Share on Social Media


ஹைலைட்ஸ்:

  • ஏப்ரல் 23ம் தேதி வெளியாகும் தலைவி படம்
  • ஜெயலலிதாவின் வாழ்க்கை வரலாற்று பட ரிலீஸ் தேதி அறிவிப்பு
  • ஜெயலலிதாவின் பிறந்தநாளான இன்று தலைவி ரிலீஸ் தேதி வெளியானது

மறைந்த முன்னாள் முதல்வர் ஜெயலலிதாவின் 73வது பிறந்தநாளான இன்று பலரும் அவரை பற்றி தான் சமூக வலைதளங்களில் பேசிக் கொண்டிருக்கிறார்கள். இதனால் #jayalalithaa #HBDAmma ஆகிய ஹேஷ்டேகுகள் ட்விட்டரில் தேசிய அளவில் டிரெண்டாகியுள்ளது. இந்நிலையில் ஜெயலலிதாவின் பிறந்தநாளையொட்டி இன்று மாலை 6.35 மணிக்கு முக்கிய அறிவிப்பு வெளியிடப்படும் என்று பாலிவுட் நடிகை கங்கனா ரனாவத் ட்விட்டரில் தெரிவித்தார்.

அதை பார்த்தவர்களோ தலைவி ரிலீஸ் தேதியாகத் தான் இருக்கும் என்று நினைத்தார்கள். அவர்கள் கணித்தது சரி தான். தலைவி படம் வரும் ஏப்ரல் 23ம் தேதி தியேட்டர்களில் வெளியாகும் என்று கங்கனா அறிவித்துள்ளார்.
ஜெயலலிதாவின் வாழ்க்கை வரலாற்றை தலைவி என்கிற பெயரில் படமாக எடுத்துள்ளார் இயக்குநர் ஏ.எல். விஜய். அந்த படத்தில் கங்கனா தான் ஜெயலலிதாவாக நடித்திருக்கிறார். முன்னதாக ஃபர்ஸ்ட் லுக் போஸ்டர் வெளியானபோது பலரும் கங்கனாவை கிண்டல் செய்தார்கள். இவரை பார்த்தால் பொம்மை மாதிரி இருக்கிறாரே தவிர ஜெயலலிதா போன்று இல்லை என்றார்கள்.

ஜெயலலிதாவாக நடிக்க இங்கு எல்லாம் ஆளே இல்லை என்றா பாலிவுட் நடிகையை நடிக்க வைத்திருக்கிறார் இந்த விஜய் என்று விமர்சிக்கப்பட்டது. ஆனால் அவர் படத்தை பார்த்தால் புரியும் என்பது போன்று அமைதியாக இருந்து வருகிறார். இந்நிலையில் கங்கனாவை ஜெயலலிதாவாக நடிக்க வைத்தது சரியா, தவறா என்பது ஏப்ரல் 23ம் தேதி தெரிந்துவிடும்.

அண்மை காலமாக கங்கனா போடும் ட்வீட்டுகள் பலருக்கும் பிடிக்கவில்லை. குறிப்பாக நான் தான் பெரிய திறமைசாலியான நடிகை என்று அவர் ட்வீட்டியதை பார்த்த தமிழ் சினிமா ரசிகர்களோ, எல்லாம் நேரம், இல்லை என்றால் இப்படி அகங்காரம் பிடித்தவருக்கு ஜெயலலிதாவாக நடிக்க வாய்ப்பு கிடைக்குமா என்றார்கள்.
தாடியால் சூப்பர் ஹிட் படத்தில் இருந்து விலகிய விக்ரம்: என்ன சீயான் இது?



Source link

Share on Social Media

Leave a Reply

Your email address will not be published. Required fields are marked *