Share on Social Media


ஹைலைட்ஸ்:

  • வேண்டுமென 22 பேருக்கு கொரோனாவை பரப்பிவிட்ட நபர்
  • போலீஸ் விசாரணைக்கு பின் கைது செய்யப்பட்டுள்ளார்

ஸ்பெயின் நாட்டில் 22 பேருக்கு கொரோனாவை பரப்பி விட்டவர் கைது செய்யப்பட்டுள்ளார். ஸ்பெயினில் மல்லோர்கா பகுதியை சேர்ந்த நபர் ஒருவர் கொரோனா அறிகுறிகள் தெரிந்தபிறகும் அலுவலகம், ஜிம் என பல இடங்களுக்கு சென்று கொரோனாவை பரப்பிவிட்டதாக போலீஸார் தெரிவித்துள்ளனர்.

இதில் சம்பந்தப்பட்ட நபர் மீது போலீசார் விசாரணை நடத்தி வந்துள்ளனர். அப்போது, கொரோனா தொற்றால் பாதிக்கப்பட்டிருப்பது தெரிந்தபின்பும் அதை மறைத்துவிட்டு பல இடங்களுக்கு சென்று தொற்றை பரப்பிவிட்டிருப்பது தெரியவந்துள்ளது.

சம்பந்தப்பட்ட நபருக்கு அலுவலகத்தில் கொரோனா அறிகுறிகள் தெரிந்தபின் கொரோனா பரிசோதனை செய்துகொள்ளும்படி அறிவுறுத்தியுள்ளனர். ஆனால், கொரோனா பரிசோதனைக்கு பின் தனிமைப்படுத்திக்கொள்ளாமல் தொடர்ந்து அலுவலகத்துக்கு வந்துள்ளார்.

என்னது இத்தனை நாள் ஊரடங்கா? ஆனால் பள்ளிகள் மட்டும் திறப்பு!
இதுமட்டுமல்லாமல் தினசரி ஜிம்முக்கு சென்றுவந்துள்ளார். அவரை வீட்டுக்கு செல்லும்படி அலுவலகத்தில் மேனேஜர் அறிவுறுத்தியுள்ளார். ஆனால் அதை கண்டுகொள்ளாமல் தொடர்ந்து அலுவலகத்தில் இருந்துள்ளார். இதுமட்டுமல்லாமல், எல்லாருக்கும் கொரோனாவை பரப்ப போவதாக வெளிப்படையாக தெரிவித்துள்ளார்.

இதையடுத்து, அவர் மீது போலீசில் புகாரளிக்கப்பட்டது. இவ்விவகாரம் குறித்து போலீசார் விசாரணை நடத்தி வந்தனர். இந்நிலையில், அவர் கைது செய்யப்பட்டுள்ளார். அவரால் இதுவரை 22 பேர் கொரோனாவால் பாதிக்கப்பட்டுள்ளதாக போலீசார் தெரிவித்துள்ளனர்.



Source link

Share on Social Media

Leave a Reply

Your email address will not be published. Required fields are marked *