Share on Social Media


இந்த கொரோனா தொற்று நோய் காலத்தில் எல்லாரும் வீட்டிலேயே இருக்க வேண்டிய சூழல் நிலவி வருகிறது. எனவே மக்களுக்கு தங்களை கவனித்துக் கொள்ள போதுமான நேரமும் இருக்கிறது. எனவே உங்க ஓய்வு நேரத்தை சரியாக பயன்படுத்துவது மிகவும் அவசியம். இந்த நேரத்தில் உங்க உடல் பராமரிப்பு, கூந்தல் பராமரிப்பு மற்றும் சரும பராமரிப்பு போன்ற விஷயங்களை நீங்கள் செய்து வரலாம். இதற்காகத்தான் ஹேர் ஸ்டைலிஷ் நிபுணர்கள் உங்களுக்கான கூந்தல் பராமரிப்பு விஷயங்களை எடுத்துக் கூறுகின்றனர்.

​தலைமுடி பராமரிப்பு

ஏராளமான மக்கள் தங்கள் கூந்தலை பராமரிக்க ஹேர் ஸ்டைலிங் கருவிகளை பயன்படுத்தி வருகிறார்கள். ஆனால் கூந்தல் நிபுணர்கள் என்ன கூறுகிறார்கள் என்றால் கெமிக்கல் சார்ந்த பொருட்களை நாடாமல் வீட்டில் இருக்கும் சில பொருட்களைக் கொண்டே கூந்தல் பராமரிப்பை நம்மால் பேண முடியும்.

வெவ்வேறு வகையான கூந்தல் எண்ணெய்கள், ஹேர் வாஷ் சிகிச்சைகள், ஹேர் மாஸ்க்குகள், ஹேர் தயாரிப்புகள் மற்றும் முடி வளர்ச்சியையும் ஆரோக்கியத்தையும் மேம்படுத்த உதவும் சீரம் போன்றவை வீட்டிலேயே இருக்கும்போது அவற்றை நம்மால் கணிசமாக பயன்படுத்த முடியும் என்று நிபுணர்கள் கூறுகின்றனர்.

எனவே வீட்டில் இருக்கும் இயற்கை பொருட்களைக் கொண்டே உங்க கூந்தலை பராமரித்து வருவது மிகுந்த நன்மை அளிக்கும் என்பது நிபுணர்களின் கருத்தாக உள்ளது.

​இயற்கை பொருட்களைக் கொண்டு கூந்தல் பராமரிப்பு

samayam tamil Tamil News Spot

உங்க பல்வேறு கூந்தல் பிரச்சினைகளை சமாளிக்க தயிர், தேன், தேங்காய் எண்ணெய், ஆலிவ் எண்ணெய், முட்டை, வெங்காய சாறு, கற்றாழை ஜெல், கிரீன் டீ, ஆப்பிள் சைடர் வினிகர் மற்றும் பிற பொருட்களால் விஷயங்களை பயன்படுத்தி உங்க கூந்தலை பராமரித்து வரலாம். அதே மாதிரி உங்க கூந்தலை பராமரிக்க விலை உயர்ந்த க்ரீம்கள் ஷாம்புகள் தான் தேவை என்று இல்லை. வெதுவெதுப்பான தேங்காய் எண்ணெய் மசாஜ் மற்றும் ஹேர் மாஸ்க்கள் கூட உங்க கூந்தலை பராமரிப்பதில் மிக முக்கியமான பங்கு வகிக்கிறது.

அதே மாதிரி உங்க தலைமுடியை குளிர்ந்த நீரில் கழுவ வேண்டும். இது உங்க வேர்க்கால்களில் ஈரப்பதத்தை தக்க வைத்துக் கொள்ள உதவுகிறது. தலைமுடி மென்மையாக இருக்க கண்டிஷனரை பயன்படுத்துங்கள். இதன் மூலம் உங்க கூந்தல் சிக்கல்கள் இல்லாமல் மென்மையாக இருக்கும்.

​நேச்சுரல் கண்டிஷ்னர்

samayam tamil Tamil News Spot

அதே மாதிரி தலைக்கு குளிக்கும் போது ஷாம்பு போட்டு விட்டு கண்டிஷனரை பயன்படுத்தாமல் முதலில் நீரில் கூந்தலை நனைத்து விட்டு, பிறகு கண்டிஷனர் போட்டு நன்றாக கழுவிய பிறகு ஷாம்பு போட்டு குளியுங்கள். தயிர், முட்டை மற்றும் ஆலிவ் ஆயில் போன்ற இயற்கை பொருட்களை பயன்படுத்துங்கள்.

சருமம், வறண்ட தலைமுடி அத்தனைக்கும் ஒரே தீர்வாக அமையும் சர்க்கரைவள்ளிக் கிழங்கு… எப்படி யூஸ் பண்ணனும்…

​ஈரப்பதமாக இருக்க

samayam tamil Tamil News Spot

கூந்தல் ஈரப்பதமாக இருக்கும் போது சீப்பைக் கொண்டு வாராதீர்கள். ஈரமான கூந்தலை சீவ அகலமான பற்களைக் கொண்ட சீப்பை பயன்படுத்துங்கள். இது முடி உதிர்தலை குறைக்கும். முடிந்தவரை பிளாஸ்டிக் சீப்புகளை தவிர்த்துவிட்டு மர சீப்புகளைப் பயன்படுத்துங்கள். அது உங்கள் முடியை சேதப்படுத்தாமல் பாதுகாக்கும்.

​அடர்த்தியான கூந்தல்

samayam tamil Tamil News Spot

சிலருக்கு வால் மாதிரி தலைமுடி இருக்கும். நீளமாக வளராவிட்டாலும் அடர்த்தியாக இருந்தால் போதும் என்று நினைப்பார்கள். அப்படி உங்க கூந்தல் அடர்த்தியாக இருக்க சில ஊட்டச்சத்துக்கள் தேவைப்படுகிறது. வைட்டமின் பி 7, பயோட்டின், கொலாஜன், ஹைட்ரோலைஸ் கோதுமை புரதம், அகாய் பெர்ரி ஆயில் போன்ற பொருட்களைக் பயன்படுத்துங்கள்.

தமன்னா பகிர்ந்துகொண்ட எச்சில் ட்ரீட்மெண்ட்… ஒர்க்அவுட் ஆகுமா?… மருத்துவர்கள் சொல்வது என்ன

​தலைக்கு குளிக்கும்போது

samayam tamil Tamil News Spot

நீங்கள் தலைக்கு குளிப்பதற்கு முன்பு ஆலிவ் எண்ணெய், ஆமணக்கு எண்ணெய் மற்றும் தேங்காய் எண்ணெய் போன்றவற்றை பயன்படுத்திக் கொள்ளுங்கள். இது உங்க தலைக்கு ஈரப்பதத்தை கொடுக்கும். வாரத்திற்கு இரண்டு முறை ஹேர் மாஸ்க்களை பயன்படுத்துங்கள். தயிர், தேன் போன்ற இயற்கை ஹேர் மாஸ்க்களை கூட நாம் பயன்படுத்தலாம்.

எனவே இந்த லாக்டவுன் நேரத்தை உங்க கூந்தல் பராமரிப்புக்கான இயற்கை வழிகளை தேர்ந்தெடுங்கள் என்று நிபுணர்கள் கூறுகின்றனர்.

Thanks for the Source

Share on Social Media

Leave a Reply

Your email address will not be published. Required fields are marked *