Share on Social Media


ஹைலைட்ஸ்:

  • வீட்டுக் காவலில் சூடான் பிரதமர்
  • ஆட்சியை கைப்பற்றிய ராணுவம்!

சூடான் நாட்டு பிரதமர் அப்தல்லா ஹம்டோக், ராணுவத்தினரால் வீட்டுக் காவலில் வைக்கப்பட்டு உள்ளதாகவும், ஆட்சியை ராணுவத்தினர் கைப்பற்றி உள்ளதாகவும் தகவல்கள் வெளியாகி உள்ளன.

வட ஆப்பிரிக்கா நாடான சூடானில், 30 ஆண்டுகள் அதிபராக இருந்த உமர் அல் பஷீர், கடந்த 2019 ஆம் ஆண்டு பொதுமக்களின் தொடர் போராட்டத்தினால் பதவி விலகினார். இதனையடுத்து பொது மக்கள் மற்றும் ராணுவம் இணைந்து கூட்டணி ஆட்சி அமைத்து, அப்தல்லா ஹம்டோக் பிரதமராக பதவியேற்றார். ராணுவமே ஆட்சியை முழுமையாக கைப்பற்ற வேண்டும் என ஆங்காங்கே போராட்டங்கள் நடைபெற்றது.

இதனால் நாடு மிகவும் ஆபத்தான மற்றும் மோசமான அரசியல் நெருக்கடியில் இருப்பதாக பிரதமர் அப்தல்லா ஹம்டோக் அண்மையில் கருத்து தெரிவித்தார். ராணுவத்தில் உள்ள முன்னாள் பிரதமர் அல் பஷீரின் விசுவாசிகள் ஆட்சிக் கவிழ்ப்பு முயற்சியில் ஈடுபட்டதாக கூறப்படுகிறது.
மாணவர்களுக்கு குட் நியூஸ்! – இனி வீட்டுப்பாடம் கிடையாது என அரசு அறிவிப்பு!
இந்நிலையில், அடையாளம் தெரியாத ராணுவத்தினரால், பிரதமர் அப்தல்லா ஹம்டோக், வீட்டுக் காவலில் வைக்கப்பட்டு உள்ளதாக அதிகாரபூர்வமற்ற செய்தி வெளியாகி உள்ளது. மேலும் 4 அமைச்சர்கள் மற்றும் பிரதமரின் ஊடக ஆலோசகர் ஆகியோர் கைது செய்யப்பட்டு உள்ளதாகவும் தகவல் வெளியாகி உள்ளது.

தீபாவளி பண்டிகையை சிறப்பாக கொண்டாட மலிவு விலை சிறப்பங்காடி!

இதை அறிந்த அந்நாட்டு பொது மக்கள் ஆங்காங்கே போராட்டங்களில் ஈடுபட்டு வருகின்றனர். தலைநகர் கார்டூம் நகரில் வீட்டுக் காவலில் வைக்கப்பட்டுள்ள அரசியல் கட்சித் தலைவர்களை விடுவிக்கக் கோரி பொது மக்கள் போராட்டம் நடத்தினர். இந்தப் போராட்டத்தில் வன்முறை வெடித்தது. பொது மக்களை நோக்கி ராணுவத்தினர் துப்பாக்கியால் சுட்டதாகக் கூறப்படுகிறது. இதனால், சூடான் நாட்டில் பதற்றம் நிலவி வருகிறது. சூடான் ஜனநாயக அரசை ராணுவம் கைப்பற்றியதற்கு ஐ.நா., சபை கவலை தெரிவித்துள்ளது.



Source link

Share on Social Media

Leave a Reply

Your email address will not be published. Required fields are marked *