Share on Social Media


பொதுவாக குழந்தையின் கண்களில் வீக்கத்தை கண்டால் பெற்றோர்கள் அச்சம் அடைவார்கள். கண் வீக்கத்துக்கு பல்வேறு காரணங்கள் இருக்கலாம். சரியான நேரத்தில் அதை கண்டறிந்தால் சிகிச்சை அளிக்கவும் எளிதாக இருக்கும். தீவிர சிக்கலிலிருந்தும் பாதுகாப்பு கொடுக்கும். குழந்தைகளுக்கு கண்களில் உண்டாகும் வீக்கம் குறித்த காரணங்கள் அறிவோம்.

​குழந்தைக்கு கண்களில் வீக்கம்

குழந்தையின் கண்களில் வீக்கம் என்பது கண் இமைகளில், கண் இமைகள் அமைந்திருக்கும் இடத்தில் வரலாம்.

இலேசான வீக்கம் என்பது கண் இமைகளுக்குள் மட்டுமே இருக்கும் போது உண்டாகும். இது சாதாரணமாக இருக்கும்.

மிதமான வீக்கம் கண்கள் வீங்கியதை விட சற்று அதிகமாக இருக்கும். இந்த நிலையிலும் கண்களை திறக்கமுடியும்.

Infertility : குழந்தையின்மை பிரச்சனைக்கு மருத்துவ காரணங்கள், தீர்வுகள்! தம்பதியர் அறிவது அவசியம்!

கடுமையான வீக்கம் கண் இமைகளின் வீக்கம் கண்களை மூடிக்கொள்ளும் நிலையில் அல்லது மூடியபடி இருக்கும். கண் பார்வை திசுக்களில் கன்ஜுக்டிவா மற்றும் ஸ்க்லெரா போன்ற வீக்கங்களும் இருக்கலாம்.

​கண்களில் வீக்கத்துக்கு காரணம்

samayam tamil Tamil News Spot

குழந்தையின் கண்களில் ஒன்று அல்லது இரண்டு கண்களுமா என்பதை பொறுத்து காரணங்கள் உள்ளன.

ஒரு கண்ணில் வீக்கத்துக்கு காரணங்கள்

குழந்தை அழுக்கு கண்களால் கண்களை தொடுவது, கைகளால் தேய்ப்பது, தூசி, எரிச்சல், உணவு துகள் அறியாமல் படுவது போன்றவை கண்களை எரிச்சலுக்கு ஆளாக்கலாம். இது தற்காலிக வீக்கத்தை உண்டாக்கும்.

பூச்சி கடித்தல் குழந்தையின் கண்களை சுற்றியுள்ள பகுதியில் கண் இமைகளில் பூச்சி கடிப்பதால் குழந்தையின் கண்கள் வீக்கத்துக்கு உள்ளாகும். கொசு மற்றும் எறும்பு போன்ற சிறு பூச்சிகள் கடித்தாலும் வீக்கம் ஏற்படலாம்.

ஒவ்வாமை அல்லது தோல் தொடர்புடைய நிலைமைகளால் பாதிக்கப்படக்கூடிய குழந்தைகள் வீங்கிய கண்களை பெறலாம். தாவரங்கள்,பூச்சிகள், மகரந்தம், தூசி மற்றும் செல்லப்பிராணி போன்றவையும் காரணமாகலாம்.

கண் இமைகளின் எண்ணெய் சுரப்பி குழாய்களின் தொற்று அல்லது அடைப்பு கண் இமைகளின் நுண்ணறைகள் காரணமாக குழந்தைகளுக்கு உண்டாகலாம்.இது எண்ணெய் சுரப்பி குழாய்களை மட்டுமே பாதிக்கும்.

டாக்ரியோசிஸ்டிடிஸ் என்று சொல்லகூடிய இது லாக்ரிமல் சாக் அல்லது கண்ணீர் சாக்கின் தொற்று ஆகும் இது கண்ணின் உள் மூலையில் மூக்கை நோக்கி இருக்கும். இந்த நோய்த்தொற்று பொதுவான காரணம்.

கண்ணீர் குழாய்கள் அல்லது நாசோலாக்ரிமல் குழாய் கண்களில் இருந்து கண்ணீரை நாசி குமிழுக்கு வெளியேற்றுகிறது. குழந்தைகளில் தடுக்கப்பட்ட கண்ணீர் குழாய் கண்கள் வீங்குவதற்கு வழிவகுக்கும். இதற்கு பின் பல காரணங்கள் உண்டு.

சைனஸ் நோய்த்தொற்றுகள் நாசி குமிழுக்கும் கண்களுக்கும் இடையில் சைனஸ் உள்ளது. சைனஸில் உள்ள தொற்று கண்களை சுற்றி வீக்கத்தை உண்டாக்கலாம்.

பெரியோபிட்டல் செல்லுலிடிஸ் இது திசுக்களின் தொற்று ஆகும். கண் சாக்கெட்டை சுற்றியுள்ள பகுதியில் உண்டாகும். பாக்டீரியாக்கள் தொற்றை உண்டாக்கும். இவையெல்லாம் ஒரு கண்ணில் வீக்கம் உண்டாவதற்கான பொதுவான காரணங்கள்.

​குழந்தைக்கு இரண்டு கண்களிலும் வீக்கம்

samayam tamil Tamil News Spot

கன்ஜங்டிவிடிஸ் இது கண் இமைகள், கண்ணின் வெள்ளை பகுதிகள் (ஸ்க்ளீரா) போன்றவற்றை உள்ளடக்கிய மெல்லிய சவ்வு ஆகும். இது இளஞ்சிவப்பு கண் நோய் என்று அழைக்கப்படுகிறது. பாக்டீரியா அல்லது வைரஸ் தொற்று காரணமாக அல்லது ஒவ்வாம்மையின் காரணமாக உண்டாகலாம்.

கண்களை சுற்றியுள்ள எடிமா

உடல் திசுக்களுக்குள் திரவத்தை தக்க வைத்து கொள்வது எடிமா. இது உள்ளுக்குள் வீக்கத்தை உண்டாக்குகிறது. கண்களை சுற்றியுள்ள திரவக் குவிப்பு காரணமாக பெரியோபிட்டல் எடிமா உண்டாகலாம்.

சிறுநீரகம் அல்லது இதய பிரச்சனைகள் போன்ற தீவிரமான அடிப்படை சிக்கல்களின் விளைவாக இருக்கலாம். நெஃப்ரோடிக் நோய்க்குறி சிறுநீரகங்களுக்குள் புரதம் அதிகம் ஏற்படுவதால் உண்டாகும். இது குழந்தையின் கண்களை சுற்றிலும் வீக்கம் உண்டாக்குகிறது. தூக்கத்திலிருந்து எழும் போது இருக்கலாம்.

அனாபிலாக்ஸிஸ் : இது உயிருக்கு ஆபத்தான ஒவ்வாமை ஆகும். இதனால் கண்கள், கண் இமைகள் உள்ளிட்ட இடங்களில் திசுக்கள் வீங்க கூடும். இது பெரும்பாலும் சுவாசம் அல்லது விழுங்குவதில் சிரமம் சரும படை நோய் போன்றவற்றுடன் இருக்கும்.

சில உணவு பொருள்கள், மருந்துகள் போன்றவையும் தூண்டுதலாக இருக்கும். இவைதவிர கண்களில் காயம், குழந்தைகளில் கண்கள் வீங்குவதற்கும் வழிவகுக்கும். காயத்துக்கு பிறகு கண்களில் வீக்கம் இருந்தால் மருத்துவரை அணுகுவது நல்லது.

​வீங்கிய கண்களுக்கு சிகிச்சை முறை

samayam tamil Tamil News Spot

கண்களின் வீக்கம் அதன் தீவிரத்தை பொறுத்தது. இலேசான மற்றும் மிதமான வீக்கத்துக்கு எந்த சிகிச்சையும் தேவையில்லை. கடுமையான வீக்கம் மற்றும் தொடர்ந்து வீங்கிய நிலையில் இருந்தால் மருத்துவர் சில சிகிச்சை முறைகளை பரிந்துரை செய்வார்.

பாக்டீரியா வெண்படல அழற்சி இருந்தால் பாக்டீரியா எதிர்ப்பு சொட்டு மருந்துகள் அறிவுறுத்தப்படலாம். ஒவ்வாமை தொடர்பான வீக்கத்துக்கு கண்களில் ஏற்படும் வெண்படலத்துக்கு ஆண்டிபயாடிக் சொட்டுகள் மற்றும் வாய்வழி மருந்துகள் கொடுக்கப்படலாம்.

கண் இமை வீக்கத்துக்கு மேற்பூச்சு நுண்ணுயிர் எதிர்ப்புகள், கண்ணீர் குழாய் அடைப்பு போன்ற முரண்பாடுகளின் அறுவை சிகிச்சை திருத்தம் தேவைப்படலாம். வீக்கத்துக்கான காரணத்தை பொறுத்து சிகிச்சை அளிக்கப்படும்.

​வீட்டு வைத்தியம் உண்டா

samayam tamil Tamil News Spot

குழந்தைகளில் இலேசான கண் வீக்கம் பூச்சி கடித்ததால் உண்டானால் அது இயல்பாகவே சரியாக கூடும். இது பொதுவாக பாதிப்பில்லாதது கூட. குழந்தைக்கு அசெளகரியம் போக்க ஐஸ்கட்டியை மெல்லிய துணியில் சுற்றி குழந்தையின் கண்களில் ஒத்தடம் கொடுக்கலாம். 20 நிமிடங்கள் இடைவெளியில் ஐந்து நிமிடங்கள் வரை வைத்து எடுக்கலாம்.

மூன்று முறை வெதுவெதுப்பான நீரில் நனைத்த துணியை கொண்டு ஒத்தடம் கொடுக்கலாம். குழந்தைக்கு தோல் அழற்சி காரணமாக இருந்தால் அந்த பொருளை தவிர்ப்பதன் மூலம் வீக்கத்திலிருந்து விடுபடலாம்.இதன் மூலம் கண் வீக்கம் மீண்டும் வருவதை தடுக்கலாம்.

கர்ப்பிணிக்கு ஒன்பது மாதம்: இந்த அறிகுறிகள் இருந்தால் பிரசவம் நெருங்குவதாக அர்த்தமாம்! உஷாரா இருங்க!

எச்சரிக்கை

கண் இமைகளின் வீக்கம் குறையாமல் இருந்தாலோ தீவிரமாக இருந்தாலோ மருத்துவரை அணுகுங்கள். கடுமையான வீக்கம், காய்ச்சலுடன் சேர்ந்து இருப்பது, கண் வீக்கத்துடன் சிவப்பு போன்றவை குழந்தையின் உடல் நலக்குறைவு அறிகுறிகள், தீவிர நிலையும் கூட. வீக்கம் மூன்று நாட்களை கடந்தும் இருந்தால் மருத்துவரை அணுகுவது நல்லது.

Thanks for the Source

Share on Social Media

Leave a Reply

Your email address will not be published. Required fields are marked *