1607629598 pic Tamil News Spot
Share on Social Media

இப்போது உடல் எடையை கட்டுக்குள் வைக்க பாரம்பரிய உணவை தவிர்த்து இரண்டு பிரட் துண்டுகளோடு நிறுத்திவிடும் இளசுகள் நம் அருகிலேயே இருக்கிறார்கள். இவர்கள் ஆரோக்கியமாக எடை அதிகரிக்க எடுத்துகொள்ள வேண்டிய உணவுகளை தான் இங்கு பார்க்க போகிறோம். இவை ஆரோக்கியமாக உடல் எடையை அதிகரிக்கும் என்பதால் குண்டாகிவிடுவோமோ என்னும் பயம் தேவையில்லை. அப்படியான உணவுகள் என்னென்ன என்று பார்க்கலாம்.

​எள்ளு பலகாரங்கள்

samayam tamil Tamil News Spot

இளைத்தவனுக்கு எள்ளு கொழுத்தவனுக்கு கொள்ளு என்பது சும்மா எதுகை மோனை பழமொழி அல்ல. உண்மையில் பலன் தரும் பழமொழி. எள்ளு உடல் எடையை அதிகரிக்க செய்யகூடியவை.

எள்ளுச்சட்னி, எள்ளுத்துவையல், எள்ளு சேர்த்த நொறுக்குத்தீனிகள் ( பீட்ஸ்ஸா அல்ல) போன்றவற்றை அவ்வபோது உணவில் சேர்க்க வேண்டும். தினமும் ஒரு எள் உருண்டை சாப்பிடுவதும் பலம் தரும். இதை தயாரிப்பதும் எளிது தான்.

உடம்புல அங்கங்கே அரிப்பு இருக்கா, அதுக்கு கைவைத்தியம் இதுதான்!

ஒரு கப் எள்ளுக்கு 2 கப் வெல்லம் சேர்க்க வேண்டும். கருப்பு எள்ளாக இருந்தால் நல்லது. கசப்பு இருந்தாலும் பலன் கிடைக்கும். எள்ளை வறுத்து பொன்னிறமாக இருக்கும் போது எடுத்து மிக்ஸியில் ஒரு சுற்று சுற்ற வேண்டும். அதனுடன் வெல்லத்தை பொடித்து , இரண்டு ஏலக்காய் சேர்த்து சுற்றி நெய் கலந்து உருண்டையாக பிடிக்க வேண்டும்.

சுவையும் ஜோராக இருக்கும். ஆனால் கடைகளில் விற்கும் எள் உருண்டை வாங்கும் போது பார்த்து வாங்குங்கள். இது சர்க்கரையில் செய்திருக்கலாம் இது பலனும் முழுமையாக கிடைக்காது.

​உளுந்து பலகாரங்கள்

samayam tamil Tamil News Spot

உளுந்து என்றதும் வெள்ளை உளுந்து பக்கம் உங்கள் கவனத்தை திசை திருப்ப வேண்டாம். கருப்பு உளுந்தை வாணலியில் வறுத்து வாசனை போனதும் மிஷினில் கொடுத்து பொடித்துகொள்ள வேண்டும்.

1 கப் உளுந்துக்கு 1 கப் நல்லெண்ணெய், 2 கப் பனங்கருப்பட்டி சேர்த்து களி போல் கிண்ட வேண்டும். பனங்கருப்பட்டி பாகு காய்ச்சி சிறிது சிறிதாக உளுந்து மாவை சேர்த்து அவ்வபோது நல்லெண்ணெய் சேர்த்து கிண்ட வேண்டும். இது ஒட்டாமல் அல்வா பதத்துக்கு வரும் போது இறக்கி உருண்டை பிடிக்க வேண்டும். கருப்பு உளுந்து என்றாலும் சுவை நன்றாக இருக்கும்.

பெண்களுக்கு இடுப்புக்கும், கருப்பைக்கும் பலம் தரும் உளுந்து மெலிந்த உடலை கொண்டிருப்பவர்களுக்கும் பருமனை ஏற்படுத்தும். வாளிப்பான உடல் என்று சொல்வதற்கேற்றபடி உடலை மாற்றும்.

​பசு நெய்

samayam tamil Tamil News Spot

சுத்தமான பசு நெய்யாக இருப்பது அவசியம். வீட்டில் நெய் காய்ச்சுவதாக இருந்தால் இன்னும் சிறப்பு. பசு நெய், வெண்ணெய், கோவா போன்றவை உடல் எடையை அதிகரிக்க உதவும். அதற்காக நெய்யை அதிகமாக சேர்க்க வேண்டும் என்பதில்லை.

தினமும் மதிய உணவின் போது ஒரு பிடி சூடான சாதத்தில் 2 டீஸ்பூன் நெய்விட்டு சிட்டிகை உப்பு போட்டு சாப்பிடலாம். நெய் சாதமா என்பவர்கள் பருப்பை வேகவைத்து பருப்பு நெய் சாதமாக சாப்பிடலாம். நெய் ஆரோக்கியமாக எடையை அதிகரிக்க செய்யும்.

​கேழ்வரகு பலகாரங்கள்

samayam tamil Tamil News Spot

கேழ்வரகு சத்து தானியம் மட்டுமல்ல உடலை தேற்றும் தானியமும் கூட. கேழ்வரகு அடை, கேழ்வரகு புட்டு, கேழ்வரகு தோசை போன்றவற்றை விரும்பாதவர்களுக்கு கேழ்வரகு லட்டை செய்து கொடுக்கலாம். கேழ்வரகு மாவை புட்டு போல் அவித்து ஒரு கப் மாவுக்கு 2 கப் வெல்லம், 1 கப் வேர்க்கடலை சேர்த்து உருண்டையாக்கி கொடுக்கலாம்.

கேழ்வரகு மாவை அவித்து வெல்லம் சேர்த்து இடிக்க வேண்டும். இதை வேர்க்கடலையை பொடித்து சேர்த்து உருண்டையாக்கி வைக்கவும். தினம் ஒரு உருண்டை கொடுக்கலாம்.

​பாசிப்பருப்பு லாடு

samayam tamil Tamil News Spot

பாசிப்பருப்பு அதிக நன்மை தரும் பருப்புகளில் இதுவும் ஒன்று. பாசிப்பயறை இலேசாக வாசனை போக வறுத்து மிஷினில் நைஸாக அரைக்கவும். இதை ஆறுமாதங்கள் வரை வைத்திருந்து பயன்படுத்தலாம்.

நாட்டுச்சர்க்கரையை மிக்ஸியில் பொடித்து வைக்கவும். உலர் பழங்கள், உலர் கொட்டைகளை பொடியாக நறுக்கி வைக்கவும். நெய்யை சூடேற்றி பாசிப்பருப்பு மாவில் கலந்து உருண்டைகளாக பிடித்து வைக்கவும். தினம் ஒரு உருண்டை என்றூ இதையும் எடுத்துகொள்ளலாம்.

​ஆரோக்கியமான பழங்கள்

samayam tamil Tamil News Spot

உணவுக்கு இடையில் எடுத்துகொள்ளும் சிற்றுண்டி வகைகளுக்கு இடையில் எடையை அதிகரிக்க உதவும் பழங்களும் அவசியம் தேவை. மாலை நேரத்தில் செவ்வாழை பழம், தேனில் நனைத்த நேந்திரம் பழம் கொடுக்கலாம்.

மாதுளையை சாறாக்காமல் ஒரு கப் முத்துக்களை அப்படியே சாப்பிடலாம். தினமும் காலையில் எழுந்ததும் ஒரு பெரிய டம்ளர் நிறைய நீராகாரம் குடிக்கலாம். வாரத்துக்கு இரண்டு நாட்கள் தேங்காய்ப்பால் குடிக்கலாம்.

பாலியல் உறவில் ஆண்கள் சந்திக்கும் ஐந்து பிரச்சனைகளை சரிசெய்யும் முருங்கைப்பூ! இப்படி யூஸ் பண்ணுங்க!

மேற்கண்டவை எல்லாமே சிற்றுண்டிகள் தான். இவை உடலின் குடல் இயக்கங்க குறைபாடுகளை நீக்கி குடல் இயக்கங்களை சீராக்கவும் உதவும் என்பதால் மலச்சிக்கல் நேராது. இதிலிருக்கும் ஊட்டச்சத்துகளை உடல் முழுவதும் உறிஞ்சும் வகையில் இருப்பதால் உடல் எடை அதிகரிப்பும் ஆரோக்கியமாக இருக்கும். பாரம்பரிய உணவுகளான இவை உடலுக்கு பலம் கொடுப்பதிலும் வல்லவை. சாப்பிடும் போது நீங்களே உணர்வீர்கள்.

Thanks for the Source

Share on Social Media

Leave a Reply

Your email address will not be published. Required fields are marked *