1602783442 pic Tamil News Spot
Share on Social Media

பிரபல பாலிவுட் நடிகர் சுஷாந்த் சிங் ராஜ்புட் கடந்த ஜூன் மாதம் 14ம் தேதி மும்பை பந்த்ரா பகுதியில் இருக்கும் தன் வீட்டில் தூக்கு போட்டு தற்கொலை செய்து கொண்டார். சுஷாந்தின் மரணம் தற்கொலை அல்ல கொலை என்று அவரின் குடும்பத்தாரும், ரசிகர்களும், நடிகை கங்கனா ரனாவத், நடிகர் சேகர் சுமன் உள்ளிட்டோரும் தெரிவித்தார்கள்.

சுஷாந்தின் காதலியான ரியா சக்ரபர்த்தி மீது பாட்னா காவல் நிலையத்தில் புகார் அளிக்கப்பட்டது. சுஷாந்தின் தந்தை தான் ரியா மீது புகார் அளித்தார். ரியா தன் மகன் சம்பாதித்த பணத்தை எடுத்துக் கொண்டதாக அவர் கூறினார்.

சுஷாந்தின் மரணம் குறித்து மும்பை போலீசார் விசாரணை நடத்தி வந்தார்கள். இந்நிலையில் மும்பை போலீசார் ரியா சக்ரபர்த்தியை காப்பாற்றும் வகையில் செயல்படுவதாக குற்றச்சாட்டு எழுந்தது. சுஷாந்த் வழக்கை சிபிஐக்கு மாற்ற வேண்டும் என்று அவரின் குடும்பத்தாரும், ரசிகர்களும், திரையுலகை சேர்ந்த சிலரும் கோரிக்கை விடுத்து வந்தார்கள்.

இதையடுத்து சுஷாந்தின் மரண வழக்கு சிபிஐக்கு மாற்றப்பட்டது. சிபிஐ அதிகாரிகள் ரியா, சுஷாந்தின் குடும்பத்தார், நண்பர்கள், திரையுலகை சேர்ந்த சிலரிடம் விசாரணை நடத்தினார்கள். இந்நிலையில் சுஷாந்தின் வழக்கு விசாரணை முடிவுக்கு வந்துள்ளது.

விசாரணையில் சுஷாந்தின் மரணத்தில் எந்தவித சதி நடந்ததற்கான ஆதாரங்கள் இல்லை என்று தெரிய வந்துள்ளது. விரைவில் இறுதி அறிக்கயை சிபிஐ அதிகாரிகள் சமர்பிக்கவிருக்கிறார்கள் என்று செய்தி வெளிாயனது. இது குறித்து அறிந்த சுஷாந்த் சிங் ராஜ்புட்டின் ரசிகர்களோ, நீதி வேண்டும் என்று கூறி மீண்டும் ட்விட்டரில் ஹேஷ்டேகை டிரெண்ட் செய்யவிட்டுள்ளனர்.

இந்நிலையில் சிபிஐ தன் விசாரணையை முடித்துக் கொள்ளவிலை என்று அதன் செய்தித் தொடர்பாளர் ஆர்.கே. கவுர் தெரிவித்துள்ளார்.

முன்னதாக சுஷாந்துக்கு தெரியமாலேயே ரியா அவருக்கு போதைப் பொருள் கொடுத்து வந்ததாக குற்றம் சாட்டப்பட்டது. இதையடுத்து போதைப் பொருள் வாங்கிய விவகாரம் தொடர்பாக ரியா சக்ரபர்த்தியை தேசிய போதைப் பொருள் தடுப்புப் பிரிவு அதிகாரிகள் கைது செய்து சிறையில் அடைத்தனர்.

28 நாட்கள் சிறையில் இருந்த ரியா ஜாமீனில் வெளியே வந்தார். இதற்கிடையே சுஷாந்தின் பணத்தை ரியா அபகரித்ததற்கான எந்த ஆதாரமும் இல்லை என்பது விசாரணையில் தெரிய வந்துள்ளது.

கொரோனாவுக்கு பலே அர்த்தம் சொன்ன ஐஸ்வர்யா ராய் மகள்

Thanks for the Source

Share on Social Media

Leave a Reply

Your email address will not be published. Required fields are marked *