Share on Social Media


ஹைலைட்ஸ்:

  • மீண்டும் லாக்டவுன்?
  • அரசு வெளியிட்ட பரபரப்பு தகவல்!

ஊரடங்கு போன்ற கடும் நடவடிக்கைகளை எடுக்காமலேயே ஒமைக்ரான் வைரஸ் தொற்றை கட்டுப்படுத்தி விடுவோம் என அரசு அறிவித்துள்ளது.

கடந்த 2019 ஆம் ஆண்டு டிசம்பர் மாத இறுதியில், சீனாவின் வூகான் நகரில் பரவிய கொரோனா வைரஸ், இந்தியா, அமெரிக்கா, இத்தாலி, பிரிட்டன், பிரான்ஸ், ஸ்பெயின் உள்ளிட்ட நாடுகளில் பரவி கடுமையான பாதிப்புகளை ஏற்படுத்தி விட்டது. தற்போது கொரோனா வைரஸ் தொற்றுக்கு தடுப்பூசிகள் கண்டுபிடிக்கப்பட்டு பொது மக்களுக்கு செலுத்தப்பட்டு வருகிறது. கொரோனா வைரஸ் தொற்றும் பல்வேறு வகைகளில் உருமாற்றம் அடைந்து சுகாதாரத் துறையினரையும் கதிகலங்க வைத்து விட்டது.

இந்நிலையில், தென் ஆப்பிரிக்க நாட்டில், கொரோனா வைரஸ் தொற்று தனது புதிய அவதாரத்தை எடுத்துள்ளது. அந்த வைரஸ் தொற்றுக்கு ஒமைக்ரான் என பெயர் வைக்கப்பட்டு உள்ளது. இந்த வைரஸ் தொற்று, டெல்டா, டெல்டா பிளஸ் வகை கொரோனா வைரஸ்களை விட மிகவும் ஆபத்தானது என்றும், ஏற்கனவே கொரோனா தொற்றால் பாதிக்கப்பட்டவர்களை குறிவைத்து தாக்குவதாகவும் நிபுணர்கள் எச்சரிக்கை விடுத்துள்ளனர். இதை அடுத்து தென் ஆப்பிரிக்கா உள்ளிட்ட எட்டு நாடுகள் உடனான சர்வதேச விமான சேவையை அமெரிக்கா, இஸ்ரேல், பிரிட்டன் உள்ளிட்ட நாடுகள் ரத்து செய்துள்ளன.
மீண்டும் முழு ஊரடங்கு: கட்டுக்கடங்காத கொரோனாவால் அரசு உத்தரவு!
இந்நிலையில், தென் ஆப்பிரிக்க சுகாதாரத் துறை அமைச்சர் ஜோ பாஹ்லா செய்தியாளர்களிடம் கூறியதாவது:
எந்தவித கடும் கட்டுப்பாடுகளை எடுக்காமலேயே ஒமைக்ரான் தொற்றை கட்டுப்படுத்தி விடலாம். இதற்காக முழு ஊரடங்கு போன்ற நடவடிக்கைகளை எடுக்க வேண்டிய அவசியமில்லை. இந்த வைரஸ் தொற்றை எப்படி தடுப்பது என்பது குறித்து எங்களுக்கு தெரியும். கொரோனா நான்காம் அலை, ஒமைக்ரான் வைரஸ் போன்றவற்றை தடுப்பது குறித்து எங்களுக்குத் தெரியும்.
இவ்வாறு அவர் கூறினார்.



Source link

Share on Social Media

Leave a Reply

Your email address will not be published. Required fields are marked *