Share on Social Media

ஹைலைட்ஸ்:

  • குழந்தைக்கு கீரை சூப் கொடுப்பதால் எந்தவிதமான பாதிப்பும் இருக்காது.
  • ஆனால் குழந்தைக்கு ஆறு மாதத்திலேயே கீரைகளை பழக்கலாம். சூப் வைத்து கொடுக்கலாம்


குழந்தைக்கு திரவ உணவு கொடுக்கும் போது கவனமாக இருக்க வேண்டும். ஏனெனில் கொடுக்கும் உணவு குழந்தைக்கு வேண்டிய சத்தை நிறைவாக கொடுக்க வேண்டும். ஆறு மாதங்களுக்கு பிறகு குழந்தைக்கு கொடுக்கும் உணவுகள் எதுவாக இருந்தாலும் முதலில் குழந்தைக்கு ஒவ்வாமையை உண்டு செய்கிறதா என்பதை அறிந்த பிறகே கொடுப்பது நல்லது.

ஒவ்வொரு உணவையும் முதலில் பழக்கும் போது மூன்று நாட்கள் இடைவெளி விட வேண்டும். இடையில் வேறு எதையும் பழக்ககூடாது. அப்போதுதான் கொடுத்த உணவு ஒவ்வாமையை உண்டாக்குகிறதா என்பதை அறிய முடியும். குழந்தைக்கு கொடுக்க வேண்டிய சத்தான ஆகாரங்களில் முக்கியமானது கீரை.

ஆனால் குழந்தைக்கு ஒரு வயது ஆகும் வரை கீரையை சேர்க்க முடியாது என்று அம்மாக்கள் நினைக்கலாம். ஆனால் குழந்தைக்கு ஆறு மாதத்திலேயே கீரைகளை பழக்கலாம். சூப் வைத்து கொடுக்கலாம். இதை தயாரிக்கும் முறையும் பலன்களும் குறித்து பார்க்கலாம்.

குழந்தைகளின் ஆஸ்துமாவை கட்டுப்படுத்தும் அருமையான உணவுகள்!

இதை தயாரிக்கும் முறை எளிதானது. சுவையாக இருக்கும். இந்த சூப்பை குழந்தைகள் மறுக்காமல் குடிப்பார்கள். எப்படி தயாரிப்பது என்று பார்க்கலாம்.

தேவை

கீரை இலைகள் – சிறிய கப்
சாம்பார் வெங்காயம் – சிறு துண்டுகளாக நறூக்கியது 1 டீ ஸ்பூன்
பூண்டு – சிறு துண்டுகளாக நறுக்கியது 1 டீஸ்பூன்
மஞ்சள் தூள் – 2 சிட்டிகை அளவு
உப்பு – தேவைக்கு
வெண்ணெய் – கால் டீஸ்பூன்
சீரக விதைகள் – கால் டீஸ்பூனில் பாதி அளவு,’
மிளகுத்தூள் – சிட்டிகை
தண்ணீர் – 2 கப்

ஒடும் நீரில் கீரையை அலசி எடுக்கவும். இரண்டு முறையாவது அலசுங்கள். வெங்காயம் மற்றும் பூண்டை நறுக்கி வைக்கவும். வெண்ணெய் சூடாக்கி வாணலியில் சீரகம் சேர்த்து பொரிக்கவும். அது வெடித்ததும் வெங்காயம், பூண்டு நறுக்கி சேர்த்து வதக்கவும். பொன்னிறமாக வரும் வரை வறுத்து நறுக்கிய கீரையை மஞ்சள் தூள் மற்றும் உப்பு சேர்த்து கலக்கவும். பிறகு இரண்டு கப் நீர் சேர்த்து அடுப்பை மிதமான தீயில் வைத்து சமைத்து எடுக்கவும்.

கீரை நன்றாக வேகும் வரை 10 நிமிடங்கள் வேக வைத்து இறக்கி குளிர விடவும். சமைத்தவற்றை மிக்ஸியில் கலந்து நன்றாக ப்ளெண்டரில் அரைக்கவும். பிறகு இதை வடிகட்டி விடவும். சிறிய குழந்தைகள் என்பதால் எக்காரணம் கொண்டும் அப்படியே கொடுக்க வேண்டாம். வடிகட்டி கொடுப்பது சிறந்தது.

குழந்தைக்கு எப்போது அசைவ உணவு? எப்படி கொடுக்கலாம்? 9 ஆம் மாத உணவுகள்!

இந்த சூப்பை குழந்தைக்கு முதலில் கொடுக்கும் போது அடுத்த இரண்டு நாட்கள் வேறு உணவை கொடுக்க வேண்டாம். பெரும்பாலும் குழந்தைக்கு கீரை சூப் கொடுப்பதால் எந்தவிதமான பாதிப்பும் இருக்காது. என்றாலும் இதை பரிசோதித்து கொடுப்பது நல்லது.

கீரைகள் வைட்டமின்கள் நிறைந்தவை. இரும்புச்சத்து அதிகமாக இருக்கும். ஆறு மாத குழந்தைகளுக்கு கொடுக்கும் போது மருத்துவரது ஆலோசனை பெற தயங்காதீர்கள். திரவ உணவை பழகியபிறகு இதை கொடுக்க தொடங்குங்கள். 10 மாத குழந்தைகளுக்கு இது ஏற்ற சத்தான ரெசிபி.

முதலில் கொடுக்கும் போது நீரை மட்டும் வடிகட்டி கொடுங்கள். மிளகுதூள், உப்பு விருப்பம் இருந்தால் சேர்க்கலாம். கீரைகள் எந்த வகையாக இருந்தாலும் சேர்க்கலாம். கீரைகள் குழந்தைக்கு பாதுகாப்பானவை என்றாலும் மருத்துவரின் ஆலோசனை அவசியம்.

Thanks for the Source

Share on Social Media

Leave a Reply

Your email address will not be published. Required fields are marked *