Share on Social Media


ஹைலைட்ஸ்:

  • சிபிஐக்கு மாற்றப்பட்ட வழக்குகளைத் தவிர மற்ற 38 வழக்குகளை திரும்ப பெற்றிட உத்தரவு
  • ஸ்டெர்லைட் போராட்டத்தில் ஈடுபட்ட 13 அரசியல் கட்சித் தலைவர்கள் மீதான வழக்குகள் ரத்து

ஸ்டெர்லைட் ஆலைக்கு எதிராக தூத்துக்குடியில் கடந்த 2018ஆம் ஆண்டு மே 22ஆம் தேதி நடைபெற்ற போராட்டத்தின் போது போலீசார் நடத்திய துப்பாக்கிச் சூட்டில் 13 பேர் உயிரிழந்தனர். மேலும் பலர் காயமடைந்தனர். இச்சம்பவம் தொடர்பாக சிபிசிஐடி போலீசார் விசாரித்து வந்தனர். பின்னர் இந்த வழக்கை சிபிஐ விசாரணைக்கு மாற்றி உயர் நீதிமன்ற மதுரை கிளை உத்தரவிட்டது. இதையடுத்து, இந்த வழக்கை சிபிஐ அதிகாரிகள் விசாரித்து வருகின்றனர்.

அதேசமயம், தமிழக அரசு உத்தரவின் பேரில், இந்த வழக்கு தொடர்பாக ஓய்வு பெற்ற உயர் நீதிமன்ற நீதிபதி அருணா ஜெகதீசன் தலைமையிலான ஒரு நபர் விசாரணை ஆணையமும் விசாரித்து வருகிறது. இந்த ஆணையம் அளித்த இடைக்கால அறிக்கையில் அளிக்கப்பட்ட பரிந்துரையின் அடைப்படையில், பதிவு செய்யப்பட்டுள்ள மொத்த வழக்குகளில், மத்திய குற்ற புலனாய்வுத்துறை வசம் ஒப்படைக்கப்பட்டுள்ள வழக்குகள், பொது மற்றும் தனியார் சொத்துக்களுக்கு சேதம் ஏற்படுத்தப்பட்டுள்ளதாக பதியப்பட்டுள்ள வழக்குகள் தவிர, ஏனைய வழக்குகள் அனைத்தும் திரும்பப் பெறப்பட்டுள்ளது.

அதேசமயம், ஸ்டெர்லைட் ஆலைக்கு எதிராகவும், துப்பாக்கிச்சூடு சம்பவத்துக்கு எதிராகவும் போராடிய அரசியல் தலைவர்கள் சிலர் மீதும் வழக்குப்பதிவு செய்யப்பட்டது. இந்த நிலையில், தூத்துக்குடி ஸ்டெர்லைட் போராட்டத்தில் ஈடுபட்ட 13 அரசியல் கட்சித் தலைவர்கள் மீதான வழக்குகள் ரத்து செய்யப்படும் என்று முதல்வர் ஸ்டாலின் அறிவித்துள்ளார்.

பிஎஸ்பிபி பள்ளி: மனைவியின் வாயை பொத்திய கருணாநிதி: அது என்ன ‘சும்மா இரு’?
அதன்படி, இந்திய கம்யூ., மூத்த தலைவர் நல்லகண்ணு, மதிமுக பொதுச் செயலர் வைகோ , டிடிவி தினகரன், பிரேமலதா விஜயகாந்த் உள்ளிட்ட 13பேர் மீதான வழக்குகள் ரத்து செய்யப்படவுள்ளன. சிபிஐக்கு மாற்றப்பட்ட வழக்குகளைத் தவிர மற்ற 38 வழக்குகளை திரும்ப பெற்றிட முதலமைச்சர் ஸ்டாலின் உத்தரவிட்டுள்ளார்.



Thanks for the source

Share on Social Media

Leave a Reply

Your email address will not be published. Required fields are marked *