Share on Social Media


ஹைலைட்ஸ்:

  • கொரோனா தடுப்பூசி போட்டுக் கொண்ட 364 பேருக்கு பக்கவிளைவுகள்
  • கொரோனா தடுப்பூசி போட்டுக் கொண்ட சுமார் 16 பேர் அடுத்தடுத்து உயிரிழந்துள்ளனர்
  • அமெரிக்காவின் ஃபைசர் மற்றும் மாடர்னா அங்கு பொதுமக்களுக்கு போடப்பட்டு வருகிறது

கொரோனாவுக்கு தடுப்பு மருந்து மட்டுமே தீர்வு என்ற நிலையில், உலகம் முழுக்க பல்வேறு நாடுகளில் பொதுமக்களுக்கு கொரோனா தடுப்பூசி போடும் பணிகள் தொடங்கிவிட்டன. ஆனால், பல்வேறு பகுதிகளில் கொரோனா தடுப்பூசி போட்டுக் கொண்ட பலருக்கும் ஒவ்வாமை உள்ளிட்ட பல்வேறு பக்கவிளைவுகள் ஏற்பட்டதாகவும், அவர்கள் தொடர் கண்காணிப்பிற்கு உட்படுத்தப்பட்டுள்ளதாகவும் தகவல்கள் வெளியாகி வருகின்றன.

இந்த நிலையில், கொரோனா தடுப்பூசி போட்டுக் கொண்ட சுமார் 16 பேர் அடுத்தடுத்து சுவிட்சர்லாந்து நாட்டில் உயிரிழந்துள்ளனர் என்று ‘சுவிஸ்மெடிக்’ என்று அழைக்கப்படும் அந்நாட்டின் மருத்துவ கண்காணிப்பு குழு தெரிவித்துள்ளது. இவர்களின் சராசரி வயது 86 என்றும் அதில் பெரும்பாலானோர் ஏற்கனவே இதர நோய்களால் அவதிப்பட்டு வந்தவர்கள் என்றும் தெரிவிக்கப்பட்டுள்ளது.

மேலும் கொரோனா தடுப்பூசி போட்டுக் கொண்ட 364 பேருக்கு பக்கவிளைவுகள் ஏற்பட்டுள்ளன. அதில், 199 பேர் ஃபைசர்-பயோன்டெக் தடுப்பூசி போட்டுக் கொண்டவர்கள், 154 பேர் மாடர்னா தடுப்பூசி போட்டுக் கொண்டவர்கள்.

கொரோனாவை பெருந்தொற்றாக கடந்த மார்ச் மாதத்தில் உலக சுகாதார நிறுவனம் அறிவித்ததில் இருந்து இதுவரை 113 மில்லியனுக்கு மேற்பட்டவர்கள் கொரோனாவால் பாதிக்கப்பட்டுள்ளனர். 2.51 மில்லியன் பேர் கொரோனாவால் பாதிக்கப்பட்டு உயிரிழந்துள்ளனர்.

ஒரு முறை மட்டும் செலுத்தினால் போதும்: புதிய கொரோனா தடுப்பூசிக்கு அனுமதி!

அந்த வகையில், ஐரோப்பிய நாடுகளில் ஒன்றான சுவிட்சர்லாந்து கொரோனா வைரசால் மோசமான பாதிப்பை எதிர்கொண்டு வருகிறது. அந்நாட்டில் மட்டும் 555,000 பேர் கொரோனாவால் பாதிக்கப்பட்டுள்ளனர். 10,000 பேர் உயிரிழந்துள்ளனர். கொரோனா தொற்று பரவும் அதே வேகத்தில் சுவிட்சர்லாந்தில் கொரோனா தடுப்பூசி செலுத்தும் பணிகளும் முழுவீச்சில் நடந்து வருகிறது. அமெரிக்காவின் ஃபைசர் மற்றும் மாடர்னா அங்கு பொதுமக்களுக்கு போடப்பட்டு வருகிறது.



Source link

Share on Social Media

Leave a Reply

Your email address will not be published. Required fields are marked *