Share on Social Media


பிரபல பாடகரான எஸ்.பி. பாலசுப்பிரமணியம் கொரோனோ வைரஸ் பாதிப்பால் கடந்த ஆகஸ்ட் மாதம் 5ம் தேதி சென்னையில் இருக்கும் தனியார் மருத்துவமனையில் அனுமதிக்கப்பட்டார். தான் நலமாக இருப்பதாகவும், சில நாட்களில் வீடு திரும்பிவிடப்போவதாகவும் அவர் மருத்துவமனையில் இருந்து வீடியோ வெளியிட்டார்.

அந்த வீடியோவில் எஸ்.பி.பி. நன்றாக இருந்தார். ஆனால் ஆகஸ்ட் 13ம் தேதி அவரின் உடல்நலம் மோசமானது. இதையடுத்து அவருக்கு செயற்கை சுவாசம் பொருத்தப்பட்டது. கொரோனா பாதிப்பில் இருந்து குணமடைந்த எஸ்.பி.பி. கடந்த செப்டம்பர் மாதம் 25ம் தேதி மாரடைப்பால் மரணம் அடைந்தார்.

அவரின் உடல் தமிழக அரசு மரியாதையுடன் நல்லடக்கம் செய்யப்பட்டது. இந்நிலையில் புதுச்சேரியில் இருக்கும் பேக்கரி ஒன்றில் எஸ்.பி. பாலசுப்பிரமணியத்தை கவுரவிக்க அவருக்கு சாக்லேட் சிலை செய்துள்ளனர். 5.8 அடி உயரத்தில் இருக்கும் அந்த சிலையின் எடை 339 கிலோ ஆகும்.

ஷெஃப் ராஜேந்திரன் தன் குழுவுடன் சேர்ந்து 161 மணிநேரத்தில் செய்த சிலையாம். தற்போது அந்த சிலை பேக்கரியில் வைக்கப்பட்டுள்ளது. அந்த சிலை ஜனவரி 3ம் தேதி வரை பொதுமக்கள் பார்வைக்கு வைக்கப்பட்டிருக்கும் என்று ராஜேந்திரன் தெரிவித்துள்ளார்.

இதே பேக்கரி தான் மறைந்த முன்னாள் குடியரசுத் தலைவர் அப்துல் கலாம், ரஜினிகாந்த் மற்றும் சில கிரிக்கெட் வீரர்களுக்கும் சாக்லேட் சிலை செய்தது என்பது குறிப்பிடத்தக்கது.

நெல்லூர் இசை பள்ளிக்கு எஸ்.பி.பி. பெயர் வைக்கும் ஆந்திர அரசு

முன்னதாக எஸ்.பி. பாலசுப்பிரமணியத்தை கவுரவிக்கும் வகையில் நெல்லூரில் இருக்கும் அரசு இசை மற்றும் நடனப் பள்ளியின் பெயரை டாக்டர் எஸ்.பி. பாலசுப்பிரமணியம் அரசு இசை மற்றும் நடனப் பள்ளி என்று பெயர் மாற்றுவதாக ஆந்திர மாநில அரசு அறிவித்தது.

இதற்கிடையே சிறுதுளி என்கிற என்.ஜி.ஓ. கோவையில் எஸ்.பி.பி. வனம் என்கிற பெயரில் சிறு காட்டை உருவாக்கி வருகிறது. அந்த வனத்தில் 13 வகையான மரங்கள் இருக்குமாம். எஸ்.பி.பி. வனத்திற்கான பூஜை அக்டோபர் மாதம் 15ம் தேதி நடந்தது.



Source link

Share on Social Media

Leave a Reply

Your email address will not be published. Required fields are marked *