1601143042 pic Tamil News Spot
Share on Social Media

பாடகர் எஸ்பி பாலசுப்பிரமணியம் உடல்நலக்குறைவால் நேற்று மதியம் மரணம் அடைந்த நிலையில் இன்று அவரது உடல் திருவள்ளூர் தாமரைபாக்கத்தில் உள்ள பண்ணை வீட்டில் அடக்கம் செய்யப்பட்டது.

நேற்று அரசு அறிவித்தது போலவே முழு அரசு மரியாதை உடன் 72 குண்டுகள் முழங்க எஸ்பிபியின் உடல் அடக்கம் செய்யப்பட்டது. நடிகர் அர்ஜுன் இறுதிச்சடங்கில் நேரில் கலந்துகொண்டு தன் இறுதி மரியாதையை எஸ்பிபிக்கு செலுத்தினார்.

அதன் பின் செய்தியாளர்களை சந்தித்த அவர் தனக்கு தாயின் மணிக்கொடி, மலரே மெளனமா போன்ற பல பாடல்களை பாடி இருக்கிறார் என குறிப்பிட்டு உள்ளார். “அவர் தான் இந்த நூற்றாண்டின் பாடகர். அவருக்கு கண்டிப்பாக பாரத ரத்னா விருது வழங்க வேண்டும் என்பது என் வேண்டுகோள்” என அவர் கூறி உள்ளார்.

samayam tamil Tamil News Spot

SPBயுடன் மறக்கமுடியாத அனுபவம் பற்றி Arjun Emotional Video

அது போன்ற கோரிக்கையை மேலும் பல பிரபலங்களும் தற்போது வைத்து உள்ளனர். இசையமைப்பாளர் மற்றும் இயக்குனர் கங்கை அமரன் அளித்துள்ள பேட்டியில் “எஸ்.பி.பிக்கு பாரத ரத்னா விருது கிடைக்க முயற்சிப்பேன். அந்த விருது குழுவில் நான் இருக்கிறேன்” என தெரிவித்துள்ளார்.

தனது 50 வருடத்திற்கும் மேலான கெரியரில் எஸ்பிபி சுமார் 40 ஆயிரத்திற்கும் மேலான பாடல்களை பாடி உள்ளார். அவரது சாதனைகள் மற்றும் பெற்ற விருதுகள் ஏராளம். அவரது மறைவுக்கு ஒட்டுமொத்த இந்திய சினிமா துறையினரும் இரங்கல் தெரிவித்து அது மட்டுமின்றி அரசியல் தலைவர்கள், பிரதமர், ஜனாதிபதி உட்பட பலரும் இரங்கல் தெரிவித்து இருந்தனர். இன்று எஸ்பிபியின் இறுதி சடங்கைள கலந்துகொள்ள முடியாத ரசிகர்கள் தங்கள் இரங்கலை சமூக வலைத்தளத்தில் தெரிவித்து இருக்கின்றனர்.

அவரது இழப்பை ஒட்டுமொத்த நாடும் சோகமாக கருதும் நிலையில் அவருக்கு பாரத ரத்னா விருது வழங்க வேண்டும் என சினிமா நட்சத்திரங்கள் பலரும் வேண்டுகோள் வைத்து வருகின்றனர்.

Thanks for the Source

Share on Social Media

Leave a Reply

Your email address will not be published. Required fields are marked *