Share on Social Media


சைனஸ் பிரச்சனை என்பது ஒரு பொதுவான உடல் பிரச்சனையாக உள்ளது. சில சமயங்களில் நுண்ணுயிர் எதிர்ப்பிகளை பயன்படுத்துவதன் மூலம் சைனஸ் பிரச்சனையைச் சரிசெய்ய முடியும். இன்னும் சிலருக்கு அதுவாகவே இந்த பிரச்சனைகள் சரியாகின்றன. சைனஸ் பிரச்சனைக்கு பொதுவான மருந்தாக ஆண்டி பயாடிக் மருந்துகள் உள்ளன.

​சைனஸ் தொற்று என்றால் என்ன?

சைனசிடிஸ் என்பது கன்னங்கள், நெற்றியின் பின்புறம் மற்றும் மூக்கின் இருபுறமும் அமைந்துள்ள சைனஸ் குழிவுகளில் ஏற்படும் வீக்கத்தைக் குறிக்கும் பொதுவான மருத்துவ சொல் ஆகும். இந்த வீக்கம் உங்கள் சைனஸில் சளியை ஏற்படுத்தி அதன் மூலம் தொண்டைக்கும் வயிற்றுக்கும் இடையே உள்ள இயற்கையான ஓட்டத்தைத் தடுக்கிறது.

பொதுவாக இது பாக்டீரியா மற்றும் வைரஸால் ஏற்படும் தொற்றாக உள்ளது, சிலருக்கு நாள்பட்ட ஒவ்வாமை அல்லது நாசி பாலிப்களாலும் சைனசிடிஸ் ஏற்படலாம்.

​சைனஸ் நோய்த்தொற்றின் பொதுவான அறிகுறிகள்

samayam tamil Tamil News Spot

உங்கள் நெற்றி, கண்கள், மூக்கு மற்றும் கன்னங்களில் வலி மற்றும் அழுத்தம் ஏற்படுதல்.

நாசி தடித்துக் காணப்படுதல்

வாசனை மற்றும் சுவை உணர்வுகள் குறைவாக இருத்தல் ஆகியவை ஆகும்.

இதன் கடுமையான அறிகுறிகள் எனப் பார்த்தோம் எனில்

கடுமையான அளவில் காய்ச்சல் ஏற்படுதல்.

கண்கள் வீங்கி காணப்படுதல்.

குமட்டல் மற்றும் வாந்தி ஏற்படுதல்.

இப்படியான கடுமையான அறிகுறிகள் உங்களுக்கு ஏற்படுகிறது எனில் உடனடியாக உங்கள் மருத்துவரை அணுகி அவரிடம் ஆலோசனை பெறுவது நல்லது.

ஒருவேளை அறிகுறிகள் கடுமையானதாக இல்லாமல் இருந்தால் அவற்றை சரி செய்ய உதவும் சில எளிய வீட்டு வைத்தியங்களைப் பின்பற்றலாம்.

தினமும் ஒரு கைப்பிடி பச்சை கொத்தமல்லி சாப்பிடுங்க… இந்த பிரச்சினைலாம் சரியாயிடும்…

​சூடான துணியைப் பயன்படுத்தவும்

samayam tamil Tamil News Spot

ஒரு சூடான ஈரமான துண்டு அல்லது துணியைக் கொண்டு உங்கள் மூக்கு, கன்னங்கள் மற்றும் கண்கள், நாசிப்பகுதி ஆகியவற்றில் துடைக்கவும். சைனஸ் பிரச்சனை குறைவதற்கு இந்த சிகிச்சை உதவும். தேவைக்கேற்ப தினமும் 20 நிமிடங்கள் இதை செய்யலாம்.

இந்த வைத்தியத்தின் செயல்திறனை விளக்கும் எந்தவிதமான அறிவியல் ஆய்வுகளும் இல்லை என்றாலும், இது உங்களுக்கு நிவாரணம் அளிக்கிறது என நீங்கள் உணர்ந்தால் இந்த முறையைத் தொடர்ந்து செய்யலாம்.

​ஈரப்பதமூட்டிகள்

samayam tamil Tamil News Spot

ஈரப்பதமூட்டிகள் காற்றில் ஈரப்பதத்தை சேர்க்கின்றன, இது நாசிப் பாதையை திறக்கவும், வீக்கத்தைக் குறைக்கவும் உதவுகின்றன. எனவே ஈரப்பதமூட்டிகள் மிகுந்த பயனுள்ளதாக உள்ளன.

பாக்டீரியா மற்றும் பூஞ்சைகள் காற்றில் வெளியேறுவதைத் தடுப்பதற்காக எப்போதும் ஈரப்பதமூட்டியை சுத்தமாக வைத்துக்கொள்வது முக்கியமாகும், ஏனெனில் இதனால் நுரையீரலில் பிரச்சனைகள் ஏற்பட வாய்ப்புள்ளது. எனவே அடிக்கடி சரியான முறையில் ஈரப்பதமூட்டியை சுத்தப்படுத்த வேண்டும்.

நிலவேம்பு டெங்குக்கு மட்டும் மருந்தில்லை… இத்தனை நோயையும் சரிபண்ணும்…

​நீராவி சுவாசம்

samayam tamil Tamil News Spot

ஈரப்பதமூட்டியை போலவே, சூடாக நீராவியை சுவாசிப்பது உங்கள் நாசிப்பாதையை திறந்து வலி மற்றும் அழுத்தத்தை சரி செய்ய உதவுகிறது. நீங்கள் இன்னும் அதிக நன்மைகளைப் பெற நினைத்தால் நீராவியில் துளசி மற்றும் ஆர்.எஸ்.பதி போன்ற மூலிகைகளைப் பயன்படுத்தலாம்.

நீங்கள் இரண்டு வழிகளில் நீராவியை உள்ளிழுக்க முடியும்.

நீராவி சிகிச்சை: நீராவி சிகிச்சைக்கு நீங்கள் சூடான நீரை பயன்படுத்தலாம். அல்லது உங்கள் தலையில் ஒரு துண்டை கட்டிக்கொண்டு கிண்ணத்தில் இருக்கும் சுடுநீரிலிருந்து சுமார் 10 நிமிடங்கள் நீராவியை உள்ளிழுக்கலாம்.

ஆனால் ஒரு கட்டுரையில் இதுகுறித்து கூறும்போது இந்த முறை குழந்தைகளுக்குத் தீக்காயங்களை ஏற்படுத்தலாம் எனக் கூறப்படுகிறது.

நீராவி ஆவியாக்கி: நீராவி ஆவியாக்கியை பயன்படுத்துவது சைனஸ் பிரச்சனையை சரி செய்ய உதவும் நல்ல மருத்துவமாகப் பார்க்கப்படுகிறது. அதிகமான அளவில் சளி உள்ளவர்கள் தங்களுக்கு நெருக்கமாக இந்த நீராவி ஆவியாக்கியை வைத்துக்கொள்ள வேண்டும். ஆனால் குழந்தைகள், செல்ல பிராணிகள் அருகில் இந்த நீராவியில் ஆவியாக்கியை பயன்படுத்தக்கூடாது.

​மூக்கு குவளை

samayam tamil Tamil News Spot

மூக்கு குவளையைப் பயன்படுத்தி உங்கள் நாசிப்பாதையை சரிசெய்ய முடியும். இது சளியைத் தடுக்க உதவுகிறது. உண்மையில் சைனஸ் பிரச்சனையை சரி செய்ய நீராவி உள்ளிழுப்பதை விடவும் இது பயனுள்ளதாக இருக்கும்.

2016 ஆம் ஆண்டு நடத்திய ஒரு ஆய்வின்படி தினசரி இந்த மூக்கு குவளையை பயன்படுத்திய பங்கேற்பாளர்கள் ஆறு மாதங்களுக்குப் பிறகு சைனஸ் பிரச்சனையில் முன்னேற்றத்தை கண்டனர். மூக்கு குவளையை மிகவும் பாதுகாப்பாக பயன்படுத்த வேண்டும். ஒவ்வொரு பயன்பாட்டிற்குப் பிறகும் இந்த குவளையை சூடான நீரில் கழுவவும்.

சருமத்தில் இந்தமாதிரி ஏற்படும் வெள்ளை திட்டுக்கள் ஏற்படுவது ஏன்… காரணம் என்ன… எப்படி தடுக்கலாம்…

​நிறைய தண்ணீர் குடித்தல்

samayam tamil Tamil News Spot

தினமும் அதிக தண்ணீர் குடிப்பது நமக்கு பல்வேறு நன்மைகளைச் செய்கின்றன. இதனால் சளியானது மெல்லியதாகிறது. எனவே தினமும் 8 க்ளாஸ் தண்ணீர் குடிப்பதை பழக்கமாக்கிக் கொள்ளவும். நீங்கள் தேநீர் அல்லது சூப் போன்ற சூடான பானங்களையும் அருந்த முயற்சி செய்யலாம். ஆனால் சைனஸ் பிரச்சனை உள்ளவர்கள் மது அருந்துவதை தவிர்க்க வேண்டும்.

ஏனெனில் சைனஸ் பிரச்சனைக்கு ஆண்டி பயாடிக் எடுத்துக்கொண்டு அதனுடன் மது அருந்தினால் அது வயிற்றுவலி மற்றும் தூக்கமின்மை போன்ற பக்கவிளைவுகளை ஏற்படுத்தலாம்.

எனவே இந்த முறைகளை பின்பற்றி சைனஸ் பிரச்சனையை சரி செய்ய முடியும். ஒருவேளை சைனஸ் பிரச்சனைகள் அதிகமாக இருந்தால் உங்கள் மருத்துவரிடம் ஆலோசனை பெறவும்.



Source link

Share on Social Media

Leave a Reply

Your email address will not be published. Required fields are marked *