Share on Social Media


சிவகார்த்திகேயன் ரசிகர்களின் நீண்ட நாள் காத்திருப்புக்கு மத்தியில் வெளியான படம் ‘டாக்டர்‘. நெல்சன் திலீப்குமார் இயக்கத்தில் உருவாகியுள்ள இந்தப்படம் கடந்த அக்டோபர் 9 ஆம் தேதி திரையரங்குகளில் வெளியானது. கொரோனா அச்சத்தை எல்லாம் மீறி இந்தப்படம் ரசிகர்கள் மத்தியில் அமோக வரவேற்பினை பெற்றது.

‘கோலமாவு கோகிலா’ படத்திற்கு பிறகு இயக்குநர் நெல்சன் திலீப் குமார் சிவகார்த்திகேயன் நடிப்பில் இயக்கிய படம் ‘டாக்டர். இந்த படம் மூலம் தமிழ் சினிமாவில் கதாநாயகியாக அறிமுகமானார் பிரியங்கா மோகன். இவர்களுடன் யோகிபாபு, வினய் உள்ளிட்டோர் முக்கிய கதாபாத்திரத்தில் நடித்துள்ளனர். இந்த படத்தை கே.ஜே.ஆர். ஸ்டூடியோஸ் உடன் இணைந்து சிவகார்த்திகேயனின் சொந்த நிறுவனமான எஸ்.கே.புரொடக்‌ஷன் தயாரித்தது.

இந்நிலையில் சிவகார்த்திகேயனின் குட்டி ரசிகர் ஒருவரின் வீடியோ தற்போது வைரலாகி வருகிறது. அந்த வீடியோவில் தனது அம்மாவிடம் பேசும் அந்த சிறுவன் தான் டாக்டர் ஆகப் போவதாக கூறுகிறார். ஏன் டாக்டர் ஆக வேண்டும் என்று அவரது அம்மா கேட்க ‘டாக்டர்’ படத்தில் சிவகார்த்திகேயன் டாக்டர் ஆக நடித்துள்ளதால் தானும் டாக்டர் ஆக வேண்டும் என்று கூறுகிறார்.

மலையாள சினிமாவிலும் மாஸ் காட்டும் ‘மாநாடு’: உற்சாகத்தில் சிம்பு ரசிகர்கள்!
இணையத்தில் வைரலாகி வரும் இந்த வீடியோவை பார்த்த நடிகர் சிவகார்த்திகேயன், தம்பி சூப்பர்ப்பா. நிச்சயமா டாக்டர் ஆகிடுவீங்க. என்னுடைய வாழ்த்துகள் என பதிவிட்டுள்ளார். மேலும் தொடர்ந்து நல்ல பொழுது போக்கு படங்களை கொடுப்பேன் எனவும் கூறியுள்ளார். சிவகார்த்திகேயனின் இந்த பதிவை பார்த்த ரசிகர்களும், நெட்டிசன்களும் அவரை வாழ்த்தி வருகின்றனர்.

‘டாக்டர்’ படத்தை தொடர்ந்து தற்போது அறிமுக இயக்குனர் சிபி சக்கரவர்த்தி இயக்கும் ‘டான்‘ படத்தில் நடித்து முடித்துள்ளார் சிவகார்த்திகேயன். இந்தப்படத்தில் பிரியங்கா மோகன், புகழ், ஷிவாங்கி, எஸ்.ஜே.சூர்யா, காளி வெங்கட் உள்பட பலர் நடிக்கின்றனர். சிவகார்த்திகேயன் தற்போது ரவிக்குமார் இயக்கத்தில் உருவாகும் ‘அயலான்’ மற்றும் ’சிங்கப்பாதை’ ஆகிய படங்களில் நடித்து வருவது குறிப்பிடத்தக்கது.

அட ராய் லெட்சுமியா இது; நம்பவே முடியலேயேப்பா!



Source link

Share on Social Media

Leave a Reply

Your email address will not be published. Required fields are marked *