Share on Social Media


சென்னை: துணை முதலமைச்சர் ஓ பன்னீர்செல்வம் 2021-22 ஆம் ஆண்டிற்கான இடைக்கால பட்ஜெட்டைத் தாக்கல் செய்கிறார். ஆளும் அதிமுக அரசு பட்ஜெட்டின் போது புதிய திட்டங்களை அறிவித்து வருகிறது. அமர்வுக்கு முன்னதாக பேச அனுமதி மறுக்கப்பட்டதால், திமுக மற்றும் காங்கிரஸ் எம்.எல்.ஏ.க்கள் அடங்கிய எதிர்க்கட்சி வெளிநடப்பு செய்தது.

2021-22 ஆம் ஆண்டிற்கான இடைக்கால பட்ஜெட்டில் (Budget) உயர்கல்விக்கு ரூ .5,478 கோடி ஒதுக்கப்பட்டுள்ளது. கோயம்புத்தூரில் மெட்ரோ ரயில் (Metro Train) திட்டத்தைத் தொடங்க 6,683 கோடி ரூபாய் ஒதுக்கப்பட்டுள்ளது. 2021-22 ஆம் ஆண்டிற்கான இடைக்கால பட்ஜெட்டில் ரூ. மாநில விவசாயத் துறைக்கு 1738 கோடி ரூபாய் ஒதுக்கீடு. மொத்தம் 436 கோடி மாநில தீயணைப்புத் துறைக்கு ஒதுக்கப்பட்டுள்ளது.

ALSO READ | Tamil Nadu: இனி தமிழகத்தில் கான்கிரீட் வீடுகள் மட்டும் தான் இருக்குமா?

2021-22ம் ஆண்டிற்கான வருவாய் பற்றாக்குறை ரூ.41,417.30 கோடியாக இருக்கும். மூலதன செலவினம் 14.41 சதவீதமாக உயர்ந்து ரூ.43,170.61 கோடியாக இருக்கும் என எதிர்பார்க்கப்படுகிறது. தமிழக அரசின் (Tamil Nadu Government) கடன் சுமை ரூ.5.7 லட்சம் கோடியாக உயர்ந்துள்ளது. நல் ஆளுமை குறியீட்டில் தமிழகம் முதலிடத்தில் உள்ளது. கொரோனா காலத்திலும் முதலீடுகளை ஈர்ப்பதில் தமிழகம் முன்னணியில் உள்ளது.

நெடுஞ்சாலை துறைக்கு 18,750 கோடி ரூபாய், காவல் துறைக்கு 9,567 கோடி ரூபாய் ஒதுக்கப்படுகிறது. பயிர்க்கடன் தள்ளுபடிக்காக 5000 கோடி ரூபாய் ஒதுக்கப்பட்டுள்ளது. அடுத்த சில ஆண்டுகளில் 12000 பேருந்துகள் கொள்முதல் செய்யப்படும். இதில் 2000 பேருந்துகள் மின்சார பேருந்துகளாக இருக்கும்.

இவ்வாறு ஓ பன்னீர்செல்வம் (O. Panneerselvam) பேசினார்.

ALSO READ | தமிழகத்தில் இடைக்கால பட்ஜெட் 2021 இன்று தாக்கல்: அதிகரிக்கும் எதிர்பார்ப்புகள்

அரசியல், விளையாட்டு, சுகாதாரம், வாழ்க்கை முறை, கல்வி, பொழுதுபோக்கு, சமூக, வேலைவாய்ப்பு என அனைத்து வகையான செய்திகளையும் தமிழில் பெற இப்போது ஜீ இந்துஸ்தான் செயலியை பதிவிறக்குங்கள்!!

Android Link – https://bit.ly/3hDyh4G

Apple Link – https://apple.co/3loQYeR





Thanks for the source

Share on Social Media

Leave a Reply

Your email address will not be published. Required fields are marked *