Share on Social Media


நடிகர் ரஜினிகாந்த் வரும் ஜனவரியில் கட்சி தொடங்கப் போவதாகவும், வரும் டிசம்பர் 31ஆம் தேதி அறிவிப்பு வெளியிடப் போவதாகவும் தெரிவித்திருந்தார். ஆனால் தனது உடல்நலனைக் காரணம் காட்டி அரசியல் கட்சி தொடங்கப் போவதில்லை என்று நேற்று அதிரடியாக அறிவித்துவிட்டார். இது ரஜினி ரசிகர்கள் மட்டுமின்றி தமிழக அரசியலை உன்னிப்பாக கவனித்து வருபவர்களும் மிகுந்த ஏமாற்றம் அடைந்துள்ளனர்.

இந்த சூழலில் ரஜினியை நம்பி வந்த காந்திய மக்கள் இயக்கத் தலைவர் தமிழருவி மணியன் மற்றும் பாஜகவில் இருந்து விலகி வந்த அர்ஜுனமூர்த்தி ஆகியோரின் நிலை தான் பரிதாபம். இவர்களை கட்சியின் மேற்பார்வையாளராகவும், தலைமை ஒருங்கிணைப்பாளராகவும் நியமித்து ரஜினிகாந்த் உத்தரவிட்டிருந்தார்.

என் ரஜினி நலமாக இருக்க வேண்டும்: கமல்ஹாசன் உருக்கம்!
அதுவும் ரஜினி கட்சி தொடங்கிய பின், காந்திய மக்கள் இயக்கம் அதனுடன் இணைத்துக் கொள்ளப்படும் என்று தமிழருவி மணியன் அறிவித்திருந்தார். எல்லாம் பாழாய் போனது. இந்த சூழலில் காந்திய மக்கள் இயக்கம் தலைவர் தமிழருவி மணியன் வெளியிட்டுள்ள அறிக்கையில், மீண்டும் காமராஜர் ஆட்சியைத் தமிழகம் தரிசிக்க வேண்டும் என்று என் கனவை நனவாக்கத் தொடர்ந்து முயன்றது தான் நான் செய்த ஒரே குற்றம்.

இதற்காக மலினமான மன நோயாளிகளின் தரம் தாழ்ந்த விமர்சனக் கணைகள் என் மீது வீசப்படுவதால் என் மனைவி, மக்களின் மனங்கள் மிகக் கடுமையாகப் பாதிக்கப்பட்டு விட்டன. எந்தக் கைம்மாறும் கருதாமல் சமூக நலனுக்காக என்னுடன் கைகோர்த்து நடந்த காந்திய மக்கள் இயக்க நண்பர்களின் அடி தொழுது நான் விடை பெற்றுக் கொள்கிறேன்.

80020801 Tamil News Spotஉயிருக்கும் தோல்விக்கும் பயந்தவர்கள் போருக்கு வரக்கூடாது: ரஜினி பற்றி கஸ்தூரி
இறப்பு என்னைத் தழுவும் இறுதி நாள் வரை நான் அரசியலில் மீண்டும் அடியெடுத்து வைக்க மாட்டேன். திமுகவில் இருந்து விலகும் போது கண்ணதாசன் போய் வருகிறேன் என்றார். நான் போகிறேன். வரமாட்டேன் என்று கூறியுள்ளார்.



Thanks for the source

Share on Social Media

Leave a Reply

Your email address will not be published. Required fields are marked *