Share on Social Media


கர்ப்பம் என்பது பெண்ணுக்கு மகிழ்ச்சி தரக்கூடியதாக இருக்ககூடிய பொற்காலம் என்று சொல்லலாம். வயிற்றில் கரு வளர வளர உடலும், மனமும் பலவிதமான மாற்றங்களை சந்திக்கும். அப்படிப்பட்ட மாற்றங்களில் ஒன்று தான் முடி உதிர்வு அல்லது முடி வளர்ச்சி பாதிப்பு. இதனைத் தவிர்க்க முடியாது என்றாலும், சரியான முறையில் இதனைப் பராமரிக்கச் செய்யலாம். தலைமுடி பளபளப்பை இழந்துவிடுவதோடு, மெல்லியதாகவும் மாறிவிடும். அதனால் பிரசவத்துக்குப் பிறகு சில வழிமுறைகளை மேற்கொண்டு உதிர்ந்த முடி உதிர்வை திரும்பப் பெறலாம். அப்படிப்பட்ட வழிமுறைகள் என்ன என்று பார்ப்போம் வாங்க.

​ஆமணக்கு எண்ணெய்

ஆமணக்கு எண்ணெயை தலைமுடிக்கு சிறந்த கண்டிஷனராகப் பயன்படும். வறண்ட மற்றும் சேதமடைந்த கூந்தலுக்கு ஆமணக்கு எண்ணெயை ஒரு மாய்ஸ்சரைசராகப் பயன்படுத்தலாம். பிரசவத்துப் பின்னர் ஆமணக்கு எண்ணெயைத் தொடர்ந்து முடிக்கு பயன்படுத்துவதால் முடி வறட்சி குறைந்து, முடியின் பளபளப்பும் நெகிழ்வுத்தன்மையும் அதிகரிப்பதோடு, முடி உடையும் வாய்ப்பும் குறையும். மேலும், தலையில் பொடுகு போன்ற பிரச்சனை இருந்தால் ஆமணக்கு எண்ணெயைப் பயன்படுத்தலாம். முடியின் அடர்த்தியும் அதிகரிக்கும். கர்ப்ப காலத்தில் இழந்த முடியைத் திரும்பப் பெற முடியும். நல்ல கருமையாகவும் மாறும்.

​ஆலிவ் எண்ணெய்

samayam tamil Tamil News Spot

ஆலிவ் ஆயில் தலைமுடியைப் பளபளப்பாகவும் மென்மையாகவும் வைத்திருக்க உதவும். முடியின் நுனியில் ஏற்படும் பிளவுகளை சரிசெய்யும் ஆற்றல் ஆலிவ் ஆயிலுக்கு உண்டு. முடியின் அடர்த்தியை அதிகரிக்க ஆலிவ் ஆயிலை நீங்கள் வழக்கமாகப் பயன்படுத்தும் எண்ணையுடன் சேர்த்துப் பயன்படுத்துங்கள்.

ஆலிவ் ஆயிலை உள்ளங்கையில் எடுத்து, விரல் நுனிகளால் தொட்டு உச்சந்தலையில் இருந்து முடியின் நுனிப்பகுதி வரை மசாஜ் செய்து, ஒரு மணி நேரம் ஊறவிட்டுப் பின்னர் வழக்கம் போல் தலைக்குக் குளிக்கலாம். இதனைத் தொடர்ந்து செய்து வந்தால் குழந்தை பிறந்த பிறகு உண்டாகும் அதீத தலைமுடி உதிர்வுக்கு நல்ல தீர்வு கிடைக்கும். முடி வளர்ச்சியும் அதிகரிக்கும்.

ஆலிவ் ஆயிலை லேசாக சூடு செய்து, வெதுவெதுப்பான நிலையில் வேர்க்கால்களில் தேய்த்து மசாஜ் செய்து வந்தால் இன்னும் கூடுதல் பலன் கிடைக்கும்.

hair care tips: வறண்ட முடியை பளபளப்பாக மாற்ற வீட்டிலே இருக்கும் நேச்சுரல் ஹேர் கண்டிஷ்னர்கள் என்னென்ன…

​சரியான ஷாம்பு வகைகள்

samayam tamil Tamil News Spot

பலரும் எந்த ஷாம்புவை பயன்படுத்துவது என்றே தெரியாமல் பல ஷாம்புகளை பயன்படுத்திப் பார்ப்பர். உங்களின் முடி உதிர்வு மற்றும் முடியை மென்மையாக்கும் ஷாம்புவை நீங்கள் தேர்ந்தெடுக்க வேண்டும்.

தலைமுடி வறட்சியைப் போக்க மூன்று நாட்களுக்கு ஒருமுறை ஷாம்பு கொண்டு சுத்தம் செய்யுங்கள். அதேபோல், அதிக அளவில் ஹேர் டிரையரைப் பயன்படுத்துவதைத் தவிர்க்கவும்.

குளிர்காலத்தில் இரவு தூங்கும்முன் ஏன் அத்திப்பழ பால் குடிக்க வேண்டும்

​ஹேர் ஸ்பா எடுத்துக் கொள்ளுங்கள்

samayam tamil Tamil News Spot

தலைமுடி மிகவும் வறட்சியடைந்து பொலிவில்லாமல், மெல்லியதாக இருந்தால் அதனை சரிசெய்ய மாதம் ஒருமுறை ஹேர் ஸ்பா செய்து கொள்ளுங்கள். ஆனால், ஸ்பா செய்தபின் முடியை சரியாகப் பராமரிக்க வேண்டியது மிகவும் அவசியம்.

இது தலைமுடிக்கு பளபளப்பைச் சேர்க்க உதவுவதோடு, உச்சந்தலையை சுத்தமாகவும், புத்துணர்ச்சியுடனும் மாற்ற உதவும்.உச்சந்தலையில் இரத்த ஓட்டத்தை மேம்படுத்தி தேவையான ஊட்டச்சத்துக்களை எடுத்துக் கொள்ளவும், முடி வளர்ச்சியைத் தூண்டவும் உதவும்.

​தினமும் தலைக்குக் குளிக்காதீர்கள்

samayam tamil Tamil News Spot

தினமும் தலைக்கு குளிப்பது முடியை வளர்ச்சியைத் தடுப்பதோடு முடியின் பளபளப்பையும் குறைத்துவிடும். நம் தலைமுடியை தினமும் ஷாம்பு போட்டு கழுவுவதால் அதன் பொலிவும் போய்விடும். முடியும் வறண்டு போய்விடும்.

எனவே, தினமும் தலைக்குக் குளிப்பதைத் தவிர்ப்பது நல்லது. அதற்குப் பதிலாக மூன்று நாட்களுக்கு ஒருமுறையோ அல்லது இரண்டு நாட்களுக்கு ஒருமுறையோ தலைக்கு குளிக்கலாம். வாரத்தில் ஒரு நாள் மட்டும் ஷாம்பு போட்டு குளிக்கலாம்.

மாதவிடாய் நேரத்தில் சாப்பிட வேண்டிய 7 உணவுகள் என்னென்ன…

​முடி பராமரிப்பு

samayam tamil Tamil News Spot

ஆரோக்கியமான தலைமுடிக்கு நீங்கள் தலைமுடியைச் சீவுதல், எண்ணெய் தடவுதல், ஷாம்பு கண்டிஷனிங் செய்தல் போன்ற பராமரிப்பு முறையைப் பின்பற்ற வேண்டும்.

பிரசவத்துக்குப் பின் பெரும்பாலான பெண்கள் குழந்தையை சமாளிக்கவே நேரம் இல்லை என்று கூறி, தங்களின் தலைமுடி பராமரிப்புக்கு முக்கியத்துவம் கொடுக்க மாட்டார்கள். ஆனால் அது தவறு. தலைமுடி உதிர்வதை வெறுமனே அழகு சார்ந்த விஷயமாக மட்டுமே பார்க்கத் தேவையில்லை. அதை ஆரோக்கியக் குறைபாட்டுடன் தொடர்புபடுத்திப் பாருங்கள்.

​என்ன செய்ய வேண்டும்?

samayam tamil Tamil News Spot

ஒரு நாளைக்கு இரண்டு முறையாவது தலையை சீவி சிக்கில்லாமல் வைத்துக் கொள்ள வேண்டும்.

முடியில் எண்ணெய் தடவுவதற்கு முன் வறட்சியாக தலையில் சீப்பு பயன்படுத்துவதைத் தவிர்க்கவும்.

எண்ணெய் தடவி ஒரு மணிநேரம் கழித்துதான் தலைக்குக் குளிக்க வேண்டும்.

தலைக்குக் குளிக்கும் முன்னும், பின்னும் ஹேர் கண்டிஷனரைப் பயன்படுத்துங்கள்.

தலைமுடிக்குப் பொருத்தமான சீரத்தைப் பயன்படுத்தவும். ஆரோக்கியமான தலைமுடியைப் பெற நிறைய தண்ணீர் குடிப்பதோடு, அதிக அளவில் பழங்களையும் சாப்பிட வேண்டியது மிக அவசியம்.

சில சமயங்களில் முடி உதிர்வுக்கு உடலில் ஏற்படும் வைட்டமின் அல்லது போலிக் அமிலக் குறைபாடுகள் கூட காரணமாக இருக்கலாம். உடல் பலவீனமாக இருப்பவர்கள் மருத்துவரை அணுகி ஆலோசனை பெற்று, வைட்டமின் சப்ளிமெண்ட்ஸ் எடுத்துக் கொள்ளுங்கள்.



Source link

Share on Social Media

Leave a Reply

Your email address will not be published. Required fields are marked *