Share on Social Media


கடந்த 2009ஆம் ஆண்டு கேவி ஆனந்த் இயக்கத்தில் சூர்யா, தமன்னா நடிப்பில் வெளியான படம் அயன். ஹாரிஸ் ஜெயராஜ் இசையமைத்திருந்த இந்தப்படத்தில் இடம்பெற்ற பாடல்கள் அனைத்தும் ரசிகர்களிடம் வரவேற்பை பெற்றன. இந்நிலையில் இந்தப்படத்தில் உள்ள பாடல் காட்சிகளை போல அப்படியே ரீமேக் செய்திருக்கும் திருவனந்தபுரத்தை சேர்ந்த இளைஞர்களுக்கு நடிகர் சூர்யா பாராட்டு தெரிவித்துள்ளார்.

அயன் படத்தில் இடம்பெற்ற பளபளக்குற பகலா நீ பாடலை இன்றுவரை ரசிகர்கள் முனுமுனுத்து வருகின்றன. அந்தளவிற்கு ரசிகர்கள் மத்தியில் இந்தப்படம் பிரபலம். இந்நிலையில் இந்த பாடலை இளைஞர்கள் சிலர் ரீமேக் செய்துள்ளனர். அந்த பாடலில் சூர்யா அணிந்திருக்கும் டிரெஸ்களை போன்று அணிந்து அவரை போலவே நடனமாடி அசத்தியுள்ளனர். இந்த வீடியோ இணையத்தில் பெரும் வைரலானது. இந்நிலையில் இந்த வீடியோவை பார்த்து ஆச்சரியமடைந்த நடிகர் சூர்யா, பாடலை உருவாக்கிய குழுவினருக்கு ஆடியோ மூலம் நன்றி தெரிவித்துள்ளார்.

அதில், “திருவனந்தபுரம் ராஜாஜி நகரில் இருக்கும் அனைத்து இளைய சகோதரர்களுக்கும் இந்த செய்தி. வணக்கம் நான் சூர்யா பேசுகிறேன். என்ன ஒரு அற்புதமான பணியை நீங்கள் அனைவரும் செய்திருக்கிறீர்கள். முழுவதும் ரசித்தேன். ‘அயன்’ படம் வெளியாகி 10 வருடங்களுக்கு மேல் ஆகிவிட்டது. அதை இவ்வளவு உயிர்ப்புடன் மீண்டும் உருவாக்கியதற்கு முதலில் பெரிய நன்றி. ‘அயன்’ குழுவிலிருந்து அனைவருமே இதைப் பார்த்து ரசித்திருப்பார்கள் என்று நான் நம்புகிறேன்.

நடிகர் விஜய்க்கு விதிக்கபட்ட அபாரதத் தொகைக்கு தடை: உயர்நீதிமன்றம் அதிரடி உத்தரவு!
இந்தக் காணொலியைக் கண்டிருந்தால் கே.வி.ஆனந்த் அவர்களும் அதிகம் சந்தோஷப்பட்டிருப்பார். எந்தவிதமான தொழில்நுட்பக் கருவிகள் இல்லாமல் இதை நீங்கள் செய்திருக்கிறீர்கள் என்று சொன்னார்கள். உங்களின் பேரார்வம் இருந்தால், பேரன்பு இருந்தால் வாழ்க்கையில் எதையுமே சாதிக்க முடியும், எதுவும் நம்மைத் தடுக்காது என்கிற செய்தியை நீங்கள் பலருக்குக் கொண்டு சேர்த்திருக்கிறீர்கள். உங்கள் தலைமுறையைச் சேர்ந்த இளைஞர்கள் பலருக்கும் முன்னுதாரணமாக இருக்கிறீர்கள்.

உங்கள் வாழ்க்கையில் எதாவது செய்ய வேண்டும், சாதிக்க வேண்டும் என்று நினைத்தால் அதற்கு எந்த சாக்கும் சொல்ல வேண்டாம் என்கிற கருத்தையும் நீங்கள் சொல்வதைப் பார்க்க முடிகிறது. முழு காணொலியில் உங்கள் உற்சாகத்தைப் பார்த்து ரசித்தேன். மீண்டும் பழைய நினைவுகளை அசைபோடுவது நன்றாக இருந்தது.

உங்கள் ஒவ்வொருவருக்கும் என் நல்வாழ்த்துக்கள். இதன் பின்னால் இருக்கும் நண்பர்கள் அனைவருக்கும் என் அன்பு. உங்கள் குடும்பம், நண்பர்கள், அக்கம் பக்கத்தினர் என ஆதரவளித்த அனைவருக்கும் என் நன்றியைத் தெரிவியுங்கள். நீங்கள் என்ன சாதிக்க வேண்டும் என்று நினைக்கிறீர்களோ அதில் கண்டிப்பாகச் சிறந்து விளங்குவீர்கள். கடவுள் உங்களை ஆசிர்வதிக்கட்டும். அனைவரும் பாதுகாப்பாக இருங்கள்” என அந்த ஆடியோவில் தெரிவித்துள்ளார் நடிகர் சூர்யா.



Source link

Share on Social Media

Leave a Reply

Your email address will not be published. Required fields are marked *