Share on Social Media


சூர்யா தற்போது பாண்டியராஜ் இயக்கத்தில் தனது 40 வது திரைப்படத்தில் நடித்து வருகிறார். இந்தப்படத்தின் இறுதிக்கட்ட படப்பிடிப்பு தற்போது நடைபெற்று வருகிறது. இந்தப்படத்தை முடித்த கையோடு வெற்றிமாறன் இயக்கத்தில் ‘வாடிவாசல்’ திரைப்படத்தில் நடிக்க உள்ளார் சூர்யா. இந்நிலையில் வாடிவாசல் திரைப்படத்தின் டைட்டில் லுக் நாளை வெளியாக உள்ளதாக படக்குழு அறிவித்துள்ளது.

‘சூரரைப் போற்று’ திரைப்படத்தின் வெற்றிக்கு பிறகு தற்போது டைரக்டர் பாண்டிராஜ் இயக்கும் தனது 40 வது படத்தில் நடித்து வருகிறார் சூர்யா. பாண்டியராஜ் அவரின் பாணியில் குடும்ப பொழுதுபோக்கு கதை அம்சம் கொண்ட திரைப்படமாக இந்த திரைப்படத்தை இயக்குகிறார்.இந்த திரைப்படத்தில் சூர்யாவுக்கு ஜோடியாக பிரியங்கா அருள் மோகன் நடிக்கிறார்.கிராமத்து பின்னணியில் உருவாகும்இந்த திரைப்படத்தை சன்பிக்சர்ஸ் நிறுவனம் தயாரிக்கிறது.

இந்த படத்தை முடித்த கையோடு வெற்றிமாறன் இயக்கத்தில் நடிக்க தயாராகி வருகிறார் சூர்யா.’அசுரன்’ திரைப்படத்தின் வெற்றிக்கு பிறகு தற்போது சூரியை வைத்து பெயரிப்படாத திரைப்படம் ஒன்றை இயக்கி வருகிறார் வெற்றிமாறன்.இந்த திரைப்படத்தில் நடிகர் விஜய்சேதுபதி முக்கியமான கதாபாத்திரம் ஒன்றில் நடித்து வருகிறார்.இந்த படத்தை முடித்ததும் சூர்யாவின் ‘வாடிவாசல்’ திரைப்படத்திற்கான பணிகளை துவங்க இருக்கிறார் வெற்றிமாறன்.கிராமத்து பின்னணியில் ஜல்லிக்கட்டை மையப்படுத்தி இந்த படம் உருவாவதாக தகவல் உலா வருகின்றன.

இருட்டு அறையில் முரட்டு குத்து இயக்குனரின் படத்தில் பிரபு தேவா: இன்று முதல் படப்பிடிப்பு!
இந்நிலையில் இப்படத்திற்கான டெஸ்ட் ஷூட்டுக்காக முதற்கட்ட போட்டோ ஷூட்டை அண்மையில் நிறைவு செய்தார் சூர்யா.பாண்டியராஜ் இயக்கத்தில் அவர் நடிக்கும் திரைப்படத்தின் படப்பிடிப்பு விரைவில் முடிவடைய உள்ளது.வெற்றிமாறனும் தன்னுடைய திரைப்படத்தை முடிக்க உள்ளாராம். இதனால் ‘வாடிவாசல்’ திரைப்படத்திற்கான படப்பிடிப்பு தேதி விரைவில் வெளியாகும் என எதிர்பார்க்கப்படுகிறது.

இந்நிலையில், நாளை மாலை 5.30 மணிக்கு வாடிவாசல் திரைப்படத்தின் டைட்டில் லுக்கை வெளியிடப் போவதாக படக்குழு அதிகாரப்பூர்வமாக அறிவித்துள்ளது. முன்னணி நடிகர்களின் படம் குறித்த அப்டேட்கள் தொடர்ச்சியாக வெளியாவதால் ரசிகர்கள் மகிழ்ச்சியில் உள்ளனர். வெற்றிமாறனின் ‘அசுரன்’ திரைப்படத்தை தயாரித்த கலைப்புலி தாணுவே ‘வாடிவாசல்’ திரைப்படத்தையும் தயாரிக்கவுள்ளார் என்பது குறிப்பிடத்தக்கது.



Source link

Share on Social Media

Leave a Reply

Your email address will not be published. Required fields are marked *