Share on Social Media


தூத்துக்குடி ஸ்டெர்லைட் ஆலையை ஆக்சிஜன் உற்பத்திக்காக மட்டும் திறக்க அனைத்துக் கட்சி கூட்டத்தில் நேற்று முடிவெடுக்கப்பட்டது.

இது தொடர்பாக தமிழக அரசு பிரமாணப்பத்திரம் தாக்கல் செய்துள்ளது. உச்ச நீதிமன்ற உத்தரவின்படி, தூத்துக்குடி ஸ்டெர்லைட் ஆலையில் ஆக்சிஜன் உற்பத்தி மற்றும் அதைச் சார்ந்த இயந்திரங்களை மட்டும் சீர் செய்து இயக்கிக்கொள்ள தற்காலிகமாக 4 மாதங்களுக்கு மட்டும் (ஆகஸ்ட் வரை) தமிழ்நாடு மின்சார வாரியம் மூலம் வழங்கப்படும் மின்சாரத்தை பயன்படுத்தி இயங்க அனுமதிக்கலாம் என தெரிவிக்கப்பட்டுள்ளது.

தமிழகத்தில் வெற்றி யாருக்கு? நட்சத்திர வேட்பாளர்களின் நிலை என்ன?

ஆக்சிஜன் தேவையை கருத்தில் கொண்டு, நிலவும் சூழ்நிலையின் அடிப்படையில் இந்த காலம் பின்னர் நீட்டிக்கப்படலாம். இத்தொழிற்சாலையில் எக்காரணத்தை கொண்டும், தாமிர உற்பத்தி உள்பட எந்தவித உற்பத்தியையும், மின் உற்பத்தி அலகையும் திறக்கவோ, இயக்கவோ அனுமதிக்கப்படமாட்டாது. இந்த குறிப்பிட்ட காலத்திற்கு பின்னர் தமிழ்நாடு மின்சார வாரியத்தின் மின் இணைப்பு துண்டிக்கப்படும் என கூறப்பட்டுள்ளது.

உற்பத்தி செய்யப்படும் ஆக்சிஜனில் தமிழ்நாட்டிற்கே முன்னுரிமை வழங்க வேண்டும். தமிழ்நாட்டின் தேவைபோக அதிகப்படியாக உள்ளதை மட்டும் பிற மாநிலங்களுக்கு வழங்கலாம்.
தமிழகத்தில் விரைவில் முழு பொதுமுடக்கம்: அறிவிப்பு எப்போது?
ஆக்சிஜன் உற்பத்தி செய்யும் பகுதியில், ஆக்சிஜன் உற்பத்தியுடன் நேரடி தொடர்புடைய தொழில்நுட்ப பணியாளர்கள் மட்டும் அனுமதிக்கப்படுவார்கள். எக்காரணத்தை கொண்டும் ஆக்சிஜன் உற்பத்தி செய்யும் அலகைத் தவிர வேறு எந்த அலகும் செயல்பட அனுமதிக்கப்படாது.

தற்காலிக ஆக்சிஜன் உற்பத்தியை கண்காணிக்க தமிழக அரசால் மாவட்ட ஆட்சியரின் தலைமையில் 9 பேர் கொண்ட கண்காணிப்பு குழு அமைக்கப்படும் என தெரிவிக்கப்பட்டுள்ளது.



Thanks for the source

Share on Social Media

Leave a Reply

Your email address will not be published. Required fields are marked *