Share on Social Media


நடிகர் தனுஷ் தேசிய விருது வென்ற சேகர் கம்முலா இயக்கும் நேரடி தெலுங்கு படத்தில் நடிக்க உள்ளது நம் அனைவரும் அறிந்ததே. இது மட்டுமல்லாமல் மேலும் ஒரு தெலுங்கு படத்தில் நடிக்க தனுஷை தயாரிப்பாளர் ஒருவர் அணுகி உள்ளதாகவும் செய்திகள் வெளியாகின. இந்நிலையில் தனுஷ் பாணியில் நடிகர் சிவகார்த்திகேயனும் தெலுங்கு திரைப்படம் ஒன்றில் நடிக்க உள்ளதாக தகவல்கள் வெளியாகியுள்ளன.

கடந்த மார்ச் மாதம் தெலுங்கில் வெளியான திரைப்படம் ’ஜாதி ரட்னலு’திரைப்படம் மிக குறைந்த பட்ஜெட்டில் உருவாகி உலகம் முழுவதும் 65 கோடிக்கு மேல் வசூல் ஆகி மிகப்பெரிய பிளாக்பஸ்டர் ஹிட் அடித்தது. அனுதீப் என்பவர் இயக்கி இருந்த இந்த திரைப்படம் காமெடியை பிரதானமாக கொண்டு உருவாகியிருந்தது. ரசிகர்கள் மத்தியில் மிகப்பெரிய வரவேற்பை பெற்ற இந்த திரைப்படத்தை இயக்கிய அனுதீப் இயக்கத்தில் தான் சிவகார்த்திகேயன் நடிக்க உள்ளதாக தகவல்கள் வெளியாகியுள்ளன.

தமிழ், தெலுங்கு ஆகிய இரண்டு மொழிகளில் உருவாக உள்ள இந்த திரைப்படத்தை பிரபல நிறுவனம் ஒன்று தயாரிக்க இருப்பதாகவும் கூறப்படுகிறது. ஏற்கனவே சிவகார்த்திகேயன் படங்களுக்கு தெலுங்கில் நல்ல மார்க்கெட் உள்ளது. இந்நிலையில் நிலையில் தற்போது நேரடி தெலுங்கு திரைப்படத்தில் அவர் நடிக்க உள்ளார் என்பது குறிப்பிடத்தக்கது.

பூலோகம் பட இயக்குனருடன் இரண்டாவது முறையாக இணையும் ஜெயம் ரவி: விரைவில் படப்பிடிப்பு!
சிவகார்த்திகேயன் நடிப்பில் அடுத்ததாக டாக்டர் திரைப்படம் வெளியாக உள்ளது. நெல்சன் தீலிப்குமார் இயக்கியுள்ள இந்த திரைப்படம் நேரடியாக ஓடிடியில் வெளியாக உள்ளதாக தகவல்கள் வெளியாகியுள்ளன. அதே போல் ‘இன்று நேற்று நாளை’ திரைப்பட இயக்குனர் ரவிக்குமார் இயக்கத்தில் சிவகார்த்திகேயன் நடித்துள்ள ‘அயலான்‘ திரைப்படமும் வெளியீட்டிற்காக காத்து கொண்டிருக்கிறது. தற்போது அறிமுக இயக்குனர் சிபி சக்கரவர்த்தி இயக்கத்தில் சிவகார்த்திகேயன் நடித்து வரும் ‘டான்‘ திரைப்படத்தின் படப்பிடிப்பும் விரைவில் முடிவடைய உள்ளது குறிப்பிடத்தக்கது.

இந்நிலையில் நடிகர் சிவகார்த்திகேயன் நேரடியாக தெலுங்கி திரைப்படம் ஒன்றில் நடிக்கவுள்ளதாக வெளியாகியுள்ள செய்தி ரசிகர்கள் மத்தியில் மகிழ்ச்சியை ஏற்படுத்தியுள்ளது. விரைவில் இது குறித்த அதிகாரப்பூர்வ அறிவிப்பு வெளியாகும் என எதிர்பார்க்கப்படுகிறது.



Source link

Share on Social Media

Leave a Reply

Your email address will not be published. Required fields are marked *