Share on Social Media


வைட்டமின் டி குறைபாடு ஏற்படும்போது நாம் ஏகப்பட்ட உடல்நல கோளாறுகளை சந்திக்க நேரிடும். எனவே இந்த வைட்டமின் டி குறைப்பாட்டை எப்படி கண்டறியலாம். இதற்கும் நம்முடைய பல் ஆரோக்கியத்துக்கும் நிறைய சம்பந்தங்கள் உண்டு. வைட்டமின் டி-யின் பற்றாக்குறையால் உடலில் அவை சார்ந்த நிறைய பிரச்சினைகள் உண்டாகும்.

​வைட்டமின் டி

நம் ஆரோக்கியத்தை பராமரிப்பதில் வைட்டமின்கள் மிக முக்கியமான பங்கு வகிக்கிறது. நம் உடலுக்கு தேவையான அத்தியாவசியமான வைட்டமின் கள் பல வகைகள் உள்ளன. இதில் சூரிய ஒளியில் இருந்து பெறப்படும் வைட்டமின் டி நம் உடல் செயல்பாடுகளுக்கு மிகவும் அவசியமானது. ஏனெனில் இந்த வைட்டமின் தான் நம் எலும்புகள் மற்றும் பற்கள் பராமரிப்புக்கு உதவுகிறது. இது கவலையை குறைக்க உதவுகிறது, நமது உடலில் ஒட்டுமொத்த நோயெதிர்ப்பு சக்தியை அதிகரிக்கிறது. இது நம்முடைய எடை இழப்பிற்கு உதவுகிறது. இவ்வளவு நன்மைகள் தரும் வைட்டமின் டி சத்து குறைந்தால் இந்த வேலைகள் எதுவும் நடக்காது.

​வைட்டமின் டி பற்றாக்குறை

samayam tamil Tamil News Spot

நம் உடலில் வைட்டமின் டி பற்றாக்குறை இருந்தால் எலும்புகள் பலவீனமாகி, எலும்பு சிதைவுகள், மனநலப் பிரச்சினைகள் ஏற்படும். எனவே தான் உடனேயே வைட்டமின் டி பற்றாக்குறையை கவனிக்க வேண்டும். இந்த வைட்டமின் டி குறைப்பாட்டை நாக்கில் ஏற்படும் சில அறிகுறிகள் மூலம் அறியலாம். வைட்டமின் டி குறைபாடு பெரும்பாலும் நீரிழிவு நோய் மற்றும் உடல் பருமன் உடையவர்களுக்கு ஏற்படுகிறது. சமீபத்திய ஆய்வின் படி வைட்டமின் டி குறைபாட்டை வாய்வழி ஆரோக்கியத்தின் மூலம் கண்டறியலாம் என கண்டறியப்பட்டுள்ளது. எப்படி வாய்வழி ஆரோக்கியத்தின் மூலம் வைட்டமின் டி குறைபாட்டை கண்டறிய முடியும் வாங்க தெரிஞ்சுக்கலாம்.

​ஆய்வறிக்கை என்ன சொல்கிறது?

samayam tamil Tamil News Spot

2017 ஆம் ஆண்டு சரும மருத்துவத்துறை நடத்திய ஆராய்ச்சி படி வாய் எரிச்சல் மற்றும் வாயில் நாள்பட்ட வலி இருப்பவர்கள் வைட்டமின் டி பற்றாக்குறையை பெற்றிருப்பதாக கூறுகிறது. இரத்தத்தில் குளுக்கோஸ் அதிகரித்தல், வைட்டமின் டி (டி 2 மற்றும் டி 3), வைட்டமின் பி 6, துத்தநாகம், வைட்டமின் பி 1 மற்றும் தைரோட்ரோபின் (டிஎஸ்ஹெச்) ஆகியவற்றின் பற்றாக்குறை இதற்கு காரணமாக இருக்கலாம் என ஆய்வாளர்கள் கூறுகின்றனர்.

​வாய் எரிச்சல் :

samayam tamil Tamil News Spot

வாய் எரிச்சல் என்பது வாய், உதடுகள் மற்றும் நாக்கில் வலி மற்றும் அசெளகரியத்தை ஏற்படுத்தும் ஒரு நிலை ஆகும். வாய் எரிச்சல் ஆனது உங்க கன்னங்களின் உள்ளே, வாயின் மேற்பகுதி அல்லது முழு வாயில் பரவலான பகுதிகளில் தென்படலாம். இந்த எரியும் உணர்வு உங்களுக்கு கடுமையாக தென்படலாம்.

​வாயில் ஏற்படும் அறிகுறிகள் :

samayam tamil Tamil News Spot

நாக்கில் எரியும் உணர்வு தோன்றுதல், வாயின் மேற்பகுதி, ஈறுகள், கன்னங்களின் உட்பகுதி, தொண்டையின் பின்புறப் பகுதியில் இந்த எரியும் உணர்வு ஏற்படலாம்.

  • தொண்டைப் புண் ஏற்படுதல்
  • உலர்ந்த வாய்ப்பகுதி
  • நாவில் உணர்வின்மை தோன்றுதல்
  • விழுங்குவதில் சிரமம்

சுவையில் மாற்றம் தென்படுதல் போன்ற அறிகுறிகள் தென்படலாம். எரியும் உணர்வு போகவே இல்லை என்றால் உடனே உங்க மருத்துவரை அணுகி சிகிச்சை பெறுங்கள்.

​வைட்டமின் டி குறைபாட்டை தவிர்க்க உதவும் உணவுகள்

samayam tamil Tamil News Spot

சூரிய ஒளியில் இருந்து வைட்டமின் டி கிடைத்தாலும் அல்லது நீங்கள் வைட்டமின் டி மாத்திரைகளை எடுத்துக் கொண்டாலும் உடலானது வைட்டமின் டியை உறிஞ்ச சரியான விஷயங்களை நாம் கடைபிடிக்க வேண்டும்.

உணவில் சால்மன், மீன், தயிர், குறைந்த கொழுப்புள்ள பால், காளான், ஆரஞ்சு சாறு, மீன் எண்ணெய் மற்றும் கொழுப்புகள் போன்ற உணவுப் பொருட்களை உங்கள் உணவில் சேர்த்துக் கொள்ளுங்கள். கால்சியம் நிறைந்த உணவுகளான பச்சை இலை காய்கறிகள் மற்றும் பால் பொருட்கள் சேர்ப்பதன் மூலம் உங்கள் எலும்பு வலிமையை அதிகரிக்கலாம்.

மேலும் புகைப்பிடிப்பது, மதுப்பழக்கம் போன்ற தீய பழக்கங்களை தவிர்ப்பது நல்லது.

உங்களுடைய உணவில் வைட்டமின் கே, மெக்னீசியம் மற்றும் துத்தநாகம் போன்ற ஊட்டச்சத்துக்களை சேர்த்துக் கொள்ள வேண்டும். ஏனெனில் இந்த வைட்டமின் கள் வைட்டமின் டி உறிஞ்சுதலை துரிதப்படுத்துகிறது.

அதே மாதிரி வைட்டமின் டி கொழுப்பில் கரையக் கூடிய வைட்டமின் என்பதால் அதை உடல் உறிஞ்ச ஆரோக்கியமான கொழுப்பும் அவசியம். எனவே நெய் அல்லது எண்ணெய்யை அளவோடு எடுத்து வரலாம். ஆரோக்கியமான தானியங்கள் மற்றும் பால் பொருட்களை சேர்த்துக் கொள்ளுங்கள்.

அதேமாதிரி மன அழுத்தம் இல்லாமல் இருங்கள். ஏனெனில் உங்க உடல் மன அழுத்த ஹார்மோன்களை வெளியிட்டால் உங்க குடல் ஆரோக்கியம் பாதிக்கப்படும். ஏனெனில் வைட்டமின் டி குடலில் உறிஞ்சப்படுகிறது. இதில் குடல் ஆரோக்கியம் மிக முக்கியமான பங்கு வகிக்கிறது.



Source link

Share on Social Media

Leave a Reply

Your email address will not be published. Required fields are marked *