Share on Social Media


ஹைலைட்ஸ்:

  • மூன்றாம் டோஸ் தடுப்பூசி தேவைப்படலாம்
  • அமெரிக்காவின் மூத்த வல்லுநர் தகவல்

உலகம் முழுவதும் பொதுமக்களுக்கு கொரோனா தடுப்பூசி போடும் பணிகள் தீவிரமாக நடைபெற்று வருகிறது. பொதுவாக அனைவருக்கும் இரண்டு டோஸ் தடுப்பூசி போடப்பட்டு வருகிறது. ஆனால், கூடுதல் பாதுகாப்புக்காக மூன்றாம் டோஸ் தடுப்பூசி போட வேண்டுமென சிலர் தெரிவித்திருந்தனர்.

கொரோனாவால் ஆபத்து மிகுதியான முதியோர், நோயால் அவதிப்படுவோர் போன்றவர்களுக்கு மூன்றாம் தடுப்பூசி போட வேண்டுமென மாடர்னா நிறுவனத்தின் தலைமை செயலதிகாரி தெரிவித்திருந்தார்.

இந்நிலையில், ஏற்கெனவே தடுப்பூசி போட்டுக்கொண்டவர்கள் மூன்றாம் டோஸ் போட்டுக்கொள்ள வேண்டுமென அமெரிக்காவின் மூத்த தொற்று நோய் வல்லுநரும், வெள்ளை மாளிகையின் தலைமை மருத்துவ ஆலோசகருமான ஆண்டனி ஃபவுசி தெரிவித்துள்ளார்.

இனி மாஸ்க் அணிய தேவையில்லை.. அரசு திடீர் அறிவிப்பு!
இதுகுறித்து அவர், “கொரோனா தடுப்பூசி தரும் பாதுகாப்பு நிரந்தரமாக நீடிக்கும் என எதிர்பார்க்க முடியாது. எனவே, சில சமயங்களில் மூன்றாம் டோஸ் அல்லது கூடுதலாக பூஸ்டர் டோஸ் தடுப்பூசி போட வேண்டும். எவ்வளவு இடைவெளிக்கு பின் தடுப்பூசி போட வேண்டுமென்பதை தற்போது ஆய்வு செய்து வருகிறோம்” என்று தெரிவித்துள்ளார்.

சோதனைகளில் பங்கேற்கும் நபர்களை கூர்ந்து கண்காணித்து வருவதாகவும், வைரஸுக்கு எதிரான தன்மை எவ்வளவு காலத்துக்கு நீடிக்கிறது என்பதை அறிய முயற்சித்து வருவதாகவும் அவர் தெரிவித்துள்ளார். தற்போதைய சூழலில் தடுப்பூசியின் எதிர்ப்பு தன்மை 6 மாதம் முதல் 1 ஆண்டு வரை இருப்பதாக தெரிகிறது என அவர் கூறினார்.



Source link

Share on Social Media

Leave a Reply

Your email address will not be published. Required fields are marked *