Share on Social Media


வேலைப்பளு, மன அழுத்தம், உடற்பயிற்சியின்மை மற்றும் ஆரோக்கியமற்ற உணவின் காரணமாக பலரும் அழுத்தத்துக்கு உள்ளாகி இதய நோய்களை சந்திக்கின்றனர். தற்போது யாராவது திடீரென இறந்தால், என்ன காரணம் என்று கேட்டால் பெரும்பாலும் ஹார்ட் அட்டாக் என்ற பதில் தான் நமக்குக் கிடைக்கிறது. அந்த அளவுக்கு இதய நோய்கள் நம்மை அதிக அளவில் ஆட்டிப்படைக்கின்றன.

​இதய ஆரோக்கியம்

அதிக வேலை, குறைவாக தூக்கம், ஆரோக்கியமற்ற உணவுகள் மற்றும் போதுமான உடல் செயல்பாடு இல்லாததால், அதனை சரிசெய்ய நம் உடல் நமக்கு சில சமிக்ஞைகளை அனுப்பும். ஆனால், பலரும் அதனை புறக்கணிக்கின்றனர். இதனால் உயிருக்கு ஆபத்தான நிலை கூட ஏற்படும். அப்படிப்பட்ட இதய செயலிழப்பு மற்றும் கோளாறுகள் குறித்து நம் உடல் கொடுக்கும் அறிகுறுகள் என்ன என்று பார்ப்போம் வாங்க. இந்தக் கோளாறுகள் உங்களுக்கும் இருந்தால் நீங்கள் உடனடியாக உங்களின் மருத்துவரை அணுகவும்.

​சோர்வு

samayam tamil Tamil News Spot

இதய நோயின் அறிகுறியாகவும், போதுமான அளவு தூக்கம் இல்லாததன் விளைவாகவும் சோர்வு இருக்கலாம். இதய தடையின் காரணமாக உடல் உறுப்புகளுக்கு செல்லும் இரத்தத்தின் அளவு குறையும். இதனால் உங்களுக்கு சோர்வு ஏற்படும். வேலை செய்து அதனால் வரும் சோர்வு என்றால் அதற்கு சரியான ஓய்வு எடுத்தாலே சரியாகி விடும். ஆனால், காரணமின்றி நீங்கள் தொடர்ந்து சோர்வாக இருந்தால், நீங்கள் மருத்துவரை சந்தித்து ஆலோசனை பெறுங்கள். ஏனென்றால், சோர்வு சில நேரங்களில் மிகவும் தீவிரமான நோயின் அறிகுறியாகக் கூட இருக்கலாம்.

​மயக்கம்

samayam tamil Tamil News Spot

அடிக்கடி மயக்கம் வந்தால் அது அசாதாரணமானது. உங்களுக்கு அடிக்கடி மயக்கம் ஏற்படும் பிரச்சனை இருந்தால் அது இதய நோய்க்கான அறிகுறியாகக் கூட இருக்கலாம் என்பதால் இதய நோய் நிபுணரை சந்திக்க வேண்டும். தீவிர உடல் செயல்பாடு, வலி அல்லது நீரிழப்பு கூட உங்களுக்கு மயக்கத்தை உண்டாக்கும். அதோடு, இது இதய நோயின் அறிகுறியாகவும் இருக்கலாம். இரத்தத்தில் ஆக்ஸிஜன் பற்றாக்குறையை ஏற்படுவதன் விளைவாக மயக்கம் ஏற்படும். இதனை தீவிரமாக எடுத்துக் கொண்டு மருத்துவ ஆலோசனை பெற வேண்டும்.

இந்த அறிகுறிகள்லாம் இருந்தா அஜாக்கிரதையா இருக்காதீங்க… மஞ்சள் காமாலையா இருக்க

​விரைவான எடை அதிகரிப்பு

samayam tamil Tamil News Spot

சமீபகாலமாக விரைவான எடை அதிகரிப்பு கூட இதய நோயின் அறிகுறியாக கருதப்படுகிறது. உடலில் திரவம் தேங்குவது இதய நோயின் அறிகுறிகளில் ஒன்றாகும். இதன் விளைவாக வீக்கம் மற்றும் வாய்வு ஏற்படுகிறது. இந்த அறிகுறி உங்களுக்கும் இருந்தால் ஒவ்வொரு நாளும் நீங்கள் என்ன சாப்பிடுகிறீர்கள் என்பதைக் கண்காணிப்பது நல்லது. ஏனெனில், உணவுமுறை மாற்றத்தால் இந்த மாற்றம் ஏற்பட்டதா என்பதை தெரிந்து கொள்ளலாம்.

​குமட்டல் மற்றும் பசியின்மை

samayam tamil Tamil News Spot

குமட்டல், அஜீரணம் மற்றும் பசியின்மை ஆகியவை கூட இதய நோயின் அறிகுறிகளாகும். இரைப்பை அழற்சி போன்ற பிற நோய்களும் சில சமயங்களில் இந்த அறிகுறிகளை ஏற்படுத்தும். ஆனாலும், நீங்கள் மருத்துவரை சந்தித்து ஆலோசித்துக் கொள்வது நல்லது.

நீங்க சைவமா?… உங்க புரோட்டீன் தேவையை நிறைவு செய்ய இந்த சூப்பர் உணவுகளை அதிகமா சாப்பிடுங்க…

Youtube-How To Avoid Blood Pressure | இரத்த அழுத்தம் பற்றி நீங்கள் அறியாத தகவல்

​ஒழுங்கற்ற இதயத் துடிப்பு

samayam tamil Tamil News Spot

பொதுவாக ஒழுங்கற்ற இதயத் துடிப்பு அட்ரினலின் வெடிப்பு மற்றும் அதன் மாற்றத்தால் நிகழும். சில நேரங்களில் படபடப்பு மற்றும் பதற்றம் காரணமாக கூட ஒழுங்கற்ற இதயத் துடிப்பு ஏற்படும். இதயத் துடிப்பு சீரற்றதாக இருப்பதை நீங்கள் கவனித்தால் உடனடியாக மருத்துவ உதவியை நாட வேண்டும்.

​தொடர் இருமல்

samayam tamil Tamil News Spot

இருமலை பலரும் பெரிதாக எடுத்துக் கொள்ள மாட்டார்கள். ஆனால் நீண்ட காலத்திற்கு ஏற்படும் தொடர் இருமல் இதயப் பிரச்சனைக்கு வழிவகுக்கும். உடலின் மற்ற பகுதிகளுக்கு இரத்தத்தை வழங்குவதில் இதயத்திற்கு சிக்கல்கள் இருந்தால், அது நாள்பட்ட இருமலை ஏற்படுத்தும். இரவில் படுக்கையில் இருக்கும்போது உங்களுக்கு தொடர் இருமல் இருந்தால் அது இதயக் கோளாறுக்கான அறிகுறியாக இருக்கலாம்.

​கால்களில் வீக்கம்

samayam tamil Tamil News Spot

பலருக்கும் கோடைக்காலத்தில் கால்களில் வீக்கம் ஏற்படும். இதனை பலரும் சாதாரணமாக எடுத்துக் கொள்வர். ஆனால், கால்கள் அடிக்கடி வீங்கி இருந்தால் அதனை தீவிரமாக எடுத்துக் கொள்ள வேண்டும். ஏனெனில் அவை இதயப் பிரச்சனையைக் குறிக்கலாம்.

சாரைப் பருப்புல முந்திரி, பாதாமை விட குறைந்த கலோரி கம்மி… நன்மை அதிகமாம்… நீங்களே பாருங்க…

​தூக்கக் கோளாறு

samayam tamil Tamil News Spot

தூக்கக் கோளாறுகள் கூட இதய நோய்களின் அறிகுறிகளாக இருக்குமாம். தூங்குவது அல்லது தூங்குவதில் சிக்கல் உள்ளவர்கள் மருத்துவரை அணுகி ஆலோசிப்பது நல்லது.

பெரும்பாலான நேரங்களில் நீங்கள் குறட்டை விடுவது உங்களுக்குத் தெரியாது. உங்களுக்கு அருகில் உள்ளவர்களுக்குத் தான் தெரியும். குறட்டை என்பதற்கான சரியான மருத்துவ வார்த்தை தூக்கத்தில் ஏற்படும் மூச்சுத்திணறல் என்று தான் அர்த்தம். இது இப்போது பலருக்கும் ஏற்படும் ஒரு பொதுவான நிகழ்வாகவே பார்க்கப்படுகிறது. அதிக குறட்டை கூட இதய செயலிழப்பின் அறிகுறியாகவே பார்க்கப்படுகிறது.

​உடல் மற்றும் கைகளில் வலி

samayam tamil Tamil News Spot

உடலின் மேற்பகுதி மற்றும் கைகளில் வலி ஏற்படுவது மாரடைப்புக்கான அறிகுறியாக இருக்கலாம். மாரடைப்பின் வலி பொதுவாக இடதுபுறமாக பரவுகிறது. மாரடைப்புக்கு முன் நீங்கள் உங்களின் கை அல்லது முதுகில் நீங்கள் தொடர்ந்து அசௌகரியத்தை அனுபவிக்க நேரலாம்.

வயசானாலும் இளமையாகவே வைத்திருக்கும் கொலாஜன் இயற்கையாகவே அதிகரிக்க என்ன செய்ய வேண்டும்…

​நெஞ்சு வலி

samayam tamil Tamil News Spot

இதய நோய் அல்லது மாரடைப்புக்கான முக்கிய அறிகுறிகளில் ஒன்று தான் மார்பில் வலி ஏற்படுவது. நெஞ்சுப் பகுதியில் ஏற்படும் வலியால் சுவாசிப்பதில் சிரமம் இருந்தால் அதனை உடனடியாக கவனத்தில் எடுத்துக் கொள்ள வேண்டும். இதுபோல் வலியை உணர்ந்தால் உடனடியாக மருத்துவ உதவியைப் பெறுவது மிகவும் முக்கியம். இல்லையெனில் அது உயிருக்கே ஆபத்தாக முடியும் வாய்ப்புள்ளது.



Source link

Share on Social Media

Leave a Reply

Your email address will not be published. Required fields are marked *