Share on Social Media


ஹைலைட்ஸ்:

  • பொது இடங்களில் மரண தண்டனை நிறைவேற்றுவதற்கு தடை
  • உடல்களை தொங்கவிடுவதற்கும் தடை
  • தலிபான் தகவல்கள்

ஆப்கானிஸ்தான் நாட்டில், பொது இடங்களில் மரண தண்டனை நிறைவேற்றுவதற்கும், உடல்களை தொங்க விடுவதற்கும் தலிபான்கள் தடை விதித்து உள்ளதாக தகவல்கள் வெளியாகி உள்ளன.

தெற்கு ஆசிய நாடான ஆப்கானிஸ்தானில், 20 ஆண்டுகளுக்கு பிறகு, அமெரிக்கப் படைகள் வெளியேறியதை அடுத்து, ஆட்சி மற்றும் அதிகாரத்தை தலிபான் அமைப்பினர் கைப்பற்றி உள்ளனர். தலிபான் மூத்தத் தலைவர் முல்லா அகுந்த் தலைமையில், அங்கு தற்காலிக அரசு அமைக்கப்பட்டு உள்ளது. எனினும் அந்த அரசு இதுவரை பதவி ஏற்காமல் செயல்பட்டு வருகிறது. தலிபான்களின் ஆட்சிக்கு பயந்து ஆப்கன் மக்கள் கலக்கத்தில் உள்ளனர்.

இதற்கிடையே, தலிபான் மூத்தத் தலைவர் ஒருவர் அளித்த பேட்டியில், ஆப்கனில் தவறு செய்பவர்களின் கை, கால்கள் வெட்டப்படும் என்றும், எங்களது ஆட்சி முறையை யாரும் கேள்வி கேட்க முடியாது என்றும் தெரிவித்தார். இதைத் தொடர்ந்து, ஆப்கனில், கொள்ளை, கடத்தல் உள்ளிட்ட குற்றங்களில் ஈடுபட்டவர்களை கொலை செய்து அவர்களது உடல்களை கிரேன் இயந்திரம் மூலம் பொது வெளியில் தலிபான்கள் தொங்கவிட்டனர்.
3 வீரர்களை சொந்த விண்வெளி நிலையத்துக்கு அனுப்பிய சீனா!
இது தொடர்பான புகைப்படங்கள், வீடியோக்கள் சமூக வலைதளங்களில் வெளியாகி கடும் அதிர்ச்சியை ஏற்படுத்தின. இதற்கு கடும் எதிர்ப்பு தெரிவித்த அமெரிக்கா, இது மனித உரிமை மீறல் என்றும் தலிபான்கள் இதை உடனடியாக நிறுத்திக் கொள்ள வேண்டும் என்றும், இல்லையென்றால், தேவையில்லாத பின் விளைவுகளைச் சந்திக்க நேரிடும் என்றும் எச்சரித்து இருந்தது.

அரசியலில் சசிகலா செய்த தவறு இதுதான்..! ரவீந்திரன் துரைசாமி பேட்டி

இந்நிலையில், பொது இடங்களில் வைத்து தண்டனைகளை நிறைவேற்ற வேண்டாம் என தலிபான்கள் அறிவுறுத்தி உள்ளதாக தகவல் வெளியாகி உள்ளது. இது குறித்து தலிபான் அமைப்பின் செய்தித் தொடர்பாளர் ஜபிஹூல்லா முஜாஹித் தெரிவித்ததாவது:
ஒருவருக்குத் தண்டனையை பொது இடத்தில் வைத்துத் தான் நிறைவேற்ற வேண்டும் என நீதிமன்றம் அறிவுறுத்தாத வரை அப்படிச் செய்யத் தேவையில்லை.

குற்றம் செய்தவர் தண்டிக்கப்படும் போது, அவர் என்ன குற்றம் செய்தார். அவர் எதற்காகத் தண்டிக்கப்படுகிறார் என்பது போன்ற தகவல்களை நாம் பொது மக்களுக்கு விளக்க வேண்டும். அப்போது தான் மற்றவர்கள் அந்த தவறை செய்ய மாட்டார்கள்.
இவ்வாறு அவர் கூறினார்.



Source link

Share on Social Media

Leave a Reply

Your email address will not be published. Required fields are marked *