Share on Social Media


அமேசான் ப்ரைம் தளத்தில் வெளியான ‘ஜெய் பீம்‘ அனைத்து தரப்பினர் மத்தியிலும் பாராட்டுக்களை பெற்றுள்ளது. தா.செ.ஞானவேல் என்பவர் இயக்கியுள்ள இந்தப்படத்தை சூர்யாவின் 2டி என்டர்டெய்ன்மென்ட் நிறுவனம் தயாரித்துள்ளது. இந்நிலையில் பிரம்மாண்ட இயக்குனர் ஷங்கர் தனது ட்விட்டர் பக்கத்தில் ‘ஜெய் பீம்’ படம் குறித்து பதிவு ஒன்றை பகிர்ந்துள்ளார்.

‘ஜெய் பீம்’ படத்தில் சூர்யா, மணிகண்டன், லிஜோமோல் ஜோஸ், ரஜிஷா விஜயன் உள்ளிட்டோர் நடித்துள்ளார். பிரகாஷ் ராஜ் முக்கியமான கதாபாத்திரத்தில் நடித்துள்ள இந்தப்படத்திற்கு ஷான் ரோல்டன் இசையமைத்துள்ளார். தா.செ.ஞானவேல் இயக்கியுள்ள இந்தப்படத்தை சூர்யாவின் 2டி என்டர்டெயின்மென்ட் நிறுவனம் தயாரித்துள்ளது.

உண்மை சம்பவத்தை அடிப்படையாக கொண்டு உருவாகியுள்ள இந்தப்படத்தில் இருளர், பழங்குடியினருக்காக போராடும் வழக்கறிஞர் வேடத்தில் சூர்யா நடித்துள்ளார். இந்தப்படத்தை பார்த்துவிட்டு முதலமைச்சர் மு.க. ஸ்டாலின், கமல்ஹாசன் உள்ளிட்ட பல்வேறு தரப்பினரும் படக்குழுவினரை வெகுவாக பாராட்டியுனர்.

புதிய அவதாரம்: அழகு சாதன துறையில் நுழையும் நயன்தாரா!
‘ஜெய் பீம்’ படம் வரவேற்பை பெற்ற அதே வேளையில் பலவித சர்ச்சைகளையும் கிளப்பியது. படத்திற்கு எதிர்ப்பு தெரிவித்து வன்னியர் சங்கங்கள் போராட்டங்கள் நடத்தினர். மேலும் படத்திற்கு விருதுகள் எதுவும் வழங்கக்கூடாது என்று ஒன்றிய, மாநில அரசுக்கு வழக்கறிஞர் பாலு கடிதம் எழுதினர். இந்த எதிர்ப்புகளை எல்லாம் மீறி ‘ஜெய் பீம்’ படம் அனைத்து தரப்பினரிடமும் பாராட்டுக்களை பெற்றது.

இந்நிலையில் ‘ஜெய் பீம்’ படம் குறித்து பிரம்மாண்ட இயக்குனர் ஷங்கர் தனது ட்விட்டர் பக்கத்தில், ‘ஜெய் பீம்’ குரலற்றவர்களுக்கான குரல். இயக்குனரின் எதார்த்தமான அணுகுமுறை பாராட்டுக்குரியது. நடிப்பை தாண்டி சமூகத்தின் மீது சூர்யா காட்டும் கருணை பாராட்டத்தக்கது. சக்தி வாய்ந்த படங்கள் மிகப்பெரிய மாற்றத்தை கொண்டு வரும் என்பது மீண்டும் நிரூபணமாகி இருக்கிறது என பாராட்டியுள்ளார்.

அடேங்கப்பா அண்ணாத்தே வசூல் இவ்வளவா?



Source link

Share on Social Media

Leave a Reply

Your email address will not be published. Required fields are marked *