Share on Social Media


எடை குறைப்பு என்றால் உடனே எல்லோருக்கும் நினைவுக்கு வருவது கலோரிகளைக் குறைப்பது தான். அதாவது உட்கொள்ளும் சாப்பாட்டின் அளவைக் குறைப்பது அல்லது சாப்பாட்டையே தவிர்ப்பது தான் என்று பட்டினி கிடப்பார்கள். அது சரியான வழிமுறையா என்றால் இல்லை என்ற பதில் தான் உங்களுக்குக் கிடைக்கும். உணவைத் தவிர்ப்பதற்கு பதிலாக சிறந்த எடை மேலாண்மையை மேற்கொள்வதன் மூலம் உடல் எடையைக் குறைக்கலாம்.

​தவறான புரிதல்

நிபுணர்களின் கூற்றுப்படி உடல் எடையைக் குறைப்பதற்காக வேண்டி பெரும்பாலானவர்கள் மதிய உணவைத் தவிர்க்கிறார்கள். ஆனால் உண்மையில் அப்படி தவிர்ப்பது தேவையா, இதனால் உடல் எடை குறையுமா என்றால், இதற்கான பதில் இல்லை என்பது தான்.

கலோரி உட்கொள்ளலைத் தவிர்ப்பதன் எடை இழப்பு ஏற்படும் என்ற பழங்கால தவறான கருத்துக்களால் உணவைத் தவிர்க்க வேண்டும் என்ற எண்ணம் ஏற்படும்.

மதிய உணவைத் தவிர்ப்பதன் மூலம், நாள் முழுவதும் உட்கொள்ளும் மொத்த கலோரிகளைக் கட்டுப்படுத்த முயற்சி செய்கிறார்கள். இதனால் உடல் எடை குறையும் என்றும் நம்புகிறார்கள்.

​உணவைத் தவிர்ப்பதால் என்ன நடக்கும் ?

samayam tamil Tamil News Spot

உடல் பருமன் என்பது ஒரு சிக்கலான நிலை என்பதை முதலில் புரிந்து கொள்ள வேண்டும். எடை அதிகரிப்புக்கு என்று உள்ள காரணிகளில் மரபியல் போன்ற சிலவற்றை நம்மால் மாற்றவே முடியாது.

உணவைத் தவிர்ப்பது என்பது எடையைக் குறைப்பதற்காக கலோரி நுகர்வுகளைக் குறைக்கும் முயற்சியாகும்.

ஆனாலும், இதற்கு நம் உடல் எவ்வாறு பதிலளிக்கிறது என்று தெரியுமா. ஒருவேளை உணவை எடுத்துக் கொள்ளலாமல் இருப்பதால் பசி அதிகரிக்கும், இதனால் அடுத்த வேளை உண்ணும்போது அதிக அளவில் சாப்பிட வேண்டும் என்ற உந்துதல் ஏற்படும்.

அதேபோல், உடலுக்கு ஆற்றல் தரும் உணவைத் தவிர்ப்பதன் மூலம் ஒருவரை சோர்வாக உணர வைக்கும். இதனால் உடல் செயல்பாடுகளின் திறன் கட்டுப்படுத்தப்படுவதொடு, வளர்சிதை மாற்றமும் மெதுவாகும். ஏனெனில், நமது உடல் ஆற்றலை செலவழிப்பதை விட ஆற்றலைச் சேமிப்பதில் அதிக கவனம் செலுத்தும்.

cooling foods: குளிர்காலத்தில் ஜில்லுனு இருக்கும் உணவுகளை சாப்பிட்டா என்னென்ன பிரச்சினைகள் வரும்…

​மன அழுத்தத்தை உண்டாக்கும்

samayam tamil Tamil News Spot

ஊட்டச்சத்து குறைபாடுகள் ஏற்படுவதற்கான வாய்ப்புகள் அதிகரிக்கும். நீரிழிவு நோயாளிகள் உணவைத் தவிர்ப்பதால் நெஞ்செரிச்சல் மற்றும் இரத்த சர்க்கரை அளவில் மாற்றம் போன்றவை ஏற்படலாம்.

மதிய உணவு மட்டுமின்றி எந்த வேளை உணவைத் தவிர்த்தாலும், கார்டிசோல் சுரப்பின் அளவு அதிகரிக்கலாம். இது பசி மற்றும் மன அழுத்தத்தை உணர வைக்கும்.

மதிய உணவைத் தவிர்ப்பது ஆரம்பத்தில் சிறிதளவு எடையைக் குறைக்க உதவும். இருப்பினும், இதனால் ஏற்படும் பிரச்சனைகள் உங்களை மன அழுத்தத்துக்கு ஆளாக்கும்.

protein rich food: கருப்பு கொண்டைக்கடலை சூப் சாப்பிட்டா இந்த பலனெல்லாம் கிடைக்கும்… செய்வது எப்படி? ரெசிபி உள்ளே…

​ஆரோக்கியமான உணவு முறை

samayam tamil Tamil News Spot

உடல் எடையைக் குறைப்பதற்கும் ஆரோக்கியமான உணவு முறை அவசியம் ஆகும். தற்போது பரவலாக அறிவியல்பூர்வமற்ற முறையில் பின்பற்றப்படும் பாட் டயட்கள் நீடித்த எடை குறைப்புக்கு வழிவகுக்காது. இதனால் கடுமையான பக்க விளைவுகள் ஏற்படலாம்.

இதுபோன்ற உடல் எடைக் குறைப்பு உணவுமுறையை முயற்சி செய்வதற்கு முன் தொழில்முறை எடை இழப்பு நிபுணரை அணுகி ஆலோசித்து விட்டு பின்னர் துவங்குங்கள்.



Source link

Share on Social Media

Leave a Reply

Your email address will not be published. Required fields are marked *