Share on Social Media


மெகா அறிவிப்பு வருகிறது, அது என்னவென்று கண்டுபிடியுங்கள் என்று கூறி சன் பிக்சர்ஸ் போட்ட ட்வீட்டை பார்த்த ரஜினிகாந்த், சூர்யா, விஜய், தனுஷ் ரசிகர்கள் குஷியாகிவிட்டனர்.

அண்ணாத்த அப்டேட் தான் என ரஜினி ரசிகர்கள் கூற, இல்லை இல்லை தளபதி 65 அறிவிப்பு தான் என்று விஜய் ரசிகர்கள் தெரிவிக்க, இரண்டுமே இல்லை சூர்யா 40 தான் என சூர்யா ரசிகர்கள் சொல்ல, மூன்று பேருமே தப்பு டி44 அறிவிப்பு தான் என்றார்கள் தனுஷ் ரசிகர்கள்.

இதையடுத்து மாலை 5 மணிக்கு அறிவிப்பு வரும், ஆனால் தேதி தான் என்று கூறி மீண்டும் ரசிகர்களை குழப்பிவிட்டு ட்வீட் போட்டது சன் பிக்சர்ஸ். இப்படி அக்கறையா அப்பப்போ ட்வீட் போட்டு எங்களை குழப்புவதற்கு பதில் ஒழுங்காக தேதியையும், நேரத்தையும் சொல்லுங்கய்யா என்றார்கள் ரசிகர்கள்.

ரசிகர்கள் கடுப்பானதை பார்த்துவிட்டு இன்று மாலை 5 மணிக்கு மெகா அறிவிப்பு வருகிறது என்று சன் பிக்சர்ஸ் ட்வீட் செய்தது. உடனே ரஜினி, சூர்யா, விஜய், தனுஷ் ரசிகர்கள் #Annaatthe, #Thalapathy65, #suriya40, #D44 ஆகிய ஹேஷ்டேகளுடன் ட்வீட் செய்து அதை டிரெண்டாக்கவிட்டார்கள்.

தளபதி 65 அப்டேட் தான் வருகிறது என்று விஜய் ரசிகர்கள் உறுதியாகச் சொன்னார்கள். இந்நிலையில் அந்த மெகா அறிவிப்பு வந்துவிட்டது. விஜய் ரசிகர்கள் யூகித்தது தான் சரி. அந்த மெகா அறிவிப்பு தளபதி 65 பற்றி தான்.

கதை ரொம்ப பிடிச்சிருச்சு, தளபதி 65 இயக்குநரை ஓகே பண்ண விஜய்?

தளபதி 65 படத்தை நெல்சன் திலீப்குமார் இயக்க, அனிருத் இசையமைக்கிறார் என்று கூறி வீடியோ வெளியிட்டுள்ளனர். அறிவிப்பை பார்த்த விஜய் ரசிகர்கள் மகிழ்ச்சி அடைந்துள்ளனர்.

தளபதி 65 படத்தை நெல்சன் தான் இயக்கக்கூடும் என்று கடந்த சில நாட்களாக கூறப்பட்டு வந்த நிலையில் அதை சன் பிக்சர்ஸ் உறுதி செய்துள்ளது.



Source link

Share on Social Media

Leave a Reply

Your email address will not be published. Required fields are marked *