Share on Social Media


ஹைலைட்ஸ்:

  • கொரோனா பாதிப்பால் மருத்துவமனையில் அனுமதிக்கப்பட்ட தாமிரா
  • 20 நாட்கள் சிகிச்சைக்கு பிறகு இன்று மரணம்
  • தாமிராவின் மரணத்தால் பிரபலங்கள் அதிர்ச்சி

திருநெல்வேலியை சேர்ந்த தாமிரா என்கிற காதர் முகைதீன் கே. பாலச்சந்தரிடம் உதவியாளராக பணியாற்றினார். பிரமாண்ட இயக்குநர் ஷங்கர் தயாரித்த ரெட்டைச் சுழி படம் மூலம் கோலிவுட்டில் இயக்குநராக அறிமுகமானார் தாமிரா.

பாரதிராஜாவும், பாலச்சந்தரும் சேர்ந்து நடித்த ரெட்டைச் சுழி படம் கடந்த 2010ம் ஆண்டு வெளியானது. ஆனால் அந்த படம் எதிர்பார்த்தபடி வெற்றி பெறவில்லை. அதன் பிறகு சமுத்திரக்கனி, ரம்யா பாண்டியன் உள்ளிட்டோரை வைத்து ஆண் தேவதை படத்தை இயக்கி, வெளியிட்டார் தாமிரா.

ஆண் தேவதையின் கதையை பலர் பாராட்டியபோதிலும் வசூல் பெரிதாக இல்லை. மூன்றாவது படத்தை இயக்க தயாராகிக் கொண்டிருந்தார். இந்நிலையில் கடந்த 20 நாட்களுக்கு முன்பு அவருக்கு கொரோனா வைரஸ் பாதிப்பு ஏற்பட்டது. இதையடுத்து சென்னையில் இருக்கும் தனியார் மருத்துவமனை ஒன்றில் அனுமதித்தார்கள்.

அங்கு சிகிச்சை பெற்று வந்த நிலையில் அவர் இன்று காலை மாரடைப்பால் உயிரிழந்தார். அவருக்கு வயது 52. தாமிராவுக்கு 3 மகன்களும், ஒரு மகளும் இருக்கிறார்கள். அவர் கடைசியாக கடந்த 11ம் தேதி தான் தன் ஃபேஸ்புக் பக்கத்தில் போஸ்ட் போட்டார்.

அதில் அவர் கூறியதாவது,

இந்த உலகை வெல்ல அன்பைத் தவிர வேறு சூட்சுமம் இல்லை. என்னுள் இருக்கும் தீராக் கோபங்களை இன்றோடு விட்டொழிக்கிறேன். இனி யாரோடும் பகைமுரண் இல்லை. யாவரும் கேளிர் என்றார்.

தாமிரா இறந்த செய்தி அறிந்த திரையுலகினரும், ரசிகர்களும் அதிர்ச்சி அடைந்துள்ளனர். தாமிராவின் மறைவு குறித்து தயாரிப்பாளர் தனஞ்செயன் ட்விட்டரில் கூறியிருப்பதாவது,
இந்த செய்தியை கேட்டு அதிர்ச்சி அடைந்தேன். மிகவும் கவலையாக இருக்கிறது. பலருக்கு வாழ்க்கை குறுகிக் கொண்டிருக்கிறது. இயக்குநர் தாமிரா ஒரு ஜென்டில்மேன், நல்ல நண்பர். இந்த இழப்புகளை ஏற்க முடியவில்லை. தாமிரா சாரின் ஆத்மா சாந்தியடையட்டும். உங்களை நாங்கள் ரொம்ப மிஸ் பண்ணுவோம். அவரின் குடும்பத்தாருக்கு என் ஆழ்ந்த இரங்கலை தெரிவித்துக் கொள்கிறேன் என்றார்.
ஆயிரம் தான் இருந்தாலும் விஜய் செய்தது பெரிய தவறு: இந்தா கெளம்பிட்டாங்கல்ல



Source link

Share on Social Media

Leave a Reply

Your email address will not be published. Required fields are marked *