Share on Social Media


ஹைலைட்ஸ்:

  • தேர்தலுக்கு பிந்தைய நிலவரங்களை கேட்டு வருகிறார் எடப்பாடி பழனிசாமி
  • சுனில் டீம் கடைசியாக கொடுத்த ரிப்போர்ட்!
  • எடப்பாடி பழனிசாமி சொல்லும் நம்பர் என்ன தெரியுமா?

திமுக தனிப் பெரும்பான்மையுடன் ஆட்சியைப் பிடிக்கும் என திமுக வட்டாரங்கள் கூறிவருகின்றன. அவ்வாறு ஆட்சியைப் பிடித்தால் அமைச்சரவையில் யார் யாருக்கு இடம் கொடுக்கலாம், என்ன துறை ஒதுக்கலாம் என்ற விவாதம் நடைபெற்றுவருவதாக கூறுகிறார்கள்.

அதிமுக தரப்பிலோ மிகவும் கூலாக நடப்பவற்றை கவனித்து வருகின்றனர். மேலும் பல்வேறு தரப்பினரிடமிருந்து தேர்தலுக்கு பிந்தைய நிலவரங்களை எடப்பாடி பழனிசாமி கேட்டு வருகிறார். அப்படி அவர் திரட்டிய தகவல்கள் நம்பிக்கையை அளித்திருப்பதாக கூறுகின்றனர்.

தமிழகத்தில் மீண்டும் ஊரடங்கு: என்னென்ன கட்டுப்பாடுகள்?

அதிமுகவுக்கு தேர்தல் வியூகங்களை வகுத்துக் கொடுத்தவர் சுனில். இவரது டீம் தமிழகம் முழுவதும் அனைத்து தொகுதிகளிலும் தேர்தலுக்கு பிந்தைய நிலவரங்களை கணித்துள்ளது. அதன் விவரங்களை முதல்வரிடமும் தெரிவித்து வருகிறது. முதல்வரும் அவ்வப்போது சுனிலுடன் பேசி வருகிறார்.

பதவியேற்க நாள் குறிச்சாச்சு: ஸ்டாலினுக்கு வீடு தேடும் குடும்பத்தினர்?

தனியார் ஏஜென்சிகள் மூலமாகவும் எடப்பாடி பழனிசாமி தேர்தலுக்கு பிந்தைய கருத்துக்கணிப்புகளை மேற்கொண்டுள்ளார். அதேபோல் கட்சியின் மேல்மட்டம் முதல் கீழ் மட்டம் இந்த முடிவுகள் அனைத்தும் 2016ஆம் ஆண்டு அதிமுக ஆட்சியைப் பிடித்தது போல் மீண்டும் ஆட்சியைப் பிடிக்கும் என்றே தெரிவித்துள்ளன.

இறுதியாக சுனில் எடப்பாடி பழனிசாமிக்கு அளித்த ரிப்போர்ட்டில் அதிமுக கூட்டணிக்கு 85 முதல் 90 தொகுதிகள் வரை கிடைப்பது உறுதி என கூறியுள்ளார். மேலும் 27 தொகுதிகளில் வாக்கு வித்தியாசம் ஆயிரம் முதல் இரண்டாயிரம் வரை இருக்கும் என்று தெரிவித்துள்ளார். 2016 தேர்தலிலும் அதிமுக பல தொகுதிகளில் மிகக் குறைந்த வித்தியாசத்தில் வெற்றி பெற்று ஆட்சியை தக்கவைத்தது.
கொடைக்கானலில் தயாராகும் அமைச்சரவை பட்டியல்?
அதே நிலை இந்த முறையும் நிகழும் என்பது எடப்பாடி பழனிசாமியின் கணிப்பாக உள்ளது. அதாவது அதிமுக 134 தொகுதிகளில் உறுதியாக வெற்றி பெறும் என்று கூறிவருகிறார். எடப்பாடி கணிப்பு தப்புமா, தப்பாதா என்பதை மே 2ஆம் தேதி வரை பொறுத்திருந்துதான் பார்க்க வேண்டும்.



Thanks for the source

Share on Social Media

Leave a Reply

Your email address will not be published. Required fields are marked *