Share on Social Media


ஹைலைட்ஸ்:

  • இந்தியாவில் கொரோனா தொற்றின் நிலைமை கவலையளிக்கிறது
  • உயிரிழப்பும் தொடர்ந்து வருவது வேதனை அளிக்கிறது
  • உலக சுகாதார அமைப்பு தலைவர் டெட்ராஸ் அதானம் கெப்ரியாசிஸ் கருத்து

இந்தியாவில், கொரோனா வைரஸ் தொற்றின் நிலைமை தொடர்ந்து கவலை அளிக்கும் விதமாக உள்ளதாக, டபிள்யு.எச்.ஓ., எனப்படும், உலக சுகாதார அமைப்பின் தலைவர் டெட்ராஸ் அதானம் கெப்ரியாசிஸ் வேதனைத் தெரிவித்துள்ளார்.

இந்தியாவில், கொரோனா வைரஸ் தொற்றின் இரண்டாவது அலை இதுவரை இல்லாத வகையில் வேகமாகப் பரவி வருகிறது. நாட்தோறும் 3 லட்சத்திற்கும் அதிகமானோர் நோய்த் தொற்றால் பாதிக்கப்பட்டு வருகின்றனர். சுமார் 4 ஆயிரம் பேர் சிகிச்சை பலனின்றி உயிரிழந்து வருகின்றனர்.

இந்தியாவில் நிலவும் சூழலைப் பார்த்து, ஆக்சிஜன் செறிவூட்டிகள், ஆக்சிஜன் சிலிண்டர்கள், மருந்துகள், பி.பி.இ. ஆடைகள் உள்ளிட்ட பல்வேறு விதமான மருத்துவ உதவிகளை, உலக நாடுகள் தொடர்ந்து வழங்கி வருகின்றன.

இந்நிலையில், உலக சுகாதார அமைப்பின் தலைவர் டெட்ராஸ் அதானம் கெப்ரியாசிஸ் செய்தியாளர்களுக்கு அளித்த பேட்டியில் கூறியதாவது:
இந்தியாவில் கொரோனா வைரஸ் பரவல் தொடர்ந்து மிகுந்த கவலையளிக்கும் விதத்தில் இருக்கிறது. பல்வேறு மாநிலங்களில் தொடர்ந்து மக்கள் கொரோனாவால் அதிக அளவில் பாதிக்கப்பட்டு, மருத்துவமனைகளில் அனுமதிக்கப்படுவதும், அங்கு உயிரிழப்பும் தொடர்ந்து வருவதும் வேதனையளிக்கிறது.

கொரோனாவில் இறந்தால் இழப்பீடு? -பட்டும் படாமல் சொல்லும் அமைச்சர்!

உலகிற்கு நாங்கள் சொல்வதெல்லாம்,கொரோனா வைரஸ் முதல் அலையை விட, 2-வது அலை மிகவும் மோசமான உயிர்க் கொல்லியாக இருக்கும். இந்தியாவுக்கு உலக சுகாதார அமைப்பால் செய்ய முடிந்த உதவிகளை தொடர்ந்து செய்து வருகிறோம்.

ஆக்சிஜன் செறிவூட்டிகள், தேவையான இடங்களில் மொபைல் மருத்துவமனை அமைக்க டென்ட்கள், முகக்கவசம், மருந்துகளை அனுப்பி வருகிறோம். இந்தியாவுக்கு உதவி வரும் பல்வேறு நாடுகளுக்கு உலக சுகாதார அமைப்பு சார்பில் நன்றி தெரிவித்துக் கொள்கிறோம்.

நேபாளம், இலங்கை, வியட்நாம், கம்போடியா, தாய்லாந்து, எகிப்து ஆகிய நாடுகளிலும் கொரோனா பாதிப்பு அதிகரித்து வருகிறது. மருத்துவமனைகளில் அனுமதிக்கப்படுவர்கள் எண்ணிக்கையும் அதிகரித்து வருகிறது. அமெரிக்க கண்டத்தில் உள்ள சில நாடுகளிலும் கொரோனா பாதிப்பு தொடர்ந்து வருகிறது. ஆப்ரிக்க கண்டத்திலும் சில நாடுகளில் தொடர்ந்து கொரோனா பாதிப்பு அதிகரித்து வருகிறது.
இவ்வாறு அவர் கூறினார்.



Source link

Share on Social Media

Leave a Reply

Your email address will not be published. Required fields are marked *