கள் ஹைட்ரஜன், மீத்தேன், கரியமில வாயு வாயுக்கள் உற்பத்தியாகிறது. இவை தான் ஆசனவாய் வழியாக வெளியேறும். இவை சத்தத்தோடு வெளியேறக்கூடியவை என்பதோடு இந்த வாயுக்கள் துர்நாற்றத்தை உண்டாக்காது.

குடலில் சில நொதிகள் குறையும் போது புரத உணவுகள் சீராக செரிமானம் ஆவதில்லை.அதோடு அல்வளி பாக்டீரியாக்களும் குடலில் அதிகரிக்க கூடும். அப்போது அமோனியா, ஹைட்ரஜன் சல்பைடு, எர்காப்டேன் என்னும் வாயுக்கள் உற்பத்தியாவதுண்டு. இவை தான் ஆசனவாய் வழியாக வெளியேறும் போது மிக அதிக துர்நாற்றத்தை உண்டாக்க கூடும். இவை தீவிரமாகும் போது ஏப்பமும் ஒரு வித வாசனையோடு வெளியேறக்கூடும்.

​உணவு வழியாக வாயு தொல்லை

samayam tamil Tamil News Spot

சத்தான உணவாக இருந்தாலும் ஒரே உணவை தொடர்ந்து எடுத்துகொள்ள கூடாது. திட்டமிட்டு சரிவிகித முறையில் எடுக்க வேண்டும். குறிப்பாக பால், பருப்பு வகைகள், கிழங்கு வகைகள், அதிக இனிப்புகள், எண்ணெயில் பொரித்த அல்லது அதிகம் வறுத்த உணவுகள் உடல் உறுப்புகளில் அதாவது இரப்பை அழற்சி, புண், மலச்சிக்கல், குடல்வால் அழற்சி போன்ற குறைபாடுகள் நேரிட்டாலும் வாய்வுத் தொல்லை அதிகரிக்க கூடும்.

குடல் இயக்கம் வேறு ஏதேனும் குறைபாட்டால் தடைபட்டாலும் கூட வாய்வு தொல்லை உண்டாகலாம். தொடர்ந்து மருந்துகள் எடுத்துகொள்ளும் போது குறிப்பாக நுண்ணுயிர்க் கொல்லிகளுக்கான மாத்திரை எடுத்துகொள்ளும் போது இந்த வாய்வுத்தொல்லை உண்டாகலாம். பெரும்பாலும் உணவு வழியாகவே இதை சரிசெய்துவிட முடியும். அதாவது ஆரம்ப கட்டமாக இருந்தால்.

​என்ன செய்யலாம்

samayam tamil Tamil News Spot

புரத உணவுகளை அதாவது பால், முட்டை, இறைச்சி போன்றவற்றை தவிர்த்து விடுங்கள். சிலருக்கு வாய்வு மட்டும் துர்நாற்றத்துடன் வெளியேறும். அப்போது மலச்சிக்கல் உண்டாக வாய்ப்புண்டு. அதனால் மலச்சிக்கல் இல்லாமல் பார்த்துகொள்ள வேண்டும்.

அடிக்கடி இந்த பிரச்சனை உண்டானால் மொச்சை, பட்டாணி வகைகள், பருப்பு, பயறு, எண்ணெய், காரம், மசாலா உணவுகளை தவிர்க்க வேண்டும். அதே போன்று இனிப்பு பானங்கள், செயற்கை இனிப்பு பானங்கள் கூட தவிர்க்க வேண்டியதுதான். பால் சேர்த்து தயாரிக்கப்படும் பொருள்கள் கூட தவிர்க்க வேண்டும். வாயுவை உண்டாக்கும் கிழங்கு வகைகள், புரதம் நிறைந்த உணவுகள், சிட்ரஸ் பழங்கள், வாழைப்பழம், காய்கறிகளில் முட்டை கோஸ், காலிஃப்ளவர், வெங்காயம் போன்றவற்றையும், அசைவ உணவில் முட்டை, மீன், இறைச்சி, பானங்களில் சோடா, காஃபி, டீ, பொரித்த உணவுகள் போன்றவற்றையும் குறைத்து எடுக்கலாம். பொதுவாகவே உணவு முறையில் இதை பின்பற்றினால் போதும்.

​தவிர்க்காமல் பின்பற்ற வேண்டிய விஷயங்கள்

samayam tamil Tamil News Spot

வாய்வுவை உண்டாக்காத தானியங்களில் செய்த உணவை எடுத்துகொள்ளலாம். காய்கறிகளில் நீர்ச்சத்து நிறைந்த காய்கள், கேரட், பீட்ரூட், புதினா, கீரைகள், வெல்லம், தேன், தக்காளி, பப்பாளி போன்றவற்றை எடுத்துகொள்ளலாம்.

உணவை பொறுமையாக மென்று சாப்பிடுங்கள். நிதானமாக உட்கார்ந்தபடி தண்ணீர் குடியுங்கள். தினமும் உடற்பயிற்சி மேற்கொள்ளுங்கள். இவை எல்லாமே நாளடைவில் வாயு தொல்லையிலிருந்து உங்களை காப்பாற்றும். இவை நீண்ட நாட்களுக்கு தொடர்ந்தால் மருத்துவரை அணுகுவதன் மூலம் வாய்வு பிரச்சனைக்கு முற்றுப்புள்ளி வைக்கலாம்.

ஆண்கள் அதிகம் சாப்பிட வேண்டிய ஐந்து பழங்கள், என்ன காரணம், என்ன பலன் கிடைக்கும்?

எல்லாம் சரி வாய்வு வந்தாச்சு. அதை வெளியேற்ற சோடா பானங்கள் குடிப்பவர்கள் ஏப்பம் வந்ததும் அப்பாடா வாய்வு வெளியேறிடுச்சி என்று நினைப்பதுண்டு. ஆனால் அப்படி வருவது வாய்வு அல்ல. சோடாவில் கலந்திருக்கும் கார்பன் டை ஆக்ஸைடு.

Thanks for the Source

Share on Social Media

Leave a Reply

Your email address will not be published. Required fields are marked *