Share on Social Media

சூரிய ஒளிக்கதிர்கள் தாக்கத்தில் இருந்து நம் சருமத்தை பாதுகாப்பதில் சன்ஸ்க்ரீன் மிகப்பெரிய பங்காற்றுகிறது. நாம் வெளியே செல்ல நேரிட்டாலே நம் தோலை பராமரிக்க சன்ஸ்க்ரீனை அப்ளே செய்வதுண்டு. இது சூரிய ஒளியால் சருமத்தில் ஏற்படும் நிற மாற்றத்தை தடுக்க உதவுகிறது. தற்போது இதன் பயன்பாடு அதிகரித்து வருகிறது என்றே கூறலாம். அதே நேரத்தில் இந்த சன்ஸ்க்ரீன் பயன்பாடு குறித்து மக்களிடையே நிறைய கட்டுக்கதைகளும் நிலவி வருகிறது. இதனால் நிறைய மக்களுக்கு உண்மைகள் என்ன என்பது தெரிவதில்லை. இந்த சன்ஸ்க்ரீன் உங்க சருமத்திற்கு எந்த நேரத்திலும் சூரிய ஒளியில் இருந்து பாதுகாப்பு அளிக்குமா? இந்த பாதுகாப்பு எவ்வளவு நேரம் நீடிக்கும் இது போன்ற கேள்விகளுக்கும் உங்க கட்டுக்கதைகளுக்கும் முற்றுப்புள்ளி வைக்கிறது இந்த கட்டுரை. சரி வாங்க சன்ஸ்க்ரீன் பற்றி கூறப்படும் கட்டுக்கதைகளை பற்றி நாம் அறிந்து கொள்வோம்.

​பேஸ் டேன் மட்டுமே உங்களுக்கு பாதுகாப்பு கொடுக்குமா

நீங்கள் உங்க நண்பர்களுடன் வெளியே செல்லும் போது உங்க சருமத்திற்கு வெறும் பேஸ் டேன் சன்ஸ்க்ரீனை மட்டும் பயன்படுத்தி இருக்கலாம். மக்கள் வெளியே சூரிய ஒளியில் இருந்து சருமத்தை காக்க இந்த பேஸ் டேனே போதும் என நினைக்கின்றனர். ஆனால் இந்த பேஸ் டேன் மட்டுமே சூரிய பாதுகாப்புக்கு போதுமானது கிடையாது. நீங்கள் அதிக சூரிய ஒளி தாக்கத்தை அடையும் போது உங்க சருமம் சேதமடைய வாய்ப்பு உள்ளது. இது உங்க சருமத்தில் தோல் புற்றுநோய் அபாயத்தை அதிகரிக்க வாய்ப்பு உள்ளது.

​சன் ஸ்க்ரீனில் உள்ள இராசயனங்கள் ஆபத்தானவை கிடையாது

samayam tamil Tamil News Spot

சிலர் சன்ஸ்க்ரீனை அப்ளே செய்வதை தவிர்க்கிறார்கள். காரணம் அதிலுள்ள கெமிக்கல்கள் ஆபத்தானவை என்று அவர்கள் நினைக்கிறார்கள். இது முற்றிலும் தவறானது. சன்ஸ்க்ரீன் புற்றுநோயை உண்டாக்குகிறது என்று பொய் வதந்திகள் வந்தாலும் அதற்கு எந்த அறிவியல் சான்றும் இல்லை என்பதை மக்கள் புரிந்து கொள்ள வேண்டும். பல சன்ஸ்கிரீன்களில் பயன்படுத்தப்படும் ஆக்ஸிபென்சோன் உயிரணுக்களை சேதப்படுத்தும் ஃப்ரீ ரேடிக்கல்களை உருவாக்க முடியும் என்று எலிகள் பற்றிய ஒரு ஆய்வு பரிந்துரைத்தது, ஆனால் தோல் புற்றுநோயுடன் அதை இணைக்கும் ஆராய்ச்சி எதுவும் இல்லை என்றும் அது கூறுகிறது. சன்ஸ்க்ரீன் மனிதர்களில் பாதிப்பை ஏற்படுத்துகிறது என்பதற்கு எந்த ஆய்வும் இல்லை.

​தோல் புற்றுநோயை சரி செய்ய இயலாது

samayam tamil Tamil News Spot

சன்ஸ்க்ரீனை பயன்படுத்தாமல் இருப்பது தான் நல்லது என்று நிறைய மக்கள் நினைக்கிறார்கள். தோல் புற்றுநோயைக் கூட சரி செய்து விடலாம் சன்ஸ்க்ரீன் பயன்பாடு தான் கேடு என்று நினைக்கின்றனர். ஆனால் உண்மையில் தோல் புற்றுநோயை சரி செய்ய நீங்கள் ஏகப்பட்ட சிகிச்சைகளை மேற்கொள்ள வேண்டியிருக்கும். அறுவை சிகிச்சை, கீமோதெரபி ஆகியவற்றை மேற்கொள்ள வேண்டும். மேலும் புற்றுநோய் செல்கள் உடலின் மற்ற பகுதிக்கு பரவ வாய்ப்பு உள்ளது. இது இன்னும் ஆபத்தானது. எனவே சில நிமிடங்கள் சன்ஸ்க்ரீன் எடுப்பது பாதுகாப்பானது.

​எந்த நேரத்திலும் சூரியஒளி சருமத்தை எரிக்கலாம்

samayam tamil Tamil News Spot

ரீடர்ஸ் டைஜஸ்ட் படி, சூரியனால் சருமத்தில் எரியும் மிகப்பெரிய ஆபத்து ஏற்பட காலை 10 மணி முதல் பிற்பகல் 2 மணி வரை நேர வாய்ப்பு உள்ளது. எனவே எல்லா நேரங்களிலும் சன்ஸ்க்ரீன் பாதுகாப்பானது என்று கூற இயலாது. ஏனெனில் சூரியனில் இருந்து வரும் புற ஊதாக் கதிர்கள் காலை 10 மணி முதல் 2 மணி வரை உச்சத்தில் இருக்கும். இந்த கதிர்களே பல சரும புற்றுநோய்க்கு காரணமாக அமைகிறது. எனவே இந்த நேரங்களில் வெளியே ரெம்ப நேரம் இருக்காமல் இருப்பது தான் நல்லது.

​SPF 15 க்கு மேலே உள்ள சன்ஸ்க்ரீன் பாதுகாப்பானது

spf-15-

ரீடர்ஸ் டைஜஸ்ட் கூற்றுப்படி தோல் மருத்துவர்கள் இந்த சன்ஸ்க்ரீன் அளவு குறித்து நிறைய கருத்துக்களை கூறுகின்றனர். SPF 15, 30 மற்றும் 50 க்கு இடையில் வேறுபாடுகள் இருப்பதை அவர்கள் ஒப்புக் கொள்கின்றனர். இதில் SPF 30 98% க்கு மேல் புறா ஊதாக் கதிர்களை தடுக்கிறது. எனவே சன்ஸ்க்ரீனை தேர்ந்தெடுக்கும் போது SPF 30 அல்லது அதற்கு மேல் தேர்ந்தெடுங்கள்.

​கருப்பாக உள்ளவர்களுக்கு சன்ஸ்க்ரீன் தேவையா

samayam tamil Tamil News Spot

இது உண்மையில் ஒரு கட்டுக்கதை என்றே கூற வேண்டும். இயற்கையாகவே கருமையான சருமம் உள்ளவர்களுக்கு தோல் புற்றுநோய்க்கான ஆபத்து குறைவாக இருக்கும்போது, அவர்களுக்கு சன்ஸ்க்ரீன் தேவை இல்லை என்று சில மக்கள் கூறுகின்றனர். ஆனால் உண்மையில் இது தவறு. தோல் புற்றுநோய் என்பது யாரை வேண்டுமானாலும் தாக்கலாம். நம்முடைய நோயெதிர்ப்பு அமைப்பு குறைவாக இருக்கும் போது எவரையும் தாக்க வாய்ப்பு உள்ளது. உதாரணமாக பாப் மார்லி என்ற சிங்கர் அவர்கள் ஒரு வகை தோல் புற்றுநோயால் இருந்தார். இந்த புற்றுநோய் அவரின் கால் விரலில் தொடங்கியது. கால்பந்து காயம் என்று தவறாக நினைத்துக் கொண்டு இருந்ததே அவர்க்கு பின்னாளில் உயிரை பறித்தி விட்டது. எனவே கருப்பான சருமம் உள்ளவர்களுக்கு சன்ஸ்க்ரீன் தேவையில்லை என்று நினைக்கக் கூடாது.

​வெப்பநிலையும் புற ஊதாக் கதிரும் ஒன்றல்ல

samayam tamil Tamil News Spot

எல்லாரும் வெயில் காலத்தில் ஏற்படும் வெப்பம் தான் சருமத்தை பாதிக்கும் என்று நினைக்கின்றனர். இதற்கு உடம்பை குளிர்ச்சியாக வைத்துக் கொண்டால் சரும புற்றுநோய்கள் வராது என்று நினைக்கின்றனர். ஆனால் சூரியனின் புற ஊதா கதிர் வீச்சு என்பது வேறுபட்டது. அது ஆண்டு முழுவதும் இருக்கக் கூடிய கதிர்வீச்சு. அதற்கு வெயில் காலம் என்றெல்லாம் கிடையாது. ஏன் குளிர்க்காலங்கள் கூட புற ஊதா கதிர்வீச்சை அதிகரிக்க வாய்ப்பு உள்ளது. இது உங்க சருமத்தில் சூரிய தீக்காயங்களுக்கு வழி வகுக்கும். எனவே எல்லா காலமும் சன்ஸ்க்ரீன் பயன்பாடு அவசியமானது.

​மேகமூட்டமான நாட்களில் கூட தோல் சேதமடையும்

samayam tamil Tamil News Spot

சூரியனிடம் இருந்து அதிக வெப்பம் வராமல் சூரியன் மேகமூட்டங்களுக்கு இடையே ஒளிந்திருக்கும் நாட்களில் கூட சில முன்னெச்சரிக்கை நடவடிக்கைகளை எடுக்க வேண்டும். என்று புற்றுநோய் கவுன்சில் கூறுகிறது. மேகமூட்டமான நாட்களில் குறைந்த UVB உள்ளது என்பது உண்மைதான், ஆனால் UVA (புற ஊதாக் கதிர்கள்) தினசரி மேகங்கள் மற்றும் ஜன்னல்கள் வழியாக நம் வருகிறது என்பதை மறவாதீர்கள். நீங்கள் சூரியனை பார்க்காததால் உங்க சருமத்திற்கு எந்த பாதிப்பும் ஏற்படாது என்று நினைக்காதீர்கள். புற ஊதா கதிர்கள் சில மேகங்களுக்குள் ஊடுருவக்கூடும். மேலும் மேகங்களால் பிரதிபலிக்கப்படுவதால் அதன் தாக்கம் அதிகமாக இருக்க வாய்ப்பு உண்டு.

​தினசரி மேக்கப் சூரிய ஒளி பாதுகாப்பு தருமா

samayam tamil Tamil News Spot

தினசரி மேக்கப் செய்பவர்கள் சன்ஸ்க்ரீனை தவிர்க்கின்றனர். ஆனால் உங்க மேக்கப் பொருட்கள் சூரிய ஒளியில் இருந்து பாதுகாப்பு அளிக்காது. SPF 30 அல்லது 30 க்கு மேல் இருக்கும் சன்ஸ்க்ரீன் மட்டுமே உங்களுக்கு பாதுகாப்பு அளிக்கும் என்று புற்றுநோய் கவுன்சில் கூறுகிறது. எனவே உங்க மேக்கப்புக்கு கீழ் எப்பொழுதும் சன்ஸ்க்ரீனை பயன்படுத்துங்கள். அதே மாதிரி ஒவ்வொரு இரண்டு மணி நேரத்திற்கும் சன்ஸ்க்ரீனை மறுபடியும் அப்ளே செய்ய பரிந்துரைக்கப்படுகிறது.

​விட்டமின் டி பெற அதிக சூரிய ஒளி தாக்கத்தில் இருக்க வேண்டுமா

samayam tamil Tamil News Spot

நிறைய மக்கள் விட்டமின் டி பெற சூரிய ஒளியில் குறைந்தது 20 நிமிடங்கள் அதற்கு மேல் செலவிட முயலுகிறார்கள். ஆனால் இந்த ஒட்டுமொத்த நேரம் உங்க தோல் புற்றுநோய் அபாயத்தை அதிகரிக்கிறது என்பது தெரியுமா. மேலும் காலையில் 10 மணிக்கு மேல் விட்டமின் டி பெற வேண்டும் என்று வெளியில் இருக்காதீர்கள். முடிந்த வரை அதிகாலையில் 10 மணிக்கு உள்ளாக அதே மாதிரி மாலையில் 5 க்கு சூரிய ஒளியில் இருந்து விட்டமின் டியை பெற முயற்சி செய்யலாம்.

​முகத்தை மறைப்பது பலன் தருமா

samayam tamil Tamil News Spot

பலர் சன்ஸ்க்ரீனை பயன்படுத்துவதற்கு பதிலாக வெளியே செல்லும் போது முகத்தை மறைக்க முயலுகிறார்கள். ஆனால் சூரிய ஒளியின் புறா ஊதாக் கதிர்கள் உங்க உடலின் எந்த பகுதியில் வேண்டுமானாலும் ஊடுருவலாம். இதனால் ஏற்படும் தோல் புற்றுநோய் ஆனது உச்சந்தலை , காதுகள், கழுத்து, மார்பு, முதுகு மற்றும் மேல் உச்சநிலை பகுதிகளில் ஏற்படுகிறது. நீங்கள் உங்க முகத்தை மறைத்துக் கொண்டு வெளியே சென்றால் கூட கைகள், கால்கள், மார்பு மற்றும் எல்லா இடங்களிலும் தோல் புற்றுநோய்க்கான ஆபத்து வர வாய்ப்பு உள்ளது.

​சன்ஸ்க்ரீனுக்கு காலாவதி தேதி இருக்கா

samayam tamil Tamil News Spot

மற்ற க்ரீம்களை போல சன்ஸ்க்ரீன் லோசனும் காலாவதியாகும். எனவே காலாவதி தேதி முடிந்து விட்டால் அதை பயன்படுத்த வேண்டாம். அதே மாதிரி சன்ஸ்க்ரீனை வாங்கும் போது அதன் காலாவதி தேதி பார்த்து வாங்குங்கள். சன்ஸ்க்ரீன்களும் காலாவதியாகின்றன ஏனெனில் அவற்றில் சேர்க்கப்பட்ட பொருட்கள் காலப்போக்கில் மோசமடைந்து, அவற்றின் சக்தியை இழக்கின்றன என்று நிபுணர்கள் கூறுகின்றனர்.

சன்ஸ்கீரின் ஒவ்வாமையை ஏற்படுத்தாது. உண்மையான சன்ஸ்கிரீனில் ஒவ்வாமை அரிதானது. பல கெமிக்கல்கள் கலக்கப்பட்ட சன்ஸ்கீரின் மட்டுமே ஒவ்வாமையை உண்டாக்க வாய்ப்பு உள்ளது.

Thanks for the Source

Share on Social Media

Leave a Reply

Your email address will not be published. Required fields are marked *