1603595634 pic Tamil News Spot
Share on Social Media

தளபதி 65 படத்தை ஏ.ஆர். முருகதாஸ் இயக்குவார், சன் பிக்சர்ஸ் தயாரிக்கும் என்று தெரிவிக்கப்பட்டது. முருகதாஸ் சொன்ன ஒன்லைனர் பிடித்துப் போய் தான் அவர் படத்தில் நடிக்க ஒப்புக் கொண்டாராம் விஜய். ஆனால் பின்னர் முருகதாஸ் எழுதி வந்த ஸ்க்ரிப்ட் விஜய்க்கு பிடிக்கவில்லையாம். இதையடுத்து கதையை மாற்றுமாறு விஜய் கூறினாராம்.

இரண்டு முறை கதையை மாற்றிய பிறகும் விஜய்க்கு திருப்தி இல்லையாம். மேலும் ஸ்க்ரிப்ட்டில் இருக்கும் அரசியல் தொடர்பான வரிகள் விஜய்க்கு பிடிக்கவில்லையாம். இதையடுத்து தயாரிப்பு நிறுவனத்திடம் ஸ்க்ரிப்ட்டை காட்டுமாறு விஜய் கூறினாராம்.

சன் பிக்சர்ஸும் கதையை மாற்றுமாறு கூறியதாம். இது நானே சொந்தமாக எழுதிய கதை. இது கண்டிப்பாக ஒர்க்அவுட் ஆகும், மாற்ற வேண்டிய தேவையில்லை என்று முருகதாஸ் கூறியதை விஜய்யும், சன் பிக்சர்ஸும் ஏற்கவில்லையாம்.

முருகதாஸ் சொன்ன பட்ஜெட் சன் பிக்சர்ஸுக்கு ஒத்து வரவில்லையாம். மேலும் இந்த படத்தை இயக்குவது என்றால் தன் சம்பளத்தில் பெரும் பகுதியை குறைக்க வேண்டியிருப்பதால் முருகதாஸும் சந்தோஷமாக இல்லையாம். ஆரம்பமே இப்படி பல பிரச்சனையாக இருப்பதால் இனியும் இந்த படத்தில் தொடர்ந்து வேலை செய்தால் நன்றாக இருக்காது என்று முருகதாஸ் விலகிவிட்டதாக கூறப்படுகிறது.

இந்த படம் போனால் பரவாயில்லை, எதிர்காலத்தில் சேர்ந்து படம் பண்ணுவோம் என்று முருகதாஸ் கூற விஜய்யும் சரி என்று சொல்லிவிட்டாராம். முருகதாஸ் விலகியுள்ளதை அடுத்து தளபதி 65 படத்தை இயக்கப் போவது யார் என்கிற கேள்வி எழுந்துள்ளது.

வெற்றிமாறன் அல்லது மகிழ் திருமேனி தான் விஜய்யை இயக்கப் போவதாக கூறப்படுகிறது. வெற்றிமாறன் சூரி மற்றும் தனுஷ் படங்களை இயக்கவிருப்பதால் விஜய் படத்தை இயக்க முடியுமா என்பது சந்தேகம் தான். இதற்கிடையே சுதா கொங்கராவின் பெயரும் அடிபட்டது. ஆனால் சுதா சொன்ன கதை தனக்கு பிடிக்கவில்லை என்று விஜய் கூறியதாக முன்பே தகவல் வெளியானது.

அதனால் மகிழ் திருமேனி தான் தளபதி 65 படத்தை இயக்கக்கூடும் என்று கூறப்படுகிறது. இதற்கிடையே விஜய், முருகதாஸ் மற்றும் சன் பிக்சர்ஸ் சந்தித்து பேசி பிரச்சனையை தீர்த்து சேர்ந்து பணியாற்றக்கூடும் என்று விபரம் தெரிந்தவர்கள் கூறியுள்ளனர்.

ரஜினியை அடிக்க ஆள் தேடி அலைந்த ரவிக்குமார்

Thanks for the Source

Share on Social Media

Leave a Reply

Your email address will not be published. Required fields are marked *